¹ Yu waritaru anta isusmun mang tatku Apanllmun nllurtargiya. itrusha yu waritaru anta apanlle chinaku watatam nllurtargu anu chinaktamcha ² Anmun yasakniya chinamama apanlle wipa, apanlle chinakuni yuwa kamachtaku ano tuminkiniya. ³ watacha an chinashi Apanllema; yuwa atu ano tuminkuni. Watam yu kamachtamrini atu an nda mbamawa. ⁴ Inchingrusin Apanllmun nllurtargu an tsapurnase kasikiya. Ashriya in watacha tsapurnasshuche kasikni an mangini tatkini anmuno. ⁵ ¿chakaja tsapurnase kasich?Yuw tputs mang tateru Isuso Apanllcha wipa atu an kasichiya. ⁶ Watacha yuw kusrangu kungumun misha ursirmuno an Isuscha , nda kungumnumrita ursirmuntamta. ⁷ Ashriya tuchip tarashe kamankiya: ⁸ kanich wnasrimshi , kungo misha ursiri. Insha tuchip kuz minamri chinashish payukniya. ⁹ Isha tputse tarash payukuni , Apanllnasha tarash kasirya. Ashriya Apanll tarash watacha , wipa tarash kamanku ancha. ¹⁰ Yuwsha Apanllmun wip mang tatku ashri uwa tarash payukiya wanshota. Misha yuwsha tputs nda Apanllmun mang tatku waigichrirem inakiya , watam Apanlle tarash nda mang tatkuwa wipa kamanrangu anotsi. ¹¹ Ashriya tarashish watacha:Apanllsha panargiya tarashish urutmashi wipamno. ¹² Yuwsha tputs wipamun mang tatko tarashish urutmashe payukiya , itrusha yuwsha nda Apanllmun wip mang tatko an tarashish urutmashe nda payuchiya . ¹³ Ashriya ne kuz siyam yandargina , yuwis Apanllmun wip mangis tatkis anoma , yasamama tarashish urutmash payuchis anotsi. ¹⁴ Ashritam chinashish minamri payumama Apanllmuno , watam isha mashkachuni yuwa wana zanku anochsha , Apanllsha iya maznakiya. ¹⁵ Ashriya iya Apanll maznakcha , yuwa mashkini anotsi . ¹⁶ Wanari tputs zunlle yutri ashku paku itrusha nda tpuste pachaku , ashriya zonllem Apanllpa mashchiya , Apanllsha taraashe panachiya , mantsir ashku anocha ati nda pachashetsi. Tarcha yutritshish tsipatsush natrich anu , ashriya anomaja Apanllpa mashantsa ate nda. ¹⁷ Ichingro mantsir chinashish yutricha; taritamcha minam yutrishish itrusaha nda pachashi. ¹⁸ Yasatnicha ichingrusin apanllmun nllurtargana an nda yutritshishush pantsakiya; watam Apanllsha wana ksutkuwa nda yashing tupantsmama. ¹⁹ Yasartamnicha yanatsta Apanllchichnicha , yashingsha tsapurnasush takiya. ²⁰ Misha yasatnicha Apanll wip kusrangu anotsi ashriya iyamsha chinashish mangonmam wayargiya , isha kamiran yasamama yu zurmamshi anotsi. Ashritam takniya yu zurmamshi ansho, wipash Isussho.Ashriya usha zurmari Apanllcha tarashish urutmashi. ²¹ Zuwanche apanllputse chinarintspa,