8 ¹ Ka'tune YUMTZILE tu t'aanaj Moisés: "Xeen ti Faraón a'altie: 'YUMTZILE ku' a'alik: cha'aj u bin in kaajal u ti'al u k'ulten. ² Wa ma a uoltaj a cha'aj ku binoobe, Teen ken in lobit tuláakal a lu'umoob yetel muuchoob. ³ Le xelja'o yan un chuupu yetel muuchoob. Yan u jooloob yetel ku bin ichil u najiloob, tux ku wenloob yetel tux ku chi'taloob. Yan u yokoj tu nailoob u k'oosoob . Yan u bin ta kaajal, ta tsuk tun yetel tu nukulil ch'alsakan. ⁴ Le muuchoobo yan u ch'apachkech, a kaajaloob yetel a k'oosoob."' ⁵ YUMTZILÉ tu a'alaj ti Moisés: a'al ti Aarone: Li'is a k'ab yetel a xolte yok'ol le xelja'o, alkabja'iloob, ets'ekbalja' yetel tu laakal tuux tu ak'al ja, bet u jok'ol muuchoob yook'ol u lu'umil Egipto." ⁶ Aarone tu li'saj u k'abe yok'ol u ja'il Egipto, le muuchoobo joo'ko ka tu chuupoob u lu'umil Egipto. ⁷ Baale le ajnatoobo beyxan tu metiloob yetel u ajpmeniloob: leti'oobe tu jo'osoob muuchoob yook'ol u lu'umil Egipto. ⁸ Ka'tune, Faraone tu t'aanaj Moisés yetel Aarón ka tu a'alajtioob: "Payalchi'nenex ti YUMTZIL u ti'al ka u jo'os le muuchoob ti teen yetel ti in kaajal. tsokol'e ten ken in cha' u bin le kaajo', u ti'al leetioobe u pajtal u beetkoob kinsbil sibal ti Leti'. ⁹ Moisese tu a'alaj ti Faraón: "Teeche je u beital a a'alikten baax k'iin u beytaj in payalchi' tu olal, tu olal a palitsiloob yetel ta ajkaajaloob, olal le muuchoobo ka' jo'osakoob ti teech, ta najiloob yetel ka p'atkoob chen te xelja'o. ¹⁰ Faraone tu a'alaj: "sáamal". Moisese tu a'alaj ti: "Uuchuk jen bix ta a'ale, olal a oitik minaan u je' jen bix YUMTZIL, in jajal Diosoon". ¹¹ Le muuchoobo yan u binó ti teech, tia najiloob yetel ti a k'oosoob yetel ti a ajkaajaloob. Leti'obe ku p'atloob chente xelja'o. ¹² Moisés yetel Aaroné j'ooko tu tan Faraón. Ka'tune Moisese payalchi'naj ti YUMTZIL u olal le muuchoob tu tuxta' ti Faraón. ¹³ YUMTZILE tu beeta' jen bix Moisés tu k'aate: le muuchoobo kíimo' ichil le najoobo, ichil le noj najiloob yetel te k'aaxoobo. ¹⁴ Le maakoobo tu muumuchkinsoob ti panaboob le lu'umo túchaj u book. ¹⁵ Bale Faraone ka' tu ilaj ya jeds' olale. tu dsuikunsaj u puks'i'ik'al ma' tu ch'enxikintaj Moisés yetel Aaroní, bey YUMTZIL lo a'alaj ken u beete. ¹⁶ YUMTZILÉ tu a'alaj ti Moisese: "a'al ti Aaroné: 'Li'is a xolte ka puch u tamtíl le le'umo, olal u beytal u suutul uk'í ti tu laakal u lu'umil Egipto"'. ¹⁷ Leti'obe tu beetoob beyá: Aarone tu li'isaj u k'ab yetel u xolte. Tu p'uchaj u tamtíl le lu'umo. Uk'oob kuchoob tak te wíinkoob yetel le ba'alche'oobo. Tu l'aakal u tamtíl le lu'umo suut uk'í ti tu laakal u lu'umil Egipto. ¹⁸ Le ajnatoobo tu yotoob u meetoob xan le uk'oobo yetel ajmeniloob, bale ma' beychajoobi. Yan uk'oob yok'ol le wíinkoobo yetel yok'ol le ba'alche'oobo. ¹⁹ Le ajmenoobo tu a'alo' ti Faraón: "E lelá u yaal k'ab jajal Dios." Bale u puks'i'ik'al Faraone dsuuy chajan, bey tuno m'a tu kiba' u ch'enxikintoobi. Jach bey jen bix YUMTZIL tu a'alaj ken u beet Faraón. ²⁰ YUMTZILE tu a'alaj ti Moisés: "Líik'en ja'atskab tu ja'atskabil wa'alen tu tan Faraón chen jook'ook te xelja'o. A'altie: 'YUMTZILE ku a'alik: "Cha'aj u bin in kaajal u ti'al u beytal u k'ultikenoob. ²¹ Wa ma' a cha'ik u bin i kaajale', Teen ku tuuxtik teech u wolomá' ya'ax kach ti teech, ti a k'oosoob, ti a ajkaajaloob yetel iichil a najiloob. U najilé egipcioiloobo yan u chuupul yetel u wolomá' ya'ax kach yetel tu laakal le lu'umo tux yanoobo yan u chuupú yetel ya'ax kach. ²² Bale te k'iin jelo, Teene yan in jastsik u lu'umil Gocen. E lu'im tux in kaajal kuxukbaloob, olale u woloma'le le ya'ax kachoobo ma' u yantaloobi. E lela yan in beetik u yolale teexe ka iotikexe Teené YUMTZILEN chuumuk ichil le lu'umá'. ²³ Yan in beetik jelanil yetel in ajkaajaloob yetel a ajkaajaloob. Le u ch'ikulajíl in pajtalil saamalé yan u uchul."' ²⁴ YUMTZILE tu beeta' beyá, nukuch wolomá ya'ax kach taaloob tu najil Faraón yetel tu najiloob u k'oosoob. Ti tu laakal u lu'umil Egipto, le lu'umo dsok'sa'ti tumen lu wolomá' le ya'ax kachoobo. ²⁵ Faraone tu t'aaná Moisés yetel Aarón ka tu a'alajtioob: "Xeenex yetel beetex kinsaj sibal ti a jajal Dioseex ich in lu'umoon". ²⁶ Moisés tu a'alaj: "Ma' uts ti toon ka in beetoon beyó, tumen le kinsaj sibal kin beetkoon ti YUMTZIL ak jajal Diose talam k'as ti'al le egipcioioolo. Wa kin beetkoon kinsaj sibal tu tanoobe, talam k'ass ti le egipcioiloobo, ¿Ma' a tu chintunichkoon? ²⁷ Má', jun p'eel ximba o'oxp'eel kíiní te tokoylu'umo leti k'aabet in beetkoon, u ti'al ka i ds'aon kinsaj sibal u ti'al in jajal Diosoon, jen bix Leti' tu k'ubenta' ti toon." ²⁸ Faraone tu a'alaj: "Teen ken in cha'aj a bineex yetel a beeteex kinsaj sibal ti YUMTZIL a jajal Dioseex te tokoylu'umo. Chen bale má' k'aabet a binex jach naachilí yetel payalchi'nenex tin wolal." ²⁹ Moisese tu a'alaj: "Chen p'eel kin jookol ta taane teen kin payalchi' ti YUMTZIL u ti'al lu wolomal le ya'ax cachoobo u patkech, Faraón, yetel a k'oosoob yetel a ajkaajaloob saama. Bale teeché má' k'aabet ka' ch'aon yetel tabsajil má' cha'ik u jookol in ajkaajonoobo u ti'al u dsaik kinsaj sibal ti YUMTZIL." ³⁰ Moisese j'ook tu tan Faraón ka payalchinaj ti YUMTZIL. ³¹ YUMTZILE tu beetá' jen bix Moisés tu k'aataj tí: tu dselá lu wolomaloob le ya'ax kachoobo ti Faraón, yetel ti k'oosoob yetel tu ajkajaloob. mix jun tuul p'aati. ³² Bale Faraone tu dsuykunsaj u puks'i'ik'al beyxan te lelá yetel má' tu cha'aj u bin le kaajo.