9 ¹ Beytuno YUMTZILE tu a'alaj ti Moisés: "Xeen tux yan Faraone ka a'altie: 'YUMTZIL, u jajal Dios le hebreosoobo tu a'alik e le'la: "Cha'aj u bin In kaajal u ti'al leti'oob u pajtal u k'ultikenoob. ² Bale wa tech a a wotik a cha'aj ku binobé, wa tech laili a jesikoobe, ³ beytuno u k'ab YUMTZILÉ yan u yantaj yook'ol a aalak'oob te ka'axó' yetel te tzimnoobo, chowakxikinoob, camellos, banaboob yetel tamanoob, yan u yantal jun péel nojoch k'ojanil. ⁴ YUMTZILÉ yan u kanantik u wkaxoob Israel yetl u wakaxiloob Egipto: mix jun tuul u alakoob le israelitasoob ku kíimi. ⁵ YUMTZILÉ dsók'aan u wakunsik jun p'eel k'iin: Leti'e dsok u a'alik: "Saamatun chen i beet e lelá ti le lu'umo."' ⁶ YUMTZILÉ tu beet'á le lelá ka' saslají: tu laakal u wakxi Egiptoe kíimi. Bale mix jun tuul u wakxe le israelitaoobo kimó, mix olal jun tuul alak. ⁷ Faraone tu kaxan tsikbalta ka tu ilaj, mix jun tuul u alakoob le israelitaoobo kíimi. Bale u pks'i'ik'ale jach nonolki, beytuno ma' tu cha'aj u bin le kaajo. ⁸ Beytuno YUMTZILÉ tu a'alaj ti Moisés yetel ti Aarón: "Cha' dsedsek láapoobi u ta'anil k'aak. Teech, Moisés, k'aabet a pikchintik le ta'anoob te iik'o jalkil Farone tan u p'aktik. ⁹ Leti'obe yan sutloob tamtil mamaiki tu yook'ol u lakli u lu'umil Egipto. Leti'obe yan u taskoob x'aakalil yetel sasak winkilil ku jookol ti e wíinkoobo yetel le alak'oobo ti'al ti laakal u lu'umil Egipto." ¹⁰ Beyó Moisese yetel Aarone tu ch'aoob tá'an te k'obeno ka walajoob tu tan Faraón. Beytuno Moisese tu pikchintaj le tá'an te iik'o. Le tá'anoobo tu beetoob u jook'ol x'aakal yetel sasakwinkilil te wiinikoobo yetel te alak'oobo. ¹¹ Le ajmenoobo má' u beytal u muk'oob Moisés tu yolal le xáakaliló, tumen le xáakaló tian yook'oloobe yetel ti tu laakal u jeel le egipcioiloobo. ¹² YUMTZILE tu dsuikinsaj u puks'i'ik'al Faraón, beytuno Faraone má' tu ch'enxiquintaj Moisesi mix ti Aarón. E lelá jach bey YUMTZIL tu a'alaj ti Moisés baax ken u beet Faraone. ¹³ Beytuno YUMTZILÉ tu a'alaj ti Moisés: "Líik'en ja'atskab tu ja'atskabil, wa'alen tu tan Faraóne. ka a'altíe: 'YUMTZILÉ, u jajal Dios le hebreosoobo, ku a'alik beyá: "Cha'aj u bin In kaajal u ti'al lti'obe u pajtal u k'ultikenoob. ¹⁴ Tumen te kíinobá Teen ken in tuxté tu l'aakal loobilal ta wok'o, yetel ti a k'oosoob, yetel ti a ajkaajaloob. Ten ken inbeet e lelá yolá a iotiké minan u jeel jen bixené ti tu laakal lu'um. ¹⁵ Tak ti le jelá. Tené je u beytal kaach in tichkin k'aabé yetel in ch'apachtikech yetel a kaajal yeteloob k'ojaniloob, teeche dsok kaach a xoot'o te lu'umá. ¹⁶ Bale yolal e bala tené tin cha'aj a kuxtal: beytuno ka beyak in esiktech in pajtalil, yolal in k'abaé ka beylak u tsekta'a ti tu laakal yook'ol lu'um. ¹⁷ Teche tan a chen liskabá tiu tan in kaajal men ma' a cha'ik u binoob. ¹⁸ ¡u'uyé! Walki samalé, Teen yan in taasik loobil bat jach k'aam, jen bix mix jun teen ilaak Egipto, mix le kíin ka chini mix teaki. ¹⁹ Teakitune, tuxte wiinkoob ka u muuch'oob a wakaxoob yetel tu laakal bax yantech te ka'axoobo ti m'aaloob kuchilil. tu laakal wiinik yetel alak yanoob ka'axe m'a tasaboob ich najilí. le bató yan u luubul yook'ooloob, leti'obe yan u kimiloob." ²⁰ Beytuno, u k'oosob le Faraono le maaxoob oksajolte u t'aan YUMTZILÉ tu seekunsoob u tasoob u palitsiloob yetel u alak'oob ich u najiloob. ²¹ Bale le maaxoob ma' tu oksaj'oltobe u t'aan YUNTZILÉ tu jajilé tu pátoob u palitsiloob yetel u alak'oob te ka'axoobo. ²² Beytunó YUMTZILÉ tu a'alaj ti Moisés: "Tiich a k'ab te kaanó yolal u yanta bat yook'ol tu lakal u lu'umil Egipto, yook'ol u winikiloob, yook'ol u alakiloob, yetel yook'ol xiu yan te ka'axo ti tu laakal u lu'umil Egipto." ²³ Moisese tu tichá u xolte te kaanló, YUMTZIL tune tu tuxta kilbalil, bat, yetel ch'aktambal k'aak te lu'umó. Leti xan tu beetá u k'aaxá bat yook'ol u lu'umil Egipto. ²⁴ Beytuno yanchaj bat yetel ch'aktambal k'aak u xakmubaoob yetel bat, jac man talam, jen bix mix jun teen uchuk te tu lu'umil Egipto ka sunaj nojoch kajil. ²⁵ Ti tu laakal u lu'umil Egiptoe, le bató tu loobiltá jach chich le ka'axoobo, bey ti maakoob beyxan ti alak'oob. Tu loobiltaj jach chich le xiwoob te ka'axo yetel tu laj jek'a ch'e. ²⁶ Chen tu lúmil Gosén, tuux kuxan le israelitaoob. má' yanjí batí. ²⁷ Beytuno Faraone tu tuxta maakoob u t'aanoob Moisés yetel Aarón. Letie tu a'alaj tioob: "Tené dsok in k'ebantaj ti le lelá. YUMTZILE jach toj, teen yetel i kaje jach k'asanoon. ²⁸ Payalchi'nen ti YUMTZIL, tumen le nukuch ch'aktambaloobo yetel le bató jach manaltí. Teen kin cha'aik a bineex, teexe má' a patleex u yaab kíinil wayé." ²⁹ Moisese tu a'alaj ti leti: "Jach seeb jen bix ken in p'at le kaajá, teené yan in tichik in k'ab ti YUMTZIL. Le kilbaló yan u ch'eené, yetel má' u yaltal u jeel bat. Te bey tuná ka ojetke le lu'umá u ti'al YUMTZIL. ³⁰ Bale tu yolak teeché yetel a k'oosoob, ten in ojlé teexe u jajililé minaan a sajkileex ti YUMTZIL jajal Dios." ³¹ Teak, le lino yetel le cebadao tsoksatioob, tumen le cebadao tan u yokol u t'aajá, yetel le lino tan ka'ach u loolanki. ³² Bale le trigoo yetel le cetenoo mix lobiltaloobi tumen tu tsoc ku jochó. ³³ Kéen Moisés tu pátaj Faraón yetel u le kaajó. letie tu li'isaj u k'ab ti YUMTZIL; le kilbaló yetel le bató ch'ení, yetel le ja'o tu p'ataj u tosol. ³⁴ Kéen Faraone tu iilaj le ja', le bat yetel le kilbaló dsok u ch'ene, leti'e kebanchají tu k'aaten yetel tu dsuikinsaj u puks'i'ik'al, u mu'ul yetel u k'oosoob. ³⁵ U puks'i'ik'al le Faraono dsuich'ajan, beyó leti'e má' tu cha'aj u bin u kajalil Israeli. E beyá leti u bix YUMTZIL kaach u a'almaj ti Moises bix Faraón ke u beet bix u k'aat.