4 ¹ Moisese tu núuk'ta: "¿Baale' ua ma' u oksaj ool tikenoobe yetel ma ma' u u'uykenoobe, baale ku akobe': 'LE YUMTZILÓ ma chikpajaktechí'?" ² LE YUMTZILÓ tu a'alaj ti: "¿Baax le ya'am ta k'a'abo?" Moisese tu a'alaj ti: "jun p'eel che'". ³ LE YUMTZILÓ tu a'alaj ti: "Pik ch'iinte te lu'umo". Moisese tu pik ch'iinta te lu'umo, ka suut kaani. Moisese puuts ti leeti. ⁴ LE YUMTZILÓ tu a'alaj ti Moisés: "chuk yetel a k'aab, maach tu ne'ej". Kaatune tu chuk'a yetel tu machá le kaano. Kaj ka suts cheí tu k'aab. ⁵ E lelá u ti'al leetioob ka u oksaj oltoob YUUME, u jajal Dios Abraham, u jajal Dios Isaac, yetel u jajal Dios Jacob, dzoc u chik'pajal teech". ⁶ LE YUMTZILÓ tu aalaj xan ti: "Teak ts'aa a k'aab ichil a nook". Beytuno Moisese tu ts'aaj u k'aab ichil u nook. ka'a tu jozaj'e, ileex, u k'aabe' sak pak'een yetel jaway bey le nieveo. ⁷ LE YUMTZILÓ tu aalaj: "Ts'aa a k'aab ichil a nook tu ka'ajtéen ". Beytuno Moises tu ts'aa a k'aab ichil a nook, ka tu joose, leetie tu iilej uts jen bix k'aache, bey u laak u baak'ele. ⁸ LE YUMTZILÓ tu aalaj: " wa leetioob ma un oksaj ooltikechoobe. wa letioob ma un ch'anuptajoob ti le yaax chikulaj In pajtalil wa ku oksaj oltikoob, beytuno leetiobe yan u oksaj olticoob u jeel chikulaj. ⁹ Yetel wa leetioob ma u oksaj oltikoob ti u ka'a p'eel chikulajil In pajtalil, mix tak tu uikechoob, beytuno ch'á jun p'iit u jail le xelj'ao ka uekik yookol le tikin lu'umo. Le j'a ken a ch'ae yan u sutul k'ik'i te tikin lu'umo." ¹⁰ Beytuno Moisese tu a'alaj ti YUMTZIL: "Yumtzil, teené ma seeban in t'aaní, mix uchilak, mix ka ta t'aaná a paalitzilá. Teené xan in t'aan yetel xan u suut in uaak". ¹¹ LE YUMTZILÓ tu a'alaj ti: "¿Maax be'et u ch'í le wíiniko? ¿Maax beet'ik le wíinik toot, wa kook, wa ku bey tu paakat, wa ch'oop? ¿Ma teení, le YUMTZILÓ? ¹² Beytuno teako xeen yetel teen kin yantaj ta ch'í yetel kin esiktech baax a ualej". ¹³ Baale Moisese tu a'alaj: "Yumtzil, tu olal iabcach uts tuxtel u jeel ma'ak, le max ka tuklik a tuuxtik". ¹⁴ Beytuno le YUMTZILÓ kaj p'uuj ti Moisés. Leetie tu a'alaj: "¿Kuuxtun Aarón, a suku'un, le Levitae? Teené in ojle' leetie uts u t'aan. Bey xanó, leetie tan u taal u nuuptantech, chen u ileché, leetie yan u ki'imak oolal u puksi'ik'al. ¹⁵ Teech ken a t'aanej yetel ken a ts'a le t'aanoob k'aabet u a'alik. Teené yan in yaantal ta chi yetel tu chi xan , yetel teene yan in esikteex baax a beetex. ¹⁶ Leetie yan u t'anik le wiinkoobo ta uolal. Leetie yan a chitik yetel teeché yan a metik ti jen biixené, jajal Dios. ¹⁷ Teech ka bisik ta k'aab le ch'ea. Yetel ka metik le chikulaloobo". ¹⁸ Beytuno Moisese suut ti Jetro, u yum u atan, ka tu a'alaj ti: "Chaaten in bin, u tial in suut tuux yan in laaktsilob maaxoon yanoob Egipto, kin il ma letiobe laili kuxanoobe". Jetroe tu a'alaj ti Moisés: "Xeen yetel jets' olal". ¹⁹ LE YUMTZILÓ tu a'alaj ti Moisés tak Madián: "Xeen, suunen Egipto, beyó tu laakal le wiinkoob ku tuklikoob u tselkoob a kuxtalé laj kimenoob. ²⁰ Moisese ka tu ch'aaj u atan yetel u paloobe ka tu tsao yokol u chouak xikin. Leetie ka sunaj tu lu'umí Egipto, yetel tu ch'aaj u xoolte jajal Dios tu k'aab. ²¹ LE YUMTZILÓ tu a'alaj ti Moisés: "Cheen sunakech Egiptoe, ilal a beetik tu tan Faraone tu laakal le chikulal tzoc in tzic a pajtalil. baale yan in tsuikunsik u puksi'i'kal, yetel leetie ma u bin a cha u bin le k'aajo. ²² K'aabet a ualik ti Faraón: 'E lela' letie tu a'alik YUMTZIL: Israele in paal, in yaax paal, ²³ yetel Teene tan in ualik ti teech: Cha u bin In paal, olal u bey tu k'ultiken. Baale teeche ma' cha u biní, Teené tu jajile yan in kinsik a paal, a yaax paal". ²⁴ Teak, te beej'o, ka jeeloob de aak'ab, le YUMTZILO tu nuptanta Moisés ka tu iotu kinse. ²⁵ Beytuno Sefora tu ch'a'a jun p'eel jabil tunich ka tu xotaj u k'eulel u paal, ka tu dsa'a tu ook. Beytuno leetie yu a'alaj: "Tu jajililé teché jun tul jba'alech ti teen osal le k'iko". ²⁶ Beyó le YUMTZILÓ tu p'ataj yetel jetzel olal. Letie ka tu a'alaj: "Teché jun tul jba'alech k'kikilech" tu olal le ba'aj xootó. ²⁷ Le YUMTZILÓ tu a'alaj ti Aarón: "Xen tokoy lu'um nuptantaba yetel Moisés". Aarone bin u ilej, tu nuptanta tu witzil jajal Dios, yetel ka tu tz'utz'a. ²⁸ Moisese tu a'alaj ti Aarón tu la'akal u t'aan YUMTZIL dzoc u tuxta'al u a'alej yetel tu l'aakal le chikulajoobo yetel u pajtalil YUMTZIL u k'ubental ti u meetik. ²⁹ Beytuno Moisés yetel Aarone binoob yyetel tu much'oob u nuxibiloob le israelitaoobo. ³⁰ Aarone tu t'aanoob yetel tu la'akal u t'aanil YUMTZIL dzók'aan u a'alik ti Moisés. Leeti xane tu iesaj lu chikulali u pajtalil YUMTZIL tu t'aanoob le ma'akoobo. ³¹ Le wi'inikoobo ok'saj olnajoob. Le ka tu uioob YUMTZILE dzokáan u ilik le israelitaoobo yetel dzok u ilik u pedz'aniloob. beyó leetiobe tu chiinaj u pooloobe ka tu k'ultajtoob.