3 ¹ Beytuno Moisese tan caach u canantic u tamanoob Jetro u yum u yatan, u sacerdotei Madián. Moisese tan u bisicoob le tamanoobo naach ti le xtocoy lu'umo ca k'uch tac Horeb, u witzil jajal Dios. ² Teelo' u ángel Yumtzil chicpajti ti un p'eel u toch'bal kakil sidz mak. Moisese tu yilaj, yetel tu yileke le sidz mako tan caach u yelel, chen baale ma tan u jaabal. ³ Moisese tu yalaj: "Patik in dzeelkimba u péel tzelil yetel ca in wilé le baaxjak'olala, tumen le sidz maka ma' tan u jabal." ⁴ Yumtzil tun ca tu yilaj tan u nadzal tial u yilajte', jajal Dios tune tu t'anaj ichil le sidz mako tu yalaj ti: "Moisés, Moisés." Moisese tu yalaj: "Je yanen uaye." ⁵ Jajal Diose tu yalaj: "¡ma' nadza! tzel a xaanab te ta uoko, tumen le kuch'i tuux uakbalechó kilich lu'um in tial." ⁶ Leetie tu yalaj xan: "Teen u jajal Dios a yumoob, u jajal Dios Abraham, u jajal Dios Isaac, yetel u jajal Dios Jacob." Kaatune' Moisese tu pixa' u tan u ich, tumen leetie sajakla' u pactic jajal Dios. ⁷ Yumtzile tu a'alaj: "Teene' tzoc in ilic u muk'yaj in kaajal maxoob yanoob tac Egipto. Teene' tzoc in uuyik u ok'otbaloob yolal u ajpoloob, tumen Teen in k'ajool u muk'yajoob. ⁸ Teene dzoc in taal utia'al in jaalk'abtoob tu pajtalil le Egipcioiloobo yetel in taasikoob te lu'umoobo ti un p'eel ma'alob, yetel nojoch lu'um, un p'eel lu'um tuux yan leche'o yetel kaab; te tu lu'umil le cananeos, hititas, amorreos, ferezeos, heveos yetel jebuseos. ⁹ Teak u aauat ook'ol u winkiloob Israel dzoc u k'uchul ti teen. Yetele, teene dzoc in ilik u pedzniloob tumen le Egipcioilobo. ¹⁰ Teak beeytuno, Teen tuuxk'ech ti Faraón ti'al ka beylak' a taasik in kaajal, le israelitaoob, paachil ti Egipto. ¹¹ Ba'ale Moises tu a'alaj ti jajal Dios: "¿Ma'axen teen, kin bin ti Faraón yetel in ta'asik le israelitaoob ti Egipto?" ¹² Jajal Diose tu nuk'taj: "Teene tu ja'ajilile' yan in yaantal ta weetel. Lela' u p'eel chikulaj ti'al teech tu olal tumen teen tuuxtikech. Kéen a jo'os in kaajal ti Egiptoe, teexe' yan a k'ultikeneex ti le witzilá. ¹³ Moisese tu a'alaj ti jajal Dios: "Kéen xiiken ti le israelitaoobo yetel in ualiktioob 'U jajal Diosoob le chi'ilenkab maanja'an dzoc u tuuxtiken ti teex,' yetel cheen leetiob k'u k'aticoob, '¿bix tun u k'aaba?' ¿baax tun ken in uatioob?" Jajal Diose tu a'alaj ti: "TEEN LE MA'AXILIENE." ¹⁴ Jajal Diose tu a'alaj ti: "K'aabet a ualik ti le israelitaoobo, 'LEETI LE M'AAXO' dzoc u tuxtiken ti teex." ¹⁵ jajal Diose beyxan tu a'alaj ti Moisés "K'aabet a ualikti le israelitaoobo, 'LE YUMTZILÓ, u jajal Diosoob a chi'ilenkab maanja'an, u jajal Dios Abraham, u jajal Dios Isaac, yetel u jajal Dios Jacob, dzoc u tuuxtiken ti teex. Leeti e lelá in k'aaba u ti'al tu laakal ki'in, beeyó kin páatal tu tuk'uloob ti tu laakal chi'ilencabiloob. ¹⁶ Xeene' yetel ka muuch'kins u nuxibiloob Israel. A'al tioob: "LE YUMTZILÓ, u jajal Diosoob a chi'ilenkab maanja'an, u jajal Dios Abraham, u jajal Dios Isaac, yetel u jajal Dios Jacob, dzoc u chik'paja' teen yetel tu a'alaj teen, " Teene tu jajil dzoc in paak'tik yetel dzoc in ilik le Egipto baax dzoc u meetik teex. ¹⁷ Teen dzok'aan in jok'chitik in jo'osikoob ti u peets'ajil Egipto ti'al u lu'umiloob cananeos, hititas, amorreos, ferezeos, heveos yetel jebuseos, un p'eel lu'um tuux k'u tu'ul lecheo yetel kaab." ¹⁸ Leetiobe yan u che'enxikintikechoob. Teech yetel u nuxibiloob Israel k'aabet a bineex tu ta'an u ajauil Egipto, yetel k'aabet a ualik'tie, 'LE YUMTZILO, u jajal Dios le hebreosoobo, dzoc u nupt'antikuba' yetel to'on. Beytunó t'an in bino'on ooxp'eel ki'in ti'al le xtokoylu'um, u ti'al ka beylak ak dzaik ki'insbil sibalti Yumtzil, ak Dios.' ¹⁹ Baale teené in ojel u ajauil Egiptoe ma bin u cha' ka bineex , wa má' yetel u pajtalil in k'aab. ²⁰ Teene yan in dzaik in k'aab yookoloob yetel yan in ch'a'apachtik le Egipcioiloobo yetel tu la'akal nuckuch chikulal bin in maak'an ichiloob. ²¹ Teene bin in dza sibal olal ti le kaaja' u ti'al le Egipcioiloobo, ti'al cheen xico'obe, ma un binoob yetel mix baal. ²² Le xcolelo' yan u k'aatikj ba'alo jadzutstac beeta'an yetel k'aan ta'akin yetel saak ta'akin yetel nok'oob ti u yet cajaloob x-egipcias yetel jeke'en colelí u k'amlamoob ichil u najiloobe. Teex tuné ka dzalantikeex yook'ol a papaleex yetel a x-palaleex. Tu yosal tun beeya' yaan a laj chikeex tu laakal baal ti egipcioiloobo.