¹ Mahuku ayo, yahavo athu en'tji, kayarina ethu yolha. Yesu ahihana arun'mwe ni ahowirela: ² "Kinawonela othun'ku athuala, ahokala nimi mahuku mararu ni kanona yolha. ³ Ni kahia eruaka owani wohilha ethu, anakua etala. Akuawe an'kuma othai". Arumei yahakula wira: ⁴ "Napwanheke vai ephau yowaliha athuala muthaconimu?". ⁵ Yesu ahokoha wira: "N'rina ephau kavi?". Yahakula wira: "Saapa". ⁶ Ahowirela athuayo yocomatje vathi. Yenani ahokussa ephau saapa aho ttakattifiha, ahavaha arumei wira ya kawele athuale ⁷ Tjahokalatho ehoopa ni ahothakathifiha, ahowirela arumei yakawele athuale. ⁸ Yaholhatja ni yahothelia n'rima. Arumei yahokussa tjahalale, ethutto saapa. ⁹ Yahavo vavale athu ekon'to tjesse. Yesu ahaleha. ¹⁰ Wowakuviatja ahowela ekalawa narumeiawe ni yiahoruatja elaapo yo Dalmanuta. ¹¹ Yahowa ma fariseu wan'tjera on'mwanihanana Yena. Yahon'lepela n'thonhero wo wirimo, wira an'thehathehe. ¹² N''nepawe wahon'himeria, ni wa hira: "Essiani nikothon'na erwelaka n'thonhero? Kweli kinohimeryani kanivo n'thonhero nin'hala ovahiya n'na nikoton'na". ¹³ Ni, ahahiya tho ahokela ekalawa arwaka n'phan'thi n'kuawe. ¹⁴ Wahonania arumei yaholiyala okussa ephau. Ni yarina ephau emotja n'kalawani. ¹⁵ Yesu ahahimeria: "N'muehehe otjatja wo mafariseu ni otjatja wa Herodes". ¹⁶ Arumei yanathokutha: "Kon'tha kanirina ephau". ¹⁷ Yesu win'walhawe, hira: "Mwin'thokutha kon'tha kan'rina ephau? kamuin'tjuwela n'paka n'nava? khanin'wa? mirimatjinun'yo tjiri tjo lipa? ¹⁸ N'hana men'tho kan'nona? N'hana maru kan'niwa? Kan'nupuerla? ¹⁹ Wakussaliaka ephau thanu kakawelaka athu ekon'tho thanu, tjari ethuttu kavi tjo phau?". Yahakula: "Kumi na pili". ²⁰ "Ni wakussaliaka ephau saapa kakawela athu ekonto tjesse, tjahan'le ethutto kavi?". ²¹ Yahiratja: "Saapa". Vano ahokoha: "N'nalelo kamuintjuwelela?". ²² Yahophiyatja o Betsaida. athu yahon'kussa n'thu ohona an'lepelaka wira an'kuanhe . ²³ Yesu ahon'kussa ni ahon'kumiha mualitein'ya. Wan'suwelaliawe n'methoni wawe ni ahon'theteria matata, ni ahon'koha: "On'nona ethu?". ²⁴ Wakunulalhawe men'tho, ahira: "Kinowoona athu n'toko miri yethaka. ²⁵ Vano Yena ahon'varatho men'tho, ni ahooneha. ²⁶ Yesu ahon'hokolossera owan'nhawe ni ahomuirela: "Ohikele n'parassa". ²⁷ Yesu ahorua na rumeiyawe n'ttethe wo Cesareia ya Filipe. N'phironi, Yena ahakoha arumeiyawe: "Athuayo anira mi kipani?". ²⁸ Ayo yahomuakula wira: "Joao, N'patissa, akuawe anira: "Elias"; akuawe, "Mua profeta". ²⁹ Ahokoha tho: "Vano nhu n'nira mi kipani?. "Akulaka, Pedro hira: "Nhu mopoli muana Amuluku". ³⁰ Yesu ahahimeria wira n'hin'himerye n'thu mwaha wa yena. ³¹ Vano ahan'tjera wassomiha wira muana an'thu hana ohawa, nukothiya ni man'ciao, nanamukutho, nanamalepa ekano, hana in'viaka, ni nuhihimuwa nihuko noneraro. ³² Yena ahohimya wohavithavitha. Vano Pedro ahomuihana nipuro nowin'pitya, ahan'tja on'hihatja. ³³ Yesu horukunua, haweha arumeiawe, hon'hiha Pedro iraka: "Okume va, Satana! kunupuwela tjithu tja muluko, massi tja pintamo ". ³⁴ Vano Yena howihana athu na rumeiawe hira: "Aphela Okithara n'thu, ikothe, akusse n'salapawe Akithare. ³⁵ Ole nophela wopola okumiawe, onan'rimela, ni yole n'hala orimela okumyawe n'lathu wa mivano nihapari, nawopola. ³⁶ Ethikithini en'kokhalanawe yole n'kothema olumwen'ku wotene ahalelaka okumiawe? ³⁷ N'kovahani pinatamo akakhanihaka okumiawe? ³⁸ Yole nkokonela ehaia ni ehapariaka n'na nikoto nanamatheka ni aluvi, Muana An'thu narua omonelana ehaya wan'halawe owa Wathumuane ni malaika ethakathifu".