¹ Afaritji ni anamalepa yawale o Jerusalem yahothukumana variyari wa Yesu. ² Ale yahona arun'mwa elyaka ephaau ni maatata wohinyawa. ³ (Afaritji ni ma Judeu kanlya wohinyawa maatata, ansunca ekapila yo manciao. ⁴ Okathi ohokolelalyaia opatjari, Afaritji kanlya, wohinyawa. Ni tjihavo ekethelo yatharaya, erapihaka ekopu, etjarro, muapo tjo bronze, ni hata n'nye tjowonkomeliya tjo wa metja) ⁵ Afaritji ni anamalepa yahonkoha Yesu: "Essiani Arumeyayo kan'kala ni manan'na okapila o manciao, ni ankura ephau wo hinyawa matata?" ⁶ Yena howakula: "Anawothi, hohimya Isaia mwaha wawinyu, n'toko tjan'tikiyaya: "Ala athuala an'kittithimiha ni malaku, nrimaya ori othai ni mi. ⁷ Ayena an'kilompela mahala, yassomihaka ekethelo tja athuala n'tooko ekapilaya". ⁸ Nhuu mohiya ekethelo tja Muluku ni n'nookussa makalelo aathu." ⁹ Howirela: "Kueli mokotta ekethelo tja Muluku wira nkalele ekapila yawiinyu! ¹⁰ Ni Mosse hohimya: "Wa thithimihe athumwanaa ni anumwanaa", ni, Oole n'kela owuluma onhala apapawe wala anumwane, kueli oyo naakua". ¹¹ Vano nhu n'nira: "Ni nlopwana owirela apapawe wala anumwane: "Olepela okaviheriya wa mi eyo "Corba," (Eyo enohimya, "Ovahereria wa Muluku"), ¹² vano nhinthunihe wira apankele ethu athumwane wuala anumwane. ¹³ Eeri yokwanhulia ekethelo ya Muluku ni kapila enothonkaa we. Ni n'napanka tjithu tjintji tjolikanela". ^{14 15 16} Vakina tho, Yena howihana athu ni hera: "Otenewinyu, muiinwe en'himyaka, ni n'tjuwele. Kivo ethu yota ya athu, amananiihaka , aphelaka wa takaliha. Ni pinkhuma wa yowo ekhala yo nanarihiya". Ole rina maru owinwa, inwe. ¹⁷ Okathi yoyo, Yesu wahiyalhawe athu ni akelaka npani, arunmweyawe Ahonkoha mwaha won'likaniho. ¹⁸ Yesu hera: "Nhu n'nokala n'hitjuweja? Khan'nona wira entheha pinatamu Khikala yo nanarihiya, ¹⁹ eyo ehikele wanrimaniwinhu, enrua n'napwipwini ni etakaryatjiya". Ni molumo yala, Yesu hokhaliha tjoliya tjotene tjorera. ²⁰ Yena hira: "En'khuma wan'thu pinkhala yonanarihiya. ²¹ n'hinawaya n'rima, phinupuwela mupuwelelo onhala, oluva, win'nya, onan'nhatha, ²² oraruwa, , tjonhala, othepiya, essetje, n'ttima, ohimyahimya, wikukhuliha, oloolo. ²³ Tjonhala tjotene n'nha tjinkala n'hina mwa nthu, ni nthu pukhalaka onanarihiya". ^{24 25 26} Yena ahokuma vale ni horua n'ttethe wo Tiro ni Sidom. hokela enupa emotja kathunale wira otjuweliye wira Yena rivavale, kha wahala ovithavithiya wivitha. ²⁴ Wowakuviawene, n'thiana n'motja mwamwanaya mwaankani ahaana n'neepa wootakhala, yahinwa mwa wa Yesu, ahowa okookhora oholowawe. Athiyanale yari o grega, akhumaca siro-fenicia. Ayena Yahonlepela wira amoomole n'nepa wari ni mwamwanaya. ²⁷ Yena howiirela: "mwahiye anamwane apatjere olya. kunrera ephau yanamwane ovaha elapwa". ²⁸ Ayena yahakula: "Aaye, pwiya, hata elapwatjen'nyo tjinnolya tjomoramora tja sinamwane". ²⁹ Yena ahowirela: "Mwirenleni tjon'mo, nrweke. n'neepole wajonkkuma mwamwanayole". ³⁰ Ayena yahohokolela owani ni yanpwanyale muankaniuule narupathale wankorini, ni n'neepooyo onan'hiyale. ³¹ Vano, Yena ahokuumaatho nttethe wo Tiro, aviraka o Sidom npaca ephareya yo Galileia, nttethe wo Decapolis. ³² Ayena yahon'mwanela ohiiwa ni ahakuitiri wuluma, aholeepeliya wira Yesu amwaatalele N'tata nawe. ³³ Yena ahoonkumiha wathunivale, on'rwana nipuro niikina, ahonhela Ekokhotjaawe n'maru niwawe, nassuuwale, Yena hookuanha n'limi nawe. ³⁴ Yesu ahoweha wirimu, hovutjen'la ni aheera : "Efata", en'himya tjo, "Withukule!" ³⁵ Nananooru maruawe yahothukuwa, ni yeele yathukale n'liminawe yahokumihiya, yena ahantja wuluma saana. ³⁶ Yena ahowirela wira ahin'himerye n'thu. Wawirelawe wira ehithonke, phatepatjaya olathula. ³⁷ Ayena yera yaatjiveliaka, yiraka: "Yena naapanka saana tjithu tjotene. Yena nawapanka winwa athu ohiin'wa ni wuluma athu ohuuluma".