¹ Yesu ahokuma vale ni ahorwa npaka elapo yayariyawe, ni arumeyawe yahonthara. ² Waphiyalyawe o Sabbath, Yena ahossomiha 0 sinagoga. Entji yahomwiwa ni yahotheliya. Ayena yera: Enthutja vayi tjennha tjossomihannha?". "Otjuwelatshani wenno ovahiyawe?." "Mitikinihoni tjennha tjinpakaya matatawe?". ³ "Kanakala kalapinterule, mwana a Maria, ni mulupalyawe Tiago, Jose, Judas ni Tiago? Kari assirokorawe nihinnhano?". Nayena yananvanhiha Yesu. ⁴ Ni Yesu ahowirela wira: " Kavo profeta onkala ohithithimihiya, wahukala elapo oyariyawe, nassimutjawe, ni owannhawe". ⁵ Yena kaphwanela opanka ntikiniho vale, wahiya aretha akina yataphulenlyawe ntata avonihaka. ⁶ Ohikalanawaya wamini ayena ahahiyatsha otuthuwatjene. Yena a hokuma arwaka mmitjokoni okossomiha. ⁷ Yeena ahihana arumeyawe okumineeli ni wantjera waruma, eli eli, nuwavaha ekuru mwaha ominepa tjothakala. ⁸ Yenani ahassomiha wira yiikuse ithuphithu mphironi wahukala nthontho mmotja pahi: nkathe mena, nrupa, hata nsuruku mmitjakoniwaya, ⁹ massi awareke etjapatho wohiwara evestito piili. ¹⁰ Ahahimeryatja tho: "Mwikelaka vathokoni, nkaleke vava mpaka ohiya mapuro. ¹¹ Niyakala mapuro makhwawe ahinrwa owakenlani walaa woviriyanani, mwikumakale mwikukuthe nthupi nonnhaniwinhu mwaha wonamonyayatja. ¹² Ayenani yahokumatja ovira yalalelaka athu wira yituthuwe wotampitjaya. ¹³ Niyanawomola minepa tjintji tjotakala. Niyanawathikithela makura aretha entji ni yanawavonihatja ¹⁴ Npewe Herodes enwalyawe ethwiyo, mana ntjina na Yesu neera nitjuweliyaka.Akinaku yeera: Joao mpathisa, novuwenla niphimana, nno oweryanno onamkumelela yena". Akinaku yeera: "Yena Elias". Akinakwayotho yeera: ¹⁵ "Yena namalalya, ntoko anamalalyaa akalayi. ¹⁶ Massi Herodes wimwalyawe eyo ahira:" Joao, kin hitalyaka, onovuwelela". ¹⁷ Tjitjammo Herodes ahoruma othukeliya Joao Ni an,helaka mkalaposso nlathu wa Herodias muara amulupalyawe Filipe, okala wira yena ahonthela yoyo. ¹⁸ kontha Joao anomwirela Herodes:" kavanrera wathela amwara amulupalyaa". ¹⁹ Niyeyo Herodias ahosunka nrukwa ni Joao ontjivelaka omwiva,massi kaphwanela. ²⁰ Vano Herodes anamova Joao, anatjuwela wira aari nlopwana ossariya ni othakathifihiya ni akala owiliphiha. Winwalyawe Joao, Herodes etjona opharaphariya, vano ahomwinwa nuntjivela sanene ²¹ Vano, wonihuku nimotja, mwaha wo mwinanyawe, Herodes ahavaha eyolya mamilissiyano o Galileia. ²² Mwanawe Herodias ahowa ni ahinna wayenatja ni yena ahontjiveliha Herodes nathu yalathuliye. Amwenyayo yahomwirela nthiyanoyo: Okivekele ethuphithu enrwaa ophela mi kinamuvaha". ²³ Yena aholupela eraka:" ethuphithu enrwaa okivekela mi kinawovaha, mpaka eriyari tjoomwenyaka". ²⁴ Yena ahokuma awerelaka amamawe: "Kinlepeleke esiyani"? Ayena yahomwakula: "Muru wa Joao, Mpathisa". ²⁵ Yena naninoru ahakuvatja arwaaka wamwene ni ahalepela, eeraka: "Okitjivenlee nkivahe phiyaruva mparathoni muru wa Joao Mpathisa." ²⁶ yahirussiya ventji, massi mwaha watjolaphatjawe ni alathunlyawyayo,kahala okotha yalepeliyawe. ²⁷ Vano amwrenyayo yahonruma natoropa mmotja wira owaniye muru wa Joao. Namakalenla ahorwaa on,hita mkalaposso. ²⁸ ahowa muruyo mparathoni ni ahonvaha nthiyanoyo niyena ahavaha anumwaane. ²⁹ Yim walyaya arumeyi yahowatja okussa eruthwawe ni yahonssikatja. ³⁰ Arumeyi, athukumanale ni Yesu, yahon,himeratja tjothene tjapankatjiyaya ni tjassomihatjiyaya. ³¹ Yena ahowirelatja: "m,watje nipuro noothako mmumulatje okati vakani. Mana akina yamrwaa ni akina yam,wa na ayena kayari okati woolya. ³² Vano yahorwatja yayooru, nkalawani, nipuro noothako. ³³ Massi entji yahowonatja akumatjaka ni yahatjuwelelatja, ni yahothawatja wamotja mwentho vathi, epoma tjothene, ni ayena yahophiyatja akhwaya ahinaphiyatja. ³⁴ Okati wakuruwatjalyaya nkalawani, Yesu ahowona athu entji ni ahowonela uthunku, kontha yari ntoko ekontowa tjohikalana n,hakeli. Ni yena phantjerawe wassomiha tjithu tjintji. ³⁵ Okati weraya orwaka, arumeyawe yahomwela yiiraka: "Nna nipuro noothako nuukati onera orwaka. ³⁶ Mwalehatje wo wira arwatje mmapoma yathumatje eyolya". ³⁷ Massi Yesu, ahakula eeraka: "Mwavatje ethu alyatje". Ayena yahomwirelatja: "Nirweke nathumeke nkathe eminha pili ni navahatjeke wira alyatje?." ³⁸ Yena ahahimerya wira: "nrinaa mikathe mikavi? nrwee mwalakele". Wonenlatjalyaya, pheeratjaya: "Mikathe mithanu niihopa pili". ³⁹ Yena ahowerelatja wira othene yomkomatje akawanihe mmalassini. ⁴⁰ Ayena yahonkomatja okawanyaa, akina eminha ni akina hanssini. ⁴¹ Yena, akussaka mikathe tjoomithanu niihopa tjoopili, awehaka wirimu, ahoreriha ni ahomyaa mikathennho ni ahavaha arumeyawe wira yessatje uholo waathu.Ni ahakawetja othene ehopa tjoopili ⁴² Othene yaholyatja mpaka orupalatja. ⁴³ Ayena yahothothelatja ekipanthe tjomikathennho, nitjahotjara ethuthu kumi na pili, ni tjitjammo ehalahalo tjo hopa. ⁴⁴ Yaari alopwana ekonto thanu yakuurale mikathennho. ⁴⁵ Wowakuvyatjene ahowerela arumeyawe akele nkalawani ni arwatjaka uholowawe mphanthe nkinaku, wehaniya o Betsaida, Yesu amwarusaka athwayo. ⁴⁶ Aena wakumatjalyaya, Yena ahowela omwakoni wira alepele. ⁴⁷ Ahowa ohiyu, ekalawa yaari eriyari ephahari, ni yena aari vekawe othayanimwo. ⁴⁸ Yena ahowona wira yaari ossankatja, mana epyoo yaari yovirikana. Vano wethelaka owehaweha woneetjesse, Yena ahawelatja ethu vatjulu epahari, ni aphela wapwahatja. ⁴⁹ Masi wamonatjalyaya ethaka vatjulu epahari, yamonatja ntoko ethonthossi ni yahokuwatja. ⁵⁰ Mana yanomonatja nuumovatja.Massi wowakuvyatjene yena ahowirelatja: "Nlipatje nrima! Ti miyano! n,hovatje". ⁵¹ Yena hakelana nkalawani, nipeyo ehomala. Ayena jaari othelatjiyene, ⁵² mana kayiwelenle mwaha wo mikathyo, ohiyeyo mirimatjaya tjtaari thoolipa. ⁵³ Analapuwatjilene, ayena ahowatja elapo yo Genezare ni ahemessatja ekalawa. ⁵⁴ Wakuruwatjaalyaya nkalawani, athu wowakuvyatjene ahontjuwelelatja Yesu. ⁵⁵ Athwayo ahetha nthethe wothene ni ahantja um,wanela aretha, mapuro othene yewatjaya wira hiryawe. ⁵⁶ Mapuro othene yakelawe mmithetheni, mmapoma walaa mmawani, ayena yan,wessa aretha mmaparassa, ni anlepeliya wira ahiye akwanhiye nkerekerewaya ekuwawe. Ni othene yankwanha yaakala ovona.