¹ Aphiyakaru n'kerekere wo pahari, n'thethe wo geraseno. ² Tjitjan'mo Yesu ahokuma n'kalawani, n'lopwana n'motja atjariye ni minepa tjo takala, aakuma omahiyeni, ahorua okumana ni Yena. ³ N'lopwana yoyo akala n'mahiye. Kavo aloha on'thuka, wanakala nu nholo. ⁴ Yena aanothukiya owakathi mwin'tjene nu nyolo ni alutjema, yena anakuathula ni kavo arina ekuro on'thema. ⁵ Okuma othana ni ohiyu, n'mahiye ni muakoni, yena anakuwela totho anamuithikilatja ni maluko owetha. ⁶ Owakathi wa monaliawe, Yesu ahon'thiawenla ni ahokoroma wa men'tothoni Wawe. ⁷ Vano yena ahokuwela ni n'tju nowin'wania: "kirinani ni we, Yesu, Muana an'Luku owirimo? Kinaulepela mwa n'jina na n'Luku wira ohikihuvihe". ⁸ Vano yena ahomuirela wira: "kuma wa n'lopuana oola, n'nepa wotakala". ⁹ Vano Yesu hon'koha: "N'tjinana tipani? Yena homuakula: "N'jinanaka n'thithi, hi niri en'tji". ¹⁰ Vano yahon'lepela Yesu wira ohinomoleni n'thetheyola. ¹¹ Nikotho nin'tji no kuluwe nilihiaka omuakoni, ¹² minepa tjotakala jahira: "Nnirihele nkulweni nnihiye nikele tjen'nyo". ¹³ Ni Yesu ahohiya. Vano minepa tjotakala tjahon'kuma ni tjahokela n'kuluweni. N'tjitji, ekon'to pili, tjahirihela n'matjini nipuro nowin'sa, tjahotjama n'matjini. ¹⁴ Vano ahakeli okuluwe yahothiawa, ahohimia n'poma n'mathani, athu otene yahophiya wira yone eniranya. ¹⁵ Amwathamen'lakaru Yesu, yahomona n'lopwana atjariye ni minepa tjo takala, non'komale, na warihiye ekuwo ni yahova. ¹⁶ Othene yale yonale ethu yiraniale wan'lopwanole yahohimia yiraniale wa yoyo nitotho ni kuluwe. ¹⁷ Vano yahopatjera on'lepela Yesu wira akume mun'thethenin'mo. ¹⁸ Akoolakaru okela n'kalawani, n'lopwana yole arina minepa ahon'lepela Yesu wira akale ni Yena. ¹⁹ Yesu, kan'thunihale, ahira: "Ohokolele owani, wahimerye athu othene tjothene tjen'nye apwiya awirelalyaya tjomitikiniho". ²⁰ Nananoru n'lopwana ahohokolela owani hohimya tjotene Yesu tjamuirelaliawe. Ni otene yahotjivelia. ²¹ Yesu walapuen'liawe n'phanti nkuawe, n'kalawani, athu en'tji yahon'tjarela, Yena ari wakiviru ni pahari. ²² Vano ahowa n'kulupale n'motja o sinagoga, ihaniaka Jairo, amonakaru Yesu ahokoroma. ²³ Yena ira anlepelaka, iraka: "Pwiya mwanaka hokhwa. kinawulepelani wira amwin'taphulele matata, nahala ovona". ²⁴ Vano Yesu ahorua ni yena. athu enthi yanthara Yesu. ²⁵ Ahavo n'thiana n'motja aavuva eyaka kumi na pili. ²⁶ Ayena yanavaha tjorera tjotene n'mahakoni massi yanatepa. ²⁷ Yin'waliaya mitikiniho tja yesu, yahorwa othuliwawe, etakanelaka na athu. ya hokuata ekuwawe. ²⁸ Ayena phiraya: "Kakwanyaru ekuwotjawen'nyo kinavona". ²⁹ Athiyanale akuanhakaru ekuwo tja Yesu owakathi yole ovuvan'we wahamalamala ni yahitjona otaphuwa n'mahuvihoni. ³⁰ Nananoru, Yesu ahoona ekuro en'kumaka. horukunuwa, eriari yathu yale. hokoha: ³¹ Tipani kikuanhale?".Vano arumeyi yahon'koha wira: " Atwala onawona wira en'tji vano onira, Tipani kikwan'nhe?". ³² Yesu ahoweha eriari wira amone nkuanhale. ³³ Athianale, watjuwen'liaya ile yawiranelale yahova yahopatjera othukumela. Ayena yahowa, ahomwathamenla Yesu yahon'himerya ekweli. ³⁴ Vano yahirelia: "Muaka, waminiwa ohovoniha. orueke ni n'rethele ertheyo ehokuma. ³⁵ Yena olumaka yahowa alopwana on'himeria n'kulupale o sinagoga wira: "mwaninyu hokwa on'nomwihanelani mwin'thutjihi? ³⁶ Masi win'walyawe Yesu ale yahimiaya, ahomuirela n'kulupale o sinagoga: "N'hove. Soo okupali". ³⁷ Vano kan'thunihale n'thu wira an'thare, wohikala Pedro, Tiago ni Joao, muamun'nawe Tiago. ³⁸ Vano waphiyaliaya ethoko ya n'kulupale o sinanoga ahapwan'ha athu en'tjene evirikanaka yun'laka ni akuwelaka ven'tji. ³⁹ Vano akelakaru n'pani, ahira: "Enun'latjeriya esiani? Mwan'kaniula kakwale, narupa". ⁴⁰ Vano yahon'thia Yesu, Vano Yena ahira wira athu othene akumele oota, vano ahihaa an'napapawe mwanole, ni yale Yarinawale, ahorua n'paka nipuro nari mwanole. ⁴¹ Vano Yesu ahon'vara n'tata na mwana ahera wira: "Talita cumi" eyo phiyo: "Mwana ovuwe". ⁴² Nananoru mwan'hima ahovuwa yena arina eyaka kumi na pili, vavale yahotikinihia. ⁴³ Vano yesu ahira wira hikale n'himya ethuila, n'mwinvahe eyolha.