¹ Vano namkutho ooteene, ootthanliya eriyari yaathu onvahiya mteko wira akhliheriye athu m´mitekoni tjamluku, ni wira avaheke tjoovahiya ni okutho tjootepiha etampi. ² Yenani phiri okwitiri waatafiti ahintjuwela eniiraaya ni naanamatheka, tjitjom´mo ayenatja ari woothehathehatja. ³ Phimaana, tjitjon´mo yena naapheela ovahemra mikutho weetampitjawe, toko tjimpamkaaawe wwetampi tjaathu. ⁴ Ni khaavo mthu mthithimiha, masi ri owiihaniya nimluku, tjitjon´mo toko waaryaawe Arao. ⁵ Tjoo, kristu tjitjon´mo khiithithimihale iipamkaka namkutho muulupale, masi yoole mwiirenle:" We omwanaka, elelo kihooyara" ⁶ Tjitjon´mo toko tjantikhiyaaya: "We onamkutho omahuku ooteene, yonayeeli yoohimya Melquisedeque. ⁷ Mahuku yaala oruthwaawe henari hoovahenra mavekelo avaraka meettho akhuwelaka ni meetthori yoole aari tthayaari woomoopola muukwani. Mwaakha wootthumkwaawe, yenani aahiiwiya. ⁸ Onookhalaru mwaana, aahiithutja wiiwelela wotjithu tjihuvenlyaawe. ⁹ Nakhanleene oolamalela, aahokhala n´hooleli wonthala wowoopwaa woohimala wa yaale ooteene aniiwelela. ¹⁰ Naryeene ootthanliya nimluku toko namkutho muulupale yoorumeela yonayeeli ya Melquisedeque. ¹¹ Woyeeyo, nihaana oimyatjera tjinene, masi woorika otphulela konttha mritji ootheethyaa mowiiwani. ¹² Vano okatthi yoola nhu mwaahaana okhala omwiithutjihi, nanlelo nhu n´naareerela wira akhala akhala oowiithutjihani ekano tjoopatjera tja moolumo amluku. Nhu n´horeerela nipele woohikhala eyoolya yoolipa. ¹³ Vano yoole naamwa nipele paasi khantjuwela nuulumo nosariya konttha nanlelo mwaana. ¹⁴ Enan´na ekwaawe eyoolya yoolipa phiyaatu oolupale, yaale, alamalenle ni antjuwela otthanlela ethu yooreera ni yootakhala.