¹ Phimaana nikhaleke oomaalelya wira hikhale m´motja wanhu m´hala ovonha yookhuluvelihiya, ehiyeriyeenhu wira nikele moomumulani mwanluku. ² Vano nihaakhela tjoorera tjonaanaano toko ayenatja, masi mthaava khanaakhalenle yaale yiiwale ahittoonheraka waaminiwaya ³ Kontha hii, ninaamwaamini, nira yaale am´hala okela moomumulani, toko tjaahimiyaaya ni tjaalaphalyaaka mooviruwanimwaka ayenatja khayaahala okela moomumulanimwaka, ohiya mitekotjaya tjinaakhala tjoomaliheriya ekhumelo opathusiya wolapo. ⁴ Vano yena hohimya, wokhula nipuro, wohisimo nihuku nonasaapa: mluku aahomumula nihuku nonasaapa womitekotjawe tjooteene. ⁵ Wowaakulela, yaahiira: ayenatja khankelatja moomumulanimwaka. ⁶ Phimaana, omumula wamluku, ori wowinsattiya wira akwawe akele, weemaara emotja athu entji owiisraeli yiiwale tjoolaleiya tjonaanaano wohisima woomumulawawe khaahala okela mwaha wowiiwelela, mluku hosunka nihuku nimotja nooreerihiya, niihaniyaka, olelo. ⁷ Yena holipiha nihukun´no wuulumalyaawe eriyari ya Davi, toko tjaahimyalyaawe khalayi: olelo, mwiiwa m´tjuunawe m´hilipihe mirimatjinhu. ⁸ Josue navahiye owakatti woomumula, mluku khaahala woohimeeryani nihuku nikwaawe. ⁹ nam´lelo ohaavo omumula toko mtivela nimsovo wamluku. ¹⁰ yoole kenle moomumulaniwawe tootho homumula nimitekotjawe, tjitjom´mo toko miteko tjamluku. ¹¹ maana, okela moomumulani; wira hikhale m´mora mwiittoonhiheroni tjoohiiwelela. ¹² Kontha nuulumo namluku nikumi ni nokuru, noothomkwaa tjinene ovikana ekatana yoothikila miphanthe miili, yooyo mkhala wookawanihatja erooho niinm´nepa ni tjookhalana, ethu wira yuupuwele watjithu ni muupuwelelo tjawanrimani. ¹³ Khiivo epathusiye wameethoniwawe ehinoonya, woovirikana tjithu tjooteene tjiri woonene ni wameethoni wayoole mpheleehu onthoonhera mitekotjihu. ¹⁴ Okhala wira mkhulupale aanam´kutho nihaana, yesu, mwaana amluku, virale mwaha wowiirimu, nikhale oolipiha waaminiwihu. ¹⁵ Maana khanirina mkhulupale anam´kutho himpwanela otteettyaawihu; weekweeli, m´motja kupaliye mwa tjooteene, toko evirikanelweehu, woohitheka. ¹⁶ Naathameleke, nimkhuluvelo, weehitjeni womahala, wira naakhele miiriirya, ni nipwanhe mahala wira nikhavihatjeriye owakatti woopwanela.