¹ Hekima amejenga nyumba yake; amechonga nguzo saba kutoka katika miamba. ² Ameandaa wanyama wake kwa chakula cha usiku; ameichanganya divai yake; na kuandaa meza yake. ³ Amewatuma watumishi wake kupeleka mialiko na kutoka mahali pa juu sana kwenye mji anaita: ⁴ "Wale wasiofunzwa waje hapa!" anawaambia wale wasio na ufahamu. ⁵ Njoo, ule chakula, na unywe divai nimeshaichanganya. ⁶ Acheni njia zenu za kijinga, na mkaishi; tembeeni katika njia ya ufahamu. ⁷ Yeyote amrekebishaye mwenye dhihaka hukaribisha matusi na yeyote anayemshutumu mtu mbaya atapata madhara. ⁸ Usimshutumu mwenye dhihaka, ama atakuchukia; mshutumu mtu mwenye busara, naye atakupenda. ⁹ Mpe mafundisho mtu mwenye busara, naye atakuwa na busara zaidi; mfundishe mtu mwenye haki, naye ataongeza elimu. ¹⁰ Hofu ya Mungu ni chanzo cha hekima na maarifa ya Mtakatifu ni ufahamu. ¹¹ Maana kwa njia yangu siku zako zitazidishwa na uzima wako utaongezewa miaka. ¹² Kama unahekima, unahekima kwako mwenyewe, lakini ukidharau, utaibeba peke yako. ¹³ Mwanamke mpumbavu ana kelele nyingi hajafunzwa wala haelewi chochote. ¹⁴ Anakaa kwenye mlango wa nyumba yake, kwenye kiti cha sehemu ya juu sana ya mji. ¹⁵ Anawaita kwa sauti wanaopita karibu, watu wale wanaotembea wima katika njia zao. ¹⁶ Wale ambao hamjafunzwa njoni hapa ndani!" anawaambia wale wasio na akili. " ¹⁷ Maji ya kuiba ni matamu na mkate unaoliwa kwa siri unapendeza." ¹⁸ Lakini hajui kwamba wafu wapo pale, wageni wake wapo kwenye vina vya kuzimu.