¹ Mithali za Sulemani. Mwana mwenye hekima humfurahisha baba yake lakini mwana mpumbavu huleta majonzi kwa mama yake. ² Hazina zilizolimbikizwa kwa uovu hakosa thamani, bali kwa kutenda haki hujilinda mbali na kifo. ³ Yehova hawaachi wale watendao haki wapate njaa, bali hamu ya waovu huizuia. ⁴ Mkono mlegevu humfanya mtu awe masikini, bali mkono wa mtu mwenye bidii hupata utajiri. ⁵ Mwana mwenye busara hukusanya mazao wakati wa kiangazi, bali ni aibu kwake alalaye wakati wa mavuno. ⁶ Zawadi kutoka kwa Mungu zipo juu ya kichwa cha wale watendao haki; bali kinywa cha uovu hufunikwa kwa jeuri. ⁷ Mtu atendaye haki anatufurahisha tunapomkumbuka, bali jina la mwovu litaoza. ⁸ Wale wenye akili hukubali maagiza, bali mpumbavu mwenye maneno mengi ataangamia. ⁹ Yeye anayetembea katika uadilifu hutembea katika usalama, bali yule anayepotosha njia zake, ataonekana. ¹⁰ Yeye ambaye hukonyeza kwa jicho lake huleta majonzi, bali mpumbavu mwenye maneno mengi atatupwa chini. ¹¹ Kinywa cha mwenye kutenda haki ni kama chemchemi ya maji ya uzima, bali kinywa cha uovu hufunikwa kwa jeuri. ¹² Chuki huchochea mafarakano, bali upendo hufunika juu ya makwazo yote. ¹³ Hekima inapatikana kwenye kinywa cha mtu mwenye ufahamu, bali fimbo ni kwa ajili ya mgongo wa yule asiye na akili. ¹⁴ Watu wenye hekima hutunza maarifa, bali kinywa cha mpumbavu huleta uharibifu karibu. ¹⁵ Mali ya mtu tajiri ni mji wake mwenye ngome; ufukara wa masikini ni uharibifu wao. ¹⁶ Mshahara wa watenda haki huelekea kwenye uzima; manufaa ya waovu huelekea dhambini. ¹⁷ Kuna njia kwenda kwenye uzima kwa yule anayefuata maongozo, bali anayekataa maonyo hupotea. ¹⁸ Yeye afichaye chuki ana midomo ya uongo, na yeye anayesambaza kashfa ni mpumbavu. ¹⁹ Katika maneno mengi, hapakosi uhalifu, bali aliyemwangalifu katika usemi wake ni mwenye busara. ²⁰ Ulimi wa yule atendaye haki ni fedha safi; kuna thamani ndogo katika moyo wa mbaya. ²¹ Midomo ya yule atendaye haki huwastawisha wengi, bali wapumbavu hufa kwa sababu ya kukosa akili. ²² Zawadi njema za Yehova huleta utajiri na haweki maumivu ndani yake. ²³ Uovu ni mchezo achezao mpumbavu, bali hekima ni furaha kwa mtu mwenye ufahamu. ²⁴ Hofu ya mwenye uovu humkumba ghafla, bali shauku ya mwenye haki itatimizwa. ²⁵ Waovu ni kama dhoruba inayopita, na hawapo tena, bali mwenye haki ni msingi unaodumu milele. ²⁶ Kama siki kwenye meno na moshi kwenye macho, ndivyo alivyo mvivu kwa wale waliomtuma. ²⁷ Hofu ya Yehova huongeza maisha, bali miaka ya waovu itakuwa mifupi. ²⁸ Matumaini ya wale watendao haki ndiyo furaha yao, bali miaka ya waovu itakuwa mifupi. ²⁹ Njia ya Yehova huwalinda wale wenye uadilifu, bali kwa waovu ni uhalibifu. ³⁰ Wale watendao haki hawataondolewa, bali waovu hawatabaki katika nchi. ³¹ Katika kinywa cha wale watendao haki hutoka tunda la hekima, bali ulimi wa kupotosha utakatwa. ³² Midomo ya wale watendao mema huyajua yanayokubalika, bali kinywa cha waovu, huyajua yanayopotosha.