¹ Yehova huchukia vipimo ambavyo havipo sahihi, bali hufurahia uzani dhahiri. ² Kinapokuja kiburi, ndipo aibu huja, bali unyenyekevu huleta hekima. ³ Uadilifu wa wenye haki huwaongoza, bali udanganyifu wa njia za wajanja utawaangamiza. ⁴ Utajiri hauna thamani siku ya ghadhabu, bali kwa kutenda haki hujilinda na mauti. ⁵ Mwenendo wa mtu mwema huinyosha njia yake, bali waovu wataanguka kwa sababu ya uovu wao. ⁶ Mwenendo mwema wa wale wampendezao Mungu utawalinda salama, bali wadanganyifu hunaswa katika shauku zao. ⁷ Mtu mwovu anapokufa, tumaini lake hupotea na tumaini lililokuwa katika nguvu zake linakuwa si kitu. ⁸ Yule atendaye haki hulindwa katika taabu na badala yake taabu humjia mwovu. ⁹ Kwa kinywa chake asiyeamini Mungu humwangamiza jirani yake, bali kwa maarifa wale watendao haki hulindwa salama. ¹⁰ Wanapofanikiwa watendao haki, mji hufurahi, waovu wanapoangamia, kunakuwa na kelele za furaha. ¹¹ Kwa zawadi nzuri za wale wanaompendeza Mungu, mji unakuwa mkubwa; kwa kinywa cha waovu mji huvurugwa. ¹² Mtu mwenye dharau kwa rafiki yake hana akili, bali mtu mwenye ufahamu hunyamaza. ¹³ Anayekwenda akizunguka kwa kukashifu hufunua siri, bali mtu mwaminifu hustiri jambo. ¹⁴ Pasipokuwa na uongozi wenye busara, taifa huanguka, bali ushindi huja kwa kushauriana washauri wengi. ¹⁵ Anayemdhamini mkopo wa mgeni ataumia kwa usumbufu, bali anayechukia kutoa rehani kwa namna ya ahadi yupo salama. ¹⁶ Mwanamke mwenye rehema hupata heshima, bali watu wakorofi hufumbata utajiri. ¹⁷ Mtu mkarimu hufaidika mwenyewe, bali mkatili hujiumiza mwenyewe. ¹⁸ Mtu mwovu husema uongo kupata mishahara yake, bali yeye apandaye haki anavuna mishahara ya kweli. ¹⁹ Mtu mwaminifu atendaye haki ataishi, bali yeye atendaye uovu atakufa. ²⁰ Yehova anawachukia wenye ukaidi mioyoni, bali anawapenda wale ambao njia zao hazina makosa. ²¹ Uwe na uhakika juu ya hili watu waovu hawatakosa adhabu, bali uzao wa wale watendao haki watawekwa salama. ²² Kama pete ya dhahabu kwenye pua ya nguruwe ndiyo alivyo mwanamke mzuri asiye na busara. ²³ Shauku ya wale watendao haki ni matokeo mema, bali watu waovu wanaweza kutumainia ghadhabu tu. ²⁴ Kuna yule ambaye hupanda mbegu- atakusanya zaidi; mwingine hapandi- huyo anakuwa masikini. ²⁵ Mtu mkarimu atafanikiwa na yule awapaye maji wengine atapata maji yake mwenyewe. ²⁶ Watu wanamlaani mtu ambaye hukataa kuuza nafaka, bali zawadi njema hufunika kichwa chake ambaye huuza nafaka. ²⁷ Yule ambaye hutafuta mema kwa bidii pia anatafuta kibali, bali yule atafutaye ubaya atapata ubaya. ²⁸ Wale wanaotumaini utajiri wataanguka, bali kama jani, wale watendao haki watasitawi. ²⁹ Yule ambaye analeta taabu kwenye kaya yake ataurithi upepo na mpumbavu atakuwa mtumishi wa wenye moyo wa hekima. ³⁰ Wale watendao haki watakuwa kama mti wa uzima, lakini vurugu huondoa uzima. ³¹ Tazama! Ikiwa wale watendao haki hupokea wanachositahili, je si zaidi kwa waovu na wenye dhambi!