¹ Jina jema huchaguliwa dhidi ya utajiri mwingi na fadhila ni bora kuliko fedha na dhahabu. ² Watu matajiri na masikini wanafanana katika hili Yehova ni muumba wao wote. ³ Mtu mwenye hekima huiona taabu na kujificha mwenyewe, bali mjinga huendelea mbele na huumia kwa ajili yake. ⁴ Thawabu ya unyenyekevu na kumcha Yehova ni utajiri, heshima na uzima. ⁵ Miiba na mitego hulala katika njia ya wakaidi; yeye anayelinda maisha yake atakuwa mbali navyo. ⁶ Mfundishe mtoto njia inayompasa na wakati akiwa mzee hatayaacha mafundisho hayo. ⁷ Watu matajiri huwatawala watu masikini na mwenye kukopa ni mtumwa wa yule anayekopesha. ⁸ Yule anayepanda udhalimu atavuna taabu na fimbo ya hasira yake itanyauka. ⁹ Mwenye jicho la ukarimu atabarikiwa, maana anashiriki mkate wake pamoja na masikini. ¹⁰ Mfukuze mbali mwenye dhihaka, na ugomvi utaondoka, mashindano na matukano yatakoma. ¹¹ Anayependa moyo safi na mwenye maneno ya neema, atakuwa rafiki yake mfalme. ¹² Macho ya Yehova huyaangalia maarifa, bali huyapindua maneno ya wadanganyifu. ¹³ Mtu mvivu husema, " Kuna simba mtaani! Nitauwawa sehemu za njia." ¹⁴ Kinywa cha malaya ni shimo lenye kina kirefu; hasira ya Yehova huchochewa dhidi ya yule anayetumbukia ndani yake. ¹⁵ Upumbavu umefungwa katika moyo wa mtoto, lakini marudi ya fimbo huutoa. ¹⁶ Anayewanyanyasa watu masikini ili kuongeza mali yake, au kuwapa matajiri, atakuwa masikini. ¹⁷ Tega sikio lako na usikilize maneno ya wenye busara na tumia moyo wako katika maarifa yangu, ¹⁸ maana itakuwa furaha kwako kama utayaweka ndani yako, kama yote yatakuwa katika midomo yako. ¹⁹ Basi tumaini lako liwe kwa Yehova, ninayafundisha kwako leo hata kwako. ²⁰ Sijakuandikia wewe misemo thelathini ya mafundisho na maarifa, ²¹ kwa kukufundisha kweli katika maneno haya yenye uaminifu, ili uwe na majibu yenye kutegemewa kwa waliokutuma? ²² Usimwibie masikini kwa sababu ni masikini, au kumponda kwenye lango, ²³ maana Yehova ataitetea kesi yao, na atawaibia uzima wale waliowaibia masikini. ²⁴ Usifanye urafiki na mtu mwenye kutawaliwa na hasira na wala usiambatane pamoja na mwenye hasira kali, ²⁵ au utajifunza njia zake na utakuwa chambo kwa nafsi yako. ²⁶ Usiwe miongoni mwao wapigao mikono, mwenye kuahidi madeni. ²⁷ Kama umekosa njia za kulipa, nini kitaweza kuzuia mtu kuchukua kitanda chako chini yako? ²⁸ Usiondoe jiwe la mpaka la wahenga ambalo baba zako wameweka. ²⁹ Je umemwona mtu aliyeuwawa kwenye kazi yake? Atasimama mbele ya wafalme; hatasimama mbele ya watu wa kawaida.