¹ Bana befu,simumanyire,[nomanoma nende abanyire malako].Mumanyire mbu rilako riboya mundu nasiri mulamu. ² Ngo muhasi ori nende musacha aboyerwe nende malako hu musachaye nasiri mulamu: ne musacha niyahafwa naba murehule humalako ko musacha. ³ Ne musacha nasiri mulamu nadehera musacha undi, ni bamulanga mbu omuyirani,niri mbu musachaye afwire ne ari murehule mumalako; ne nadehera musacha undi sari omuyirani haba. ⁴ Harano bana befu engwe mwosi mwafwa hu malako kwa mubiri kwa Kristo; mudehere undi, niye mwene omwasimbusibwa hubafwa,mbu huniho huame biamo hu Nyasaye. ⁵ Ne ngahwali mumubiri, binoni bihwekomba, ebiarerwa namalako, biahola mirimo mumibiri kiefu, birere biamo biohufwa. ⁶ Ne bulano hwabololwa hurula humalako. Hwafwa huebio ebiaruboya. Biri birio mbwe huhole mubuyiaha buomwoyo ne simubukofu bwohwandikwa. ⁷ Hunabola hurie harano? Malako nebiononi? Birabaho birio. Kata kario, sindahamanyire biononi nisi. ⁸ Ne obuononi bwarera hwekomba hubirira rilako. hubera auma rilako obuononi bwafwa. ⁹ Ndari mulamu ebiuma malako ne rilako niriecha obuononi bwanyola bulamu. ¹⁰ mani ndafwa . Erilako eriahambere bulamu, riakaluhana riaba lifwa. ¹¹ Obuononi bwabukula bweyango hubirira murilako mani bwambeya. hubirira murilako bwajira. ¹² huako rilako nerilafu, esilagiro nesilafu, siobwadieri handi silayi. ¹³ Haro, sindu silayi handi siehola lifwa? Birabaho birio. Ne sionono ninaslolohe huba sionono, sianderera lifwa, hubirira siri esiari silayi ne hubirira murilako obuononi bunyala oba buononi hubira sikero. ¹⁴ Humanyire huri malako nomwoyo, nasi ndi womubiri. Ndakusibwa ngomusumba wobuononi. ¹⁵ Ebindu biahola, simbimanyire bilayi. Hubera biandaha ohola sihola, nebiandarenya niebiahola. ¹⁶ Ne nihola biandarenya, nganya endi erilako nerilayi. ¹⁷ Ne bulano sinesie ohola kano, nobuononi obwamenyamo. ¹⁸ hubera manyire endi mumubiri kwange sibulamo sindu silai. Ohwekomba hwohola malayi hurimo ne sinyala. ¹⁹ Esilayi siandaha ohola sihola, ne esionono sia ndaradah ohola, niesiahola. ²⁰ Haro nihola siandaradaha ohola, mani sinesie, nebionono ebiamenyamo. ²¹ Haro, ndola rilako rino: Nindaha ohola malayi, ebionono biri nasi. ²² Sangala murilako ria Nyasaye nende omubiri kwange kwomukari. ²³ Ne ndola rilako rikabuhane muchifuonero chimubiri kwange. Rikerana nende rilako riyiaha mumaparo kange. Ringaluhania omuboye werilako riobuononi eriri muchifuonero chiomubiri kwange. ²⁴ Ndimundu osanda! Wina wahamonie hurula mumubiri kwohufwa kuno? ²⁵ Ne hubira Nyasaye orio muno, hubirira mu Yesu Kristo omwami wefwe. Mani haro, esie omwene dumihira rilako ria Nyasaye namaparo kange. Kata birio, nomubiri ndumihira rilako riobwononi.