¹ Mani haro sai huumao huhengwa hwe musango hubari hu Yesu Kkristo, mumwoyo, ne sini humubiri. ² Ne humalako komwoyo kwo bulamu oburi hu Yesu Kristo bundehule, hulondo hana nende rilako rioo bwononi nende hufwa. ³ Hubera karia akaranyarihana hurilako hulondohana kari mudeherero kwo mubiri hu sia Nyasaye yahola huhumuruma mwanaye mwene huifanani yo mubiri okuri kwe biononi hulwe biononi yahenga musango hu biononi hu mubiri. ⁴ Mani malakiro ke rilako kole mwefue mukari, hurachiririra huhulonda chimbosi cho mubiri, ne hulonde cho mwoyo. ⁵ Hubera baria abalonda ko mubiri bapara sa chimbosi chio mubiri, ne baria abanlonda chimbo cho mwoyo bapara sa chimbo cho Mwoyo. ⁶ Ne hudala ko mubiri ni hufwa; ne hudaha hwe mwoyo no bulamu nende mirembo. ⁷ Hubera hudaha kwo mubiri nobusuku hu Nyasaye: hubera iuma siribwa hulirano ria Nyasaye, ⁸ mani sirinyala huriria. Mani abalonda ko mubiri sibanyala humusangasia Nyasaye. ⁹ Ne niri mwoyo, kwa Nyasaye kimenyere mkari yengu eng'we simulonda mubiri, ne mulonda mwoyo. Ne mundu ouma mwoyo kwa Kristo, oyo sini waye. ¹⁰ Ne niri Kristo ari mukari, mibiri kiengu kifwire hubera ye biononi: ne mwoyo kwengu nomulam hubera yo buadieri. ¹¹ Niri mbu mwoyo kwaye owamusumbusia Yesu hurula hubafwa yamenya mklari yengu, Ne uria owasumbusia Kristo hurula hubafwa yakere mibiri kiengu ekifua kiabe milamu hu mwoyo kwaye okwamenya mkalri yjengu. ¹² Mani, banna befu, huri beyoli bomufiori humenmye nihulonda chimbosi cho mubiri. ¹³ Ne niri humenya huhulonda imbo yo mubiri, ni mwicha hufwa: ne nimwira bihole bio mubiori hu mwoyo ne munaba balamu. ¹⁴ Hubaria bosi abemere rwa nende mwoyo kwa Nyasaye, abo nibo bana ba Nyasaye. ¹⁵ Hubera simwanyola handi mwoyo omurumwa okurera buri: ne mwanyola. mwoyo okubahola bana barira Aba yaani Baba. ¹⁶ Mwoyo kwene kweriba alala nende mioyo kiefu, hubera huri bana ba Nyasaye. ¹⁷ Ne ni huri bana mani huri balame: a balame ba Nyasaye, handi abalame nen de Kristo; mani nihusandisibwa alala ninaye huniho hukingulwa alala ninaye. ¹⁸ Hubera mbala isando yebulano huba sinesindu ngobuyali buria obwahafunulwe hwefwe. ¹⁹ Hubera bilongwe biosi birinda muno nibigena hufunulwa hwa bana ba Nyasaye. ²⁰ Hubera ebilongwe biosi biaba bihaya, ne sini huhudaha huabu bene, ni hubera ni hudaha hwaye mwene hulwe isubira, ²¹ mani bilonge biene nabio bieha hurehulwa handi huinisibwa muburumwa buo hubiya nne biingire mu burehule bwo buhongo bwa bana ba Nyasaye. ²² Hubera humanyire mbu ebilonge biosi alala, bimikuha hanmdi bakendera mubuchuni alala hula bulano. ²³ Hanmdi sini ebio biongone, nende efwe huosi, abahuri nende riamo riambe rio mwoyo, ata efwe bene humikuha mumibiri kiefu hihurinda hurobolwa bana babuonwa bwo mibiri kiefu. ²⁴ Hubera huonesibwa mugena: ne sindu sigenibwa nisiloloha huuma hugena: Huberaf ni wina ogena esialola? ²⁵ Ne nihugena sindu siahuralola, husikrinda mhuesimirisia. ²⁶ Endio nulwo mwoyo kwosi kuruhonya hubedehere bwefu, hubera hukoribwe husaba hungira ihoya: ne mwoyo kwene kurusabiranga huhumika esirahabolwa. ²⁷ Ne uria ononia mioyo amanyire hudaha huo mwoyo ngori kuri, hubera husabiranga batakatifu ngori Nyasaye ahera. ²⁸ Humanyire mbu humbosi yosi indayi Nyasaye ohola mirimo alala nende abamuhera, hulondohana nende hubaba malai hu baria abayalanga hulwaye. ²⁹ Nibo baria abanriyamanyaa hurwei hane, yabarobola muifwano ye rikido rio mwanaye, huniho abe omwibulwa wa mberi mubasiari bangi. ³⁰ Ne baria abayarobola, hurula hare nibo abayalanga: ne abayalanmga abo bankera yaba nende huburirisiania nabo ne abayaburisania nabo ya baba buhongo. ³¹ Ne hubolesi hu bino? Niri mbu Nyasaye ari nafu ne niwina owahaba akulu yefu. ³² Eye orarehula mwanaye bwene, ne yamuana hubera efwe huosi, yahalaya endiye huruba bindu biosi alala naye? ³³ Ne niwina wahasitaka abarobolwa ba Nyasaye? Niri mbu Nyasaye mwene nomarire nhuburirisania nabom Adier? ³⁴ Ne niwina owaharuhengera musango? Ni Kristo nufwa, mani humakwa yahalamuha hurula hubafwa, ne ari humuhono mulungi kwa Nyasaye handi nie orusabiranga. ³⁵ Niwina owaharukabula nende buheri bwa Kristo? Kahaba hunyahana, kose maparo, kose husanda kose inyala, kose siekenye, kose hatari ama olupanga. ³⁶ Ngori baandika mbu, hulwa ebe huaherwe sindere silamba; hwabalwa huba nga makondi kohuirwa. ³⁷ Mubindu bino biosi huhira muno ne huhira humani ko uria yaruhera. ³⁸ Hubera masrire, humanya buadier mbu yahabe hufwa, yahaba bulamu, kahabe malaika, yahabe bene bunyali. ³⁹ Ata yahabe ebiri akulu, yahabe ebiri asi, atabilongwe biosi biosi sisianyale hurukabula nende buheri bwa Nyasaye, oburi Mkristo Yesu mwami wefu.