¹ haro hunabolasi? nihuchiririra mu mabi mbwe huinema ibe isabi? Dawe birabaho birio. efwe abafwa hubiononi hunyala hurie handi omenyamo? ³ Mumanyire mbwe bosi ababatisibwa mu Kristo Yesu babatisibwa muhufwa hwaye? ⁴ Hwasihwa, mani naye hubiririra mubatisimu hula muhufwa. Bino biehola mbwe kori nga Kristo yalamuha hurula mubafu muluyali lwa Baba, hu hwosi hukende mubuyiaha bwobulamu. ⁵ hubera nihwambane naye muhufwa hwaye, handi hunaba alala naye muhulamuha. ⁶ Humanyire sino, mbwe omukofu wefu yabambwa alala naye humubiri kwamabi kubiyire lala. Bino biehola huhuhaye oba abasumba bamabi. ⁷ Ofwire alangwa mulafu hulwamabi. ⁸ Ne nihwafwa nende Kristo, husubira mbwe hunamenya alala naye. Humanyire mbwe Yesu yalamuha hurula mubafu, sanyala ofwa handi; lifwa liuma mani huniye ¹⁰ Hulondohana nende hufwa hwayafwa hwamabi, yafwa lulala hubiosi. Obulamu bwayamenya yamenyera Nyasaye. Mungira ndaleyo, mwosi mwelole koringa abafwa mumabi, ne muri balamu hu Nyasaye mu Kristo Yesu. ¹² Huako orakanya mabi karuka mubiri mbwe okanye hwekomba hwomubiri. V 13 Murarehula mibiri kieng'we humabi, mube ngebiombo biehonyerwa hubindu bibi. Ne mweinie hu Nyasaye kori ngabandu barerirwe hurula muhufwa hwicha mubulamu, handi muyinie mibiri kieng'we hu Nyasaye hu kiehonyerwe mubindu bilafu. ¹⁴ Murakanya mabi hubaruka. Hubera simuri asi wamalako arali mbu muri asi weinema. ¹⁵ Haro birie? Huhole mabi hubera sihuri asi wamalako, ne asi weinema? Birabaho birio. ¹⁶ Simumanyire mbwe nimwelanga basumba, muba abasumba bomundu wa muurira? Munyala mwaba abasumba bamabi nimwingira muhufwa, ama mube basumba boburie, nimwingira mubulafu. ¹⁷ Hubire Nyasaye orio muno! hubera mwari basumba bamabi, ne bulano mukanya mumioyo, amekesio kamwaberesebwa. ¹⁸ Mwabololwa hurla humabi, ne muholirwe abasumba bobulafu ¹⁹ Nomanoma ngomusacha hulondohanan nende obudofu bwomubiri. Kori nga mwakalula mibiri kieng'u huba abasumba bamabi nende amaundu akebula maundu, mungira ndaleyo mukalule mibiri kieng'u mube basumba bobwadieri nende olafuyia. ²⁰ Ngamwali abasumba bamabi, mwauma bwadieri. ²¹ Chindalo echio mwari nende ebiamo sina biamwari nabio, ebibarerera chisoni? ebiamo biebindu ebo nelifwa. ²² Ne bulano ngamubololwe hurula mumabi handi muri basumba ba Nyasaye, muri nebiamo biohulabia. Esilondaho nobulamu burabwa. ²³ Omusara kwebiononi nohufwa, ne esianwa sia Nyasaye nobulamu burabwa mu Kristo Yesu.