¹ Nihuri badieri murisubira, huba nemirembe nende Nyasaye hubirira mumwami wefwe Yesu Kristo. ² Muniye huri nende obweyango murisubira nende munema yahwemiremo handi hwesunga nihwegena luyari lwa Nyasaye. ³ Sinesio siong'one, ne hwesunga muminyahano kiosi. Humanyire mbwe eminyahano kirera hwedinyia. ⁴ Ohwedinyia hurera (character) ne character ibula hwegena, ⁵ Ohwegena sihurera chisoni hubera obuheri bwa Nyasaye bwachuhwa mumioyo kiefwe hubirira mumwoyo mutakatifu, owahwaberesebwa. ⁶ Ngahwari nihusiri badofu, musiha silayi Kristo yafwira abakorwa Nyasaye ⁷ Omundu sanyala ofwira mundu wadieri, aundi yahabao onyala ofwira mundu mulayi. ⁸ Ne Nyasaye arwekesiangia buheri bwaye, hubera ngahwari nihusiri abononi, Yesu yarufwira. ⁹ Ohubirao haro, ngahuyera mumachai kaye, yaruonie hurula huririma ria Nyasaye. ¹⁰ Ngahwari nihuri basuku, hwambanisibwa hu Nyasaye hubirira hulifwa liomwana waye, handi ohirao, nihumala okayulwa hwaonisibwa. ¹¹ Ne sinisino siong'one, husangala nende Nyasaye hubirira humwami wefwe Yesu Kristo. Hulwaye bulano hunyorire okayulwa. ¹² Hubirira humundu mulala obuononi bwengira musialo, mungira ino lifwa liengira hubirira mubuononi. Ne lifwa liasalana hubandu bosi, hubera bosi bahola buononi. ¹³ Hula hurilako, obuononi bwari musialo, ne biumao ngawahabala buononi rilako niriumao. ¹⁴ Kata birio , lifwa liaruka sialo hurula hu Adamu hula hu Musa atahwabo abarahola buononi kori nga Adam yari esifanani sia uria owahoyahwicha. ¹⁵ Ne esianwa siri nga rikoso. Nibiri mbwe hulwerikosa riamulala bangi bafwa, bianga bieinema ya Nyasaye nende esianwa sieinema esiomundu mulala, Yesu Kristo, esiriwo hubandu bangi! ¹⁶ Esianwa sisiri kori nga ebiamo biobuononi bwomundu mulala. Omusango kwahengerwa rikosa rilala mani rirera obwaba, ne esianwa sialonda amakoso mangi siarera inema. ¹⁷ Hulwe rikosa ria mulala, lifwa liaruka mumulala, nebiaka birie bibandu banyola inema nesianwa siobwadieri mubulamu hubirira mumulala Yesu Kristo. ¹⁸ Haro, koringa esibi siomundu mulalal siarera buononi hubandu bosi, handi kori nga sihole silala siadieri siarera obuonia nende obulamu hubandu bosi. ¹⁹ Hubirira humabi kamulala abangi babe nobulamu. ²⁰ Ne amalako kechamo ohumeda mani. Ne obuononi nibuba bungi inema yemeda muno. ²¹ Bino biehola mbwe ebionono nibiri bingi mulifwa, inema yosi ibe ihongo muno nobulamu burabwa, hubirira mu Yesu Kristo omwami wefwe.