¹ Əsɨ yyi nnwan nətəm swag bu ufyyaŋ guna dunduŋ, əsɨ joŋ ba ced bɨ kag ba bwwag tuza səlləy +utəyiraŋ na bâ corog +zwan. ² Əsɨ təm ba, bâ ənad ətə shyay əlyyad tyog Əgwaza na bâ bwo corog ənied nzwan ba. ³ Əsɨ nyo məmba, "Nyi yog kyag kyaŋ bɨ cyyed nyi ku dag. Kwo shan, əmpwod kurum, kyan ya, kurum, mbyyaŋ ətərog əyyaŋ. ⁴ Kozaŋ uli kyo nyi nŋwwo nyi sswan əzo, sə nyi ba dərog bɨ ulwo ǝkyo. ⁵ Sǝllǝy ǝnied ǝbyo dǝ ba san nyi ,kǝ nyi ni wod ukǝraŋ ǝkyo nyî kpǝyyed ubuŋ tɨtag nyi ka i twǝrag naŋ ba ndag nyin . ⁶ Əwod basɨ wurug ə kay +akəraŋ na əshyei usham əlyyad ka əbwo corog +zwan ji ko əji. ⁷ Nini naŋ Hiridus Gwamna ənfog səllǝy nkyaŋ əna kwog ulwo ka ni, əsɨ kyag bwwag əsag tunuŋ bɨ lwwam tyɨrim. Nwad əfǝg naŋ ənied əlyyad nyo Yohanna ətyə nyyo botisma ə dərog bumi ənied kukwi ka, ⁸ Əsɨ bwo nyo, Iliya ə bay, əyyan əsɨ nyo ətyə nyyuŋ ǝ bə ənied lyyad əŋwwad Əgwaza gbaŋgbaŋ ǝ bwo dǝrog. ⁹ Hiridus əsɨ nyio, "N mɨ tin əpyo Yohanna ka, bə əyyaŋ əwi, tuza əyyan kyo ntswoŋ tənkay nkyaŋ ənay?" Əsɨ kwan ə di gu. ¹⁰ Naŋ nnwan ntəm na ubwwog ni, basɨ ba tag gu kozaŋ kyaŋ kwo ba tə nyio ni. Əwod əsɨ kyag ba dunduŋ bə ngu, basɨ nkad əyin ba tə nad bu ukəraŋ kyo ə ngyi Batsaida ni. ¹¹ Əwod naŋ əkpa ənied u ənfǝg tuza nkyaŋ əkay ni, basɨ hwi gu. Əsɨ san ba əsɨ lyyad məmba tuza tyog Əgwaza ka əwod əsɨ corog ənied əbyo cad corog ku ni. ¹² Də n jen əzǝ naŋ utug ka u bwad dǝdǝy u hwwad ni, nnwan ntəm swag bu uffiyyaŋ gu na usɨ bay bə ngu nyo. "Tɨn ukpa ənied ka bâ nkad bə a +karaŋ na mbyyaŋ ukəraŋ əna utuŋ bani, bâ tə cad ulwo kway mbyyaŋ kyan ya, nwad zɨ shio əji dulwo əka ushio zan ni. ¹³ Əwod əsɨ nyo məmba, "Nyi joŋ ba kyaŋ bâ ya." Basɨ nyo, "Zɨ byyo kyaŋ əkwo sswag kuŋkwoŋ ǝtswon mbyyaŋ fən fiyyaŋ ni dag sənaŋ zɨ nad zɨ sɨ tɨ san kyan ya, kwo səllǝy ənied əbay ənǝ ya ni" ¹⁴ (Ənied əbyo shio əzǝ ni ba ku nad ətyog cyi kwob tswon) Əsɨ nyyo bə nnwan ntəm guna nyi cyyo ba sswan bə əkpa ba nsswaŋ tswon nsswaŋ tswon. ¹⁵ Basɨ nyyo ənyo basɨ cyyo ənied ba sɨ sswan əbyin. ¹⁶ Əsɨ kyag kuŋkwoŋ ətswon wu mbyyaŋ fən fiyyaŋ ku, əsɨ gbed əyyi ba tuza, əsɨn kworog mmiyan na əsɨ kpərǝm ən cyo kukum əsɨ ŋwwag nwan ntəm na bâ sag dusswon əkpa ənied u. ¹⁷ Səllay ba basɨ ya konyan əsɨ sswa, kyaŋ əkwo sɨ bwwad ni isɨ nad +uciraŋ sswag bɨ ufyyaŋ. ¹⁸ Utug ugyyaŋ naŋ Yesu ənay bə əyin gu, nnwan ntəm gu na ushyyo bə ngu. Əsɨ lyib ba, nyo, " Yag ə naŋ ukpa ənied ka wu nyyo ngyed?" ¹⁹ Basɨ shim, "Yahaya ətyə nyo botisma. Əwod əyyaŋ əsɨ nyo Iliya, əyyaŋ əsɨ nyo ətyə nyyuŋ bə ənied lyyad ǝŋwwad Əgwaza gbaŋgbaŋ ngwo ə dərog." ²⁰ Əsɨ nyo məmba, bə yag ə nyi nyyo nyed?" Bitrus əsɨ nyo, "Kristi Əgwaza." ²¹ Əwod əsɨ gba ba bəd bâ yog tag əyin kyaŋ əkwi dag. ²² Nyo, "ŋgwan ətyibɨshi una sswo zwod bə nkyaŋ bə dɨdɨd ə bwo lag ka, mbwwag ceced bə əgwam fi zənaŋ ba bə ənied lyyurug ba, əwod ətə ba hyyad gu utug nnwam tad ka gwo ədərǝg." ²³ Əwod əsɨ nyo əni məmba səllǝy "Konyan ə cad ə hwi n. Tɨlɨd kwo gwô ətswo əpyo gu, ə kyag ətiyem gu u kozan utug ə hwi n. ²⁴ Konyan ənǝ cad san sɨced gu ku əna ŋway ku, əwod konyan ə ŋway sɨced dənian n ka ə̂na shyyo ku. ²⁵ Zantan kwo əyin ənǝ shyyo kǝ ǝ shyyo səllǝy swanta ku, əwod ə ŋway sɨced gu ku? ²⁶ Konyan ə fǝg nswun nna mbyyyaŋ əlyyad nna, ənyo ŋgwon ətyibishi ka u ba nfǝg nssum guna də jen əzo gwo ba mbay bɨ tyog guku, mbyyaŋ shyi Əcyo ku bə zɨzərag ətəm Əgwaza ba. ²⁷ Əwod n tag nyin cucug, əyyiaŋ ə yoŋ əji, byo də bana hwu ni sənaŋ ba di tyog Əgwaza ku. ²⁸ Mǝta nnwam unaymbwwag naŋ, Yesu ə ndyyad əlyyad ənyo ni, əsɨ kyag Bitrus, Yohanna mbyyaŋ Yakubu basɨ nad tuza əfan ka ba tə nay Əcyo. ²⁹ Naŋ gwo nshio bɨ nay ku ni uyyi guka usɨ shay bə ətərog guba basɨ di bə kyənkyay. ³⁰ Bə di yoŋ əkwo, ətyog əfiyyaŋ əsɨ ŋwwo lyyad bəngu, Musa mbyyaŋ Iliya, ³¹ Ba sɨ bay bumɨ shi guka. Basɨ lyyad tuza dwwod guka, kwo bwwad bay tyag ku Urushelima ni. ³² Bitrus bə ənied əbyo shyo bə ngu ni, naŋ nda byoŋ ba bə njen ji, nda na nkay ba won ni basɨ di shi guku mbyyaŋ ətyog əffiyaŋ byo yoŋ bə ngu ni. ³³ Naŋ ba ku ŋwwod Yesu ǝ nnǝyed ni, Bitrus əsɨ nyo bə ngu "Ətyo Uli, iyed bəd naŋ zi nshio əji ni, Yog zi tad suswag ətad , nyyuŋ iyed shin a, Musa əbyo nyyuŋ, Iliya əbyo nyyuŋ." (də gwô lyen kyaŋ əkwo gwo lyyad ni dag.) ³⁴ Naŋ gwo ŋwwo lyyad ku ni, ninian ba əsɨ bay ǝ ba kub ba, basɨ fǝg uwun naŋ ninian ba nkub ba ni. ³⁵ Əŋwwad usɨ wurug nyyo bə ninian ba nyo, "Di ŋgwon nka, kyo n ŋhay ni: nyi fǝg gu." ³⁶ Naŋ əŋwwad ka ndyyad tyag ni, əsɨ di Yesu əyin gu. Basɨ swan ŋyuywaŋ basɨ tag əyin nkyaŋ ənay bə nnwam ənio dag, kozaŋ kyaŋ əkwo ba di ni. ³⁷ Də utswon ka, naŋ ba n bwwog ǝ ənyyo əfan ka ni, gbandaŋ ukpa ənied usɨ mwun bə ngu. ³⁸ Bə dǝ njen ǝzǝ ətyə əgyyaŋ bə ukpa ka sɨ cyo kun tuza nyo, "Ətyə Uli, n nnay a cyyaŋ ŋwon nka, ka kyo uyed bə ŋwon nka. ³⁹ A di kǝtuĝ ntswa ǝ kyag ka naŋ gwo kyi nyyo bə nka naŋ ji ncad ni əwod ji ni kwog ka mmaŋ əbyin naŋ kati nkun ǝni n cyo ka u cag ukwi ugwud bə zəfi təmpyo bunuŋ ka ka, kani lwwan bəd u yi di ba kay ka ǝwəd, naŋ uka bwoy fɨfəd ba bəd. ⁴⁰ N nay nnwan ntəm əna ba tɨn ku əwod ka, basɨ yəw dag." ⁴¹ Yesu əsɨ shim nyo: "Nyin ənied ŋway ŋwwag cucug mbyyaŋ ǝnied lag tswoŋ ulwo, zaŋ jen zo nna swan dunduŋ bǝ nyin bɨ shyim tsswo? Bay bǝ ŋgwon ka əji." ⁴² Naŋ ŋgwon ka u ŋwwo coŋ təbay ni, utəyiraŋ ka usɨ kag gu əbyin əsɨ shwug gu əsɨ ŋwwo gwud bə zəfi təmpyo. Əwod Yesu əsɨ kam kətug ntswa u əsɨ corog ŋgwon ka, əsɨ bwwog bə ŋgwon ka ŋwwag əcyo u. ⁴³ Əwod səllyǝ ba, basɨ ŋwwo tswoŋ uwun tuza shi Əgwaza ku, naŋ ba kyi kwog mbwwag əsay tunuŋ bə kozaŋ kyaŋ əkwo ə nyyo ni, əsɨ lyyad bə nnwan ntəm guna. ⁴⁴ "Yog əlyyad ənay na ŋwwo bumi tsutswo nyiba: Ə ba ŋwwag ŋgwon ətyibɨshi ka bə mbwwag ətyog bâ lyew gu." ⁴⁵ Əwod də ənied ba ə fɨg əlyyad guna dag. Na sɨ shyyo ba bə ndyin,nwad, ba yog də ba ibyo əsɨ lyen kyaŋ əkwo ku fa ni dag, naŋ ba ntsswoŋ uwun lyib na tuza əlyyad ənay ni. ⁴⁶ Əwod basɨ tsa kənaŋ bumi baka nyo də əyyaŋ ə ba yed gbandaŋ u ə nswwag. ⁴⁷ Yesu ə lyen kyaŋ ǝkwo bǝ dam bə ntswo bana ni, əsɨ kyag adiday ŋgwon ə sag dəfam guka. ⁴⁸ Əwod əsɨ nyo məmba, "Konyan ə san an ŋgwon əkay bə əyorog nka, nuŋ ə naŋ gwo san; bə ətyə əwo san nni ə san Ətyǝ əwo təm nni. Konyan ə yed adɨday bumi nyi ka səllǝy, ngwo əna yed gbandaŋ u." ⁴⁹ Yohanna əsɨ shim, "Ətyǝ Uli, zɨ di əyyaŋ ənied ə turuŋ utənyiraŋ na bɨ ced bə əyorog aka zɨ sɨ ndwwoŋ gu nwad ə hwi zɨd dag." ⁵⁰ "Yog lwwoŋ gu dag." Yesu əsɨ kərag, "Konyan ə də ə yed nəndwan nyin ni dag, əshio bə nyin. ⁵¹ Naŋ nnwam na nsheyyey tɨbay kpənkpəyen ə nkad tuza ni, əsɨ cyo uyyi guka gwô ənad Urushelima. ⁵² Əsɨ təm ənied ntəm ̂bâ tsa kyag uswon gu, basɨ nad basɨ tə ŋwwo bə adiday ukəraŋ Samariya bá ətɨ ji gu kozaŋ nkyaŋ. ⁵³ Əwod ənied əbyo əzo ni ǝ sɨ san gu dag. Nwad əkǝ ncyo uyyi guka əniyyed urushelima. ⁵⁴ Naŋ nnwan ntəm gu naYakubu mbyyaŋ Yohanna əndi nkyaŋ ənay ni, basɨ nyo, "Ətyə Uli, a cad zɨ kam loŋ ku ibay əbyin nyyo tuza i ba fɨ ba?" ⁵⁵ Əwod əsɨ bwwag əsɨ kam ba. ⁵⁶ Əwod basɨ tə nkad bə akəraŋ uyyaŋ. ⁵⁷ Naŋ ba nshyyo də ndwwag ku ə nyyed ni, əyyaŋ ənied əsɨ nyo bəngu, "Nna hwi a kwo əji ə a niyyed. ⁵⁸ Yesu əsɨ kərag bəngu. "Dila ji byyo +bubwoŋ. Unuwan na tuza ka sɨ byyo +ule. Əwod nuŋ ŋgwon ətyibishi ka mbyo ulwo cyo əpyo dag." ⁵⁹ Əwod əsɨ nyo bə əyyaŋ. "Hwi n" ətyə əwo əsɨ nyo. "Ətyə Uli, ya tsa yog n nad tə nyyad əcyo ngu." ⁶⁰ Əsɨ nyo bəngu, yog nkom na bá ə niyyad nkom bana.Əwod naŋ ŋwan ni nad a tɨ shey gbaŋ mbyyaŋ əkpay u tyog Əgwaza ku." ⁶¹ Əwod əyyaŋ bwo əsɨ kərag, "Nna hwi a, Ətyə Uli, də yog n tsa byyad ənied əbyo shyo buli nka sag ji." ⁶² Yesu əsɨ shim gu dyo, "Əbyo ətyə əwo əna sag mbwwag guna tuza ətyem khab ə bwwag ə cyyaŋ məlyim ni dag, əntay tyog Əgwaza ku dag."