¹ Məta əka nkyaŋ ənay nnyyo ni, Yesu əsɨ coŋ ə ŋway ukəraŋ na zanzan ceced mbyyaŋ əcwaŋ ukəraŋ u, ə cyyed ə bwo shey usham ǝlyyad ka tuza tyog Əgwaza ku. Naŋ nnwan ntəm guna ushyyo dunduŋ bən gu. ² Bənaŋ ənyyug əyyaŋ əbyo ə bɨ corog ba bɨ kətug ntswa mbyyaŋ +zwan :Mariyamu əwo əku ngyi Madaline, wo əbu tɨn gu utənyiraŋ natad na ni; ³ Yuanna, əbyyug Kuza. Gbəndaŋ ətyə ntəm Hiridus wu; Sussanatu; mbyyaŋ əyyaŋ ǝbyo wurug bə nkyaŋ bana ǝ ŋwwag, dɨgag əkwo ba ncad ni. ⁴ Naŋ gbəndaŋ ukpa ənied wu ə bɨ ntuŋ ni mbyyaŋ ənied əsɨ nyio bu ukəraŋ tuza ukəraŋ, əsɨ tag ba kidey: ⁵ "Ətyo khab ə wurug ənad cwi zwa nkyaŋ gu ji, naŋ gwo ncwi ni, tswa jyaŋ sɨ kwoy əbyin dəndwag ǝnied əsɨ shay ji, mbyyaŋ unwan tuza na usɨ ya ji. ⁶ Jyaŋ sɨ kwoy tuza nfaŋ, naŋ ji ntaŋ ni, ji sɨ cyo l̂yǝlyǝrab nwad ətan mbyin ə shyo ǝzǝ dag. ⁷ Jyaŋ sɨ kwoy bumi səkan, əwod ji sɨ lay dunduŋ, səkan ji sɨ shwug ji. ⁸ Əwod jyaŋ sɨ kwoy bə ətan mbyin ji sɨ lay, ji sum bəd əsɨ shyo ku ə sswag cyan cyi kwab bɨ shi ku. Məta əka gwo ntyag əlyyad ənay ni, əsɨ yyi ba ə wurug dyo tusa. "Konyan ə byyo tsutswo fəg ba, yog gwo əfəg." ⁹ Nnwan ntəm guna usɨ lyib gu, yag ə naŋ kidey ə ji fa? ¹⁰ Əsɨ nyo, "Lyyen nkyaŋ ənio shyo dəbaŋ bɨ tyog Əgwaza kuni ǝwa kan min joŋ nyin, əwod naŋ əyyaŋ ni, sə əlyyad bə kidey. Nwad kə ba cyyaŋ ba yog di dag, kə ba tswoŋ ba yog fɨg dag. ¹¹ Nini di kyaŋ əkwo kidey əji fa ni: Tswa ji izo yed swaŋ əlyyad Əgwaza ji. ¹² Sɨ zo shyo dəndwag kuni izə yed əsɨba kə fəg , əwod utənyiraŋ ka u bay uba san u wod ba bə ntswo bana, kədag bana ŋwwag cucug ba shyo san ku. ¹³ Sɨzǝ bə nfaŋ na ni ba byo yed əsɨ byo, kə ba fəg swaŋ əlyyad ji, bâ san ji bə ǝgway, əwod dənaŋ ba nbyyo nɨnan ni dag: ba ni ŋwwag cucug bə a njen be cuncwwad kə jen ubuŋ ji bay ba shwod əkway. ¹⁴ Tswa əzo kwoy bə səkan ji ni, ba byo ə yed ənied əbyo fəg əlyyad na, naŋ ba ngya uswon bɨ cyyed ku ni nkyaŋ na sɨ ti təgbaŋ, ba byo zwa, cad fəg nyyan bǝ sswan ba ji, əsum ba ka na kwob dag. ¹⁵ Əwod +tswa əzo kwoy bə ətan mbyin wu ni, i zǝ yed əsɨ ba kə ba fəg swaŋ əlyyad ji bumi cucug mbyyaŋ ətan ntswo, bani byoŋ na shɨsham ba ntyi nnwan bumi lǝb tswo mbyyaŋ yab tswo. ¹⁶ Nini ə byo ətyə əwo əna nwad loŋ bə nsaŋ ə kub bɨ kham kwo əlan əwod ə kyag əsag utag əgbarag ni dag. I lan gwo nwad loŋ ku əsag ku dɨ gag əkwo kə əyin əŋwwo ədi say ku. ¹⁷ Nwad əbyo yin kyaŋ əkwo shyo də gbaŋ kwo əna ŋway lyyen ni dag. Də bâ sɨ byo sɨkwo shyo bə təkub kwo əna ŋway lyyen ni dag i mun bay dulwo say. ¹⁸ "Də nyi kwərog tsutswo nyi fəg shensham, ətyo əwo əbyyo bəd ni, əna mbyyaŋ gu dyo,əwod ətyo əwo də əbyo ni kwo sɨkwo gwo dam gwo byo ni, əna kyag əwod gu." ¹⁹ Əwod əyaŋ gu wu mbyyaŋ +nənyyug ba əsɨ bay bə ngu, basɨ yəw ənad kpəkpəg bə ngu dag nwad ukpa ənied ka. ²⁰ Əsɨ tag gu, "əyaŋ a wu mbyyaŋ nənyyug aba əyoŋ tusa, ba cad ə di a." ²¹ Əwod Yesus əsɨ shim ba dyo nyo, "əyaŋ ngu mbyyaŋ +nənyyug mba ibyo yed ənied əba tswoŋ əlyyad Əgwaza na əbwo nyio ntǝm bǝ nna ni." ²² Utug uyyaŋ əsɨ tə ŋwwo kukwon səhwod dunduŋ bə nnwan ntəm guna, əsɨ nyo məmba, "Yog zɨ nad də mənyi əywi ka" Basɨ hwi səhwod na ə nkad. ²³ Əwod naŋ ba nshyo bɨ cyyed ku bə səhwod na ni, ga kətug ŋwun əsɨ bay məmba naŋ Yesu ə shyo bə nda bə ə ywi ka, naŋ kukwon səhwod ku i tǝyud bə səhwod na basɨ shyo bǝ ǝshoŋ ǝyyi. ²⁴ Əwod nnwan ntəm Yesu na sɨ bay əba shyib gu, nyo" Ətyə Uli, Ətyə Uli zɨ shyyo dunuŋ əhwu" Əsɨ shyib əsɨ kam wun ku bɨ gag əkwo səhwod na ənyyo ni, basɨ bwwog əkwa, əwod ulwo ka usɨ cyo yoywaŋ. ²⁵ Əwod əsɨ nyio məmba. "Ŋwag cucug nyi ku shey? "Əwod basɨ fəg uwun. Naŋ ba nshyo bɨ uwun na ni, basɨ bwo ŋwwo cyyaŋ kyaŋ uwun, basɨ ŋwwo lyɨrim əyyaŋ ba, "əyyaŋ ə wi ni, wo kam wun ku bə səhwod na naŋ ba tswoŋ gu?" ²⁶ Basɨ tyoŋ bə səhwod na tə nad bə fam Geresani, kyo u byyog əywi ka nyyo Galili ni. ²⁷ Naŋ Yesu ən wurug bə səhwod na əsɨ ŋhag əgud u, əsɨ shyo ətyog əyyaŋ wo shyo bu ukəraŋ ka ni, əbyo +utənyiraŋ. Əsɨ bwo ganjen bəd naŋ gwo hwi +ətərog dag, də gwo ə sswad buli dag sə bə +ndyag nio. ²⁸ Jen əzo gwo ndi Yesu ni, əsɨ hyad kun əsɨ shwod əkwa əbyin duyi guka əsɨ kərag bɨced. "Yag ə a byo ni nyio bənuŋ. Yesu, Ŋgwon Əgwaza əwo byo shi ku bǝd ni? Nnay â yog tɨn n dag." ²⁹ Ikwo Yesu əsɨ kam kətug ntswa u ə wurug bə ətyog əwo. Bu mi njen bǝ dɨdɨd u ki cib gu kwo naŋ ənɨ ndab gu bǝ +nyayan mbyyaŋ nkwan əna ən dwwoy ǝtyoŋ kyaŋ ba ni.Əwod əŋwo cog gu, ənɨ cag +yayan ba əwod +utənyiraŋ na u lwoŋ gu unad dyo uyid. ³⁰ Ikwo Yesu əsɨ lyib gu, "ə yyi a əyan?" Əsɨ nyio, "Dɨdɨd" nwad utənyiraŋ na u shi bəd bumi guka. ³¹ Basɨ ya uswon ənay gu, gwo ə yog tɨn ba ənad dyo uyid dag. ³² Əwod naŋ gbəndaŋ usoroŋ +əgən wu shyo əzo ba ya kyaŋ ya də ufa əfan ka. +Utənyiraŋ na usɨ nay gu ba tə ŋwo bə +əgan ba, əsɨ kag ba bwwag. ³³ Ikwo utənyiraŋ na usɨ wurug bə ətyǝ əwo basɨ tə ŋwo bumi +əgan ba, əwod usoron ka sɨ tyoŋ ə tə kwoy bə əywi ka, basɨ tsway. ³⁴ Naŋ ənied cog +əgan ba ən di kyaŋ əkwo kwog ulwo ka ni, basɨ tyoŋ ənad ətə tag kyaŋ əkwo bay ni bɨ ukəraŋ ka mbyyaŋ əkum ukəraŋ na. ³⁵ Ənied əsɨ wurug bɨ ukəraŋ ka əbay ə di kyaŋ əkwo ə kwog ulwo ka ni, basɨ bay bə Yesu basɨ shyo ətyǝ əwo +utənyiraŋ na ukə nwurug bǝ ngu ni: Naŋ gwo sswan bə tɨtag Yesu ba, ə kub +ətərog naŋ gwo shyo bə ətan dɨdam gu ba.Əwod basɨ fəg uwun. ³⁶ Ənied əbyo bɨ nshyo basɨ di ni basɨ tag gag əkwo ətyog əwo +utənyiraŋ na bɨ byo tyog ku tuza guka ni naŋ gwo wa kan corog. ³⁷ Əwod səllay ənied ukəraŋ əbyo əshyo bə afam Gesemani ka ni sɨ nay gu gwo ə dərog əwod ba, nwad uwun u təbad ba bəd bɨ lwam tyɨrɨm, əsɨ dərog əŋwo kukwon səhwod basɨ bwwog ənad lilyim. ³⁸ Ətyǝ əwo naŋ +utənyiraŋ na u wurug bə ngu ni, əsɨ nay gu gwo hwi gu, Yesu əsɨ cyo gwo nkad, nyo əni, ³⁹ bwwog nad buli a tɨ shey ənied ba kəkəb kyaŋ əkwo Əgwaza u ə nyyo a dyo ni" ətyog u sɨ bwwog əkad lwwag gu əshey kəkəb +ukəraŋ na kyaŋ əkwo Əgwaza u ə nyyo gu ndyo ni. ⁴⁰ Naŋ Yesu ən bwwog ni, ukpa ənied ka əsɨ san gu naŋ ba bɨ sswan tswoŋ bay guku. ⁴¹ Məta əkyo ətyog əyyaŋ ə yyi gu Yairus, əyed ətyo nyyuŋ bə ceced əba bɨ tu utuŋ ku ni əsɨ bay əba kwa əbyin bə tɨtahg Yesu ba, əsɨ nay gu gwo əbay buli gu ka. ⁴² Nwad ənyo a guniyem gu əkyo unyyuŋ, u nad əlyyo sswag bə əffyyaŋ naŋ ukwi. Yesu ə shyo dəndwwag naŋ ukpa ənied wu ǝ yyun əyyaŋ əkəraŋ gu. ⁴³ Naŋ əbyyug əyyaŋ ə nshyo əzo, wo kǝ̂ ntyoŋ əswog ə nbwo əlyyo sswag bə əffyyaŋ əsɨ hyad kurum guku səllay də əyin ə corog gu dag. ⁴⁴ Əsɨ nad məta Yesu ka əsɨ byǝrəm ətǝrǝg gu wu bə ezǝ əswog na ǝsɨ ka ngyoŋ. ⁴⁵ Yesu əsɨ nyo "Gu əyan ə byǝrəm n?" "Konyan əsɨ tsswo. Bitrus əsɨ nyo "Ətyə Uli, ukpa ənied ka u əkəraŋ a cyyo, ǝka yyun əyyaŋ də nwan?" ⁴⁶ Əwod Yesu əsɨ nyo, "əyin ə byǝrəm m, n fəg gag əkwo tyog ngwurug bə nuŋ ni." ⁴⁷ Naŋ əbyyug wu ə ndi naŋ gwo na yəw ə shwod əlyyad ənay ni dag, əsɨ nad bɨ tyɨrɨm lwam ətə shwod əkwa duyi guka. Əsɨ twarag kyaŋ əkwo cyyo gwo mbyǝrəm gu ni, bɨ gag əkwo gwo nshyyo corog ku bə umfyen ni. ⁴⁸ Ikwo gwo sɨ nyo bəngu, "Guniyem, ŋwwag cucug a ku cyyo a shyyo corog . Nad a kay nnda." ⁴⁹ Jen əzǝ gwo nshyyo bə əlyyad na ni, əyyaŋ ənied əsɨ bay ə nyyo buli gbǝndaŋ tu utuŋ u, nyo, "Guniyem aka uhwu, yog bu ŋan ətyi cyyed u bəd dag." ⁵⁰ Əwod Yesu ənfəg əni ni, əsɨ shim gu ndyo, Yairus, "Yog fəg uwun dag, ŋwwag bə cucug, una corog." ⁵¹ Naŋ gwo nbay buli ka ni, əsɨ cad əyyin ə ŋwwo bɨ tu bəngu dag, sə bə Bitrus , Yohanna mbyyaŋ Yakubu, mbyyaŋ əcyo ŋgwon u bə əyyaŋ ka wu. ⁵² Nini səllay ənied ba shyyo bə lilio byyan mbyyaŋ əki tswoŋ kunag ka əwod Yesu əsɨ nyo, "Nyi yog twi dag: u hwu dag u shyyo bə nda." ⁵³ Əwod basɨ may gu, ba lyyen naŋ u siyyen. ⁵⁴ Əwod əsɨ tǝkyem ka mbwwag əsɨ yoroŋ ka bɨ ced, nyo, "ŋgwon, dərǝg yoŋ." ⁵⁵ Tswa ka ji sɨ bwwog ŋwwo bumi ka ka usɨ shyib bə ufiyyen. Əsɨ kag ba bwwag ba joŋ ka kyaŋ ya . ⁵⁶ Ənied mbin ka ba, sɨ kwog mbwwag əsay tunuŋ, əsɨ gba ba ba yog tag əyin kyaŋ əkwo ə nyyo ni dag.