¹ Məta əka Yesu ə kən lyyad kozan kyaŋ, əkwo gwo lyyad bə tsutswo ənied bani, əsɨ tə ŋwo nad Kǝfanahum. ² Nini gbəndaŋ əhwod əkwob əsɨ byo əhwo əwo gwo cad bəd ni naŋ gwo lwo ǝnad dǝ kunuŋ ǝhwu. ³ Ŋaŋ gbəndaŋ əhwod əkwob əwi ənfəg tuza Yesu ni, əsɨ təm ǝkwog uswon Yahudawa ba, bâ ətə lyib Yesu gwo bay əba corog ə́hwo gu wu. ⁴ Naŋ ban mbay bə Yesu ni, basɨ lyib gu bumi cucug, nyo, ə may a nyyo gu kyaŋ naŋ əni ni. ⁵ Nwad ə cad əbin zɨ ka, əsɨ yed ətyə əwo nog zɨ tu dyeb ku ni. ⁶ Naŋ Yesu ən shyo dəndwag ku dunduŋ məmba ni. Əwod naŋ gwo ka nad gbaŋ buli ka dag, gbəndaŋ əhuwad əkwob u əsɨ təm kpəndaŋ gu ba ə tə lyyad bəngu, "Ətyǝ Uli, yog ŋhaŋ əpyo a dag.Nwad nmay a bay buli nka dag. ⁷ Nwad ənyo, n kyag əpyo n, n may a bay bə nuŋ dag, də karag bə əlyyad əhwo ŋgu əna corog. ⁸ Əwod nuŋ bwo ngyed ətyə ǝwo shyo tuza tyog, bə əhwod əkwob əba shyo utag nka ni. Kə n nyo bə ənyyuŋ. " Nkad" sə gwo nkad, kə nmo nyo bə əyyaŋ, "Bay" əwod gwo bay. Nmo nyo bǝ ǝhwo ŋgu . "Nyo sɨkwi", gwo ənyo ku." ⁹ Naŋ Yesu ə nfəg əni ni, əsɨ kyag bwwag əsag +unuŋ, əsɨ bwwag əcyaŋ əkpa ənied əwo hwi gu ni, nyo, "Nhyo bə nyin kwo bumi Israila ka nshyo tənkay ŋwwag cucug əkwi dag." ¹⁰ Naŋ ənied əbyo ə tsa ə təm ni ǝ nbwwog ənad buli ka ni, basɨ tə shyo naŋ əhwo u ə kə ncorog. ¹¹ Məta əkyo, Yesu əsɨ nad bu ukaraŋ uyyaŋ əyi Nayin, əwod nnwan ntəm guna mbyyaŋ gbəndaŋ əkpa ənied sɨ hwi gu. ¹² Naŋ gwo n bay kpəkpog bə əŋway ukaraŋ wu ni, əwod naŋ ətyog əyyan ə kə nhwu, naŋ ə pyiad gu əwwud dyo, gwô əyed bə nŋgwon ka bə əyyaŋ gu wu (nwad əcyo wu kən siyen), naŋ gbəndaŋ əkpa ənied byo nyo bu ukaraŋ ka ə shyyo dunduŋ bǝ ǝyyaŋ wu. ¹³ Naŋ ətyo uli ə ndi ǝyyaŋ wu ni, əsɨ fəg kunag gu bəd, əsɨ nyo bə ngu, "Yog twi dag." ¹⁴ Əsɨ nad kpəkpǝg ətə byǝrǝm kukwon ǝkwo ǝ nkyag kwom ku ni, ǝnied ǝbyo kyag kwom ku ni ǝsi bwwog ǝyoŋ ǝsɨ nyo, "Fɨŋ ətyog, n nyo bə nnwan, dərǝg." ¹⁵ Kwom ku sɨ kan dərǝg ə swan isɨ ŋwo əlyyad, əwod Yesu əsɨ cyyo əyyaŋ u ngwanka mbwwag. ¹⁶ Əwod uwun usɨ təbad ba səlləy, basɨ ŋwo dyeb Əgwaza u, nyo, "gbəndaŋ ətəm ə wurug bumi zɨ ka" əwod Əgwaza u əbwwag ǝsi di ənied gu ba." ¹⁷ Ŋkhaŋ ənay tuza Yesu ka sɨ kub ətyag əbyin Yahuda ka bɨ səlləy ukaraŋ əna u sswan u tuŋ ba ni. ¹⁸ Nnwan ntəm Yahaya na usɨ tag gu səllay nkyaŋ ənay ni. ¹⁹ Əwod Yahaya əsɨ yi nnwan ntəm guna uffayaŋ əsɨ təm ba bə Ətyə Uli nyo, "Ŋwan ə yed ətyə ǝwo təbay ni a? ka zɨ ni cyyaŋ əyyan ənied?" ²⁰ Naŋ bâ n mbay kpəkpǝg bə Yesu ni, ikwo basɨ nyo, "Yahaya ətyə nyio botisman ə təm zɨd bə ŋwan zɨ lyib a dǝ, ŋwan ə yed ətyə əwo tə bay ni â? kə́ zɨ cyyaŋ əyyaŋ ənied?" ²¹ Bə bən jen əzo əsɨ corog ənied bə dɨdɨd bə nzwan baji əsɨ bwo turuŋ ba kətug ntswa ba, mbyyaŋ əbyyem əyyi əsɨ jen ba cyyaŋ ku. ²² Yesu əsɨ shim əsɨ nyo məmba məta əka nyi mbwwog nkad ni, nyi tɨ tag Yohanna nkyaŋ əna nyi di bǝ sɨ na nyi sɨ fəg ni. Əbyyem əyi ba shyyad cyyaŋ ku, ətǝlug tɨtag ba ǝ coŋ. Ənied gbab ba əcorog ədi zəzarag. Sǝlǝn ənied ba ə ətswoŋ, ənied əbyo kwi ni ə dwwad ǝ shio ə ced, əwod ənied əbyo cad yway ǝsɨ shey ba usham əlyyad na. ²³ Ətyə əwo də əŋway won ŋwwag cucug guku bumi nka nwad kukway nku ni, ǝ nkworog gu mmyyaŋ na. ²⁴ Məta əka ǝnied ntəm Yohanna ba ǝ nkad ni, Yesu əsɨ ŋwo lyyad bə əkpa ənied tuza Yohanna." Yag ə yi nad dɨ ku uyid ka? Ukwon ǝnio wun ku hyab ǝni â? ²⁵ Bɨ yag ə nyi nad di ku tusa ka? ətyog əwo əkub mumurug ətərog wu ni â? Nyi di, ənied əbyo hwi +ətərog kurum mbyyan əsɨ ba sswad bu usa kurum na, ba shio busa +Əgwam ni. ²⁶ Bɨ yag ə nyi bɨ nad di ku tusa ka? Ətyo əlyyad Əŋwad Əgwaza â? Î ntag nyin, ə sswag ətyə lyyad əŋwad Əgwaza. ²⁷ Di guwo wɨ wo naŋ əku dyurug ni. "Di, n twoy ǝtyǝ ntəm ngu du uyi aka, wo na jyi a lwag ku duswon aka ni.́ ²⁸ Ǹ tag nyin bumi ənied əkyo ənyyug ba ə tyi ni, ən byo ətyə əwo sswag Yohana ni dag. Zan bə ənyo ətyo əwo yed a shushio ka buli Əgwaza ka ni ə sswag gu." ²⁹ Naŋ səllay ənied ba ən fog əni ni,dunduŋ bǝ ənied say kurum əbyin ba, basɨ turag naŋ Əgwaza ə ngyed ǝtyǝ saŋ ǝbwun , nwad, əbɨ nyyo botisman əzo Yohanna əbɨ nyyo ni. ³⁰ Əwod Farisawa ba mbyyaŋ tɨtən ənied hwi ndwag yahudawa na sɨ lag kyaŋ əkwo Əgwaza u əji ba dyo ni, nwad, ba nyyo botism mbwwag Yohanna dag. ³¹ Bɨ yag ə naŋ nna tyyan tənkay ncey ənied əkwi? Ba dɨ naŋ yag ə ni? ³² Ba dɨ naŋ nnwan ənio u lwwo bə kaswo, byo ni sswan bâ əyi əyyan ba nyo. "Zi tyab nyin shurag ji nyi sɨ lag swoŋ ku, zɨ sɨ bwom nyin bubwom əhwu ku də nyi bâ twi dag. ³³ Naŋ Yohanna ətyə nyyo botisma əbɨn bay əsɨ ya kunkwog u mbyyaŋ sswo əkan dag, əwod nyi sɨ nyo ə byo utənyiraŋ" ³⁴ Naŋ ŋgwon ətɨbɨshyi ka unbay u ya usswo ni nyi sɨ nyo, "Ə law ufa ulyyag mbyyaŋ sswo əkən, kpəndaŋ ənied say kurum əbyin mbyyaŋ ənied shishig nyyo. ³⁵ Əwad tsutswad ku di cecarag tuza nnwan ka na." ³⁶ Ətyə ənyyuŋ bə Farisawa ba əsɨ ba yoroŋ Yesu ə ya kyaŋ ya dunduŋ bə ngu. Məta əka Yesu əŋwo buli ətyə Farisa ka ni, əsɨ sswan bə tǝburug bâ ya kyaŋ ya ku. ³⁷ Də jen ji, əbyyug əyyan əbɨ shio bɨ ukaraŋ ka, ǝsɨ yed ǝtyǝ shishig nyio. Naŋ gwo n fǝg nyo əna ya kyaŋ ya bə tǝburug u buli ətyə Farisa ka ni, əsɨ bay bə sɨnduŋ əmyyo kyo ə ngyi Alabasta ni kyo u byo ətan swam ni. ³⁸ Naŋ gwo n yoŋ mǝlyim gu kani kpəkpəg bə titag guba, ətwí, əsɨ ŋwo pyyam titag gu ba bə əyyi guna, ǝwod əsɨ lyyaŋ ba bɨ pyo guku, əwod əsɨ lwwug titag ba əsɨ nkwon ba usham əmyyo əka u byo ətan swam əwí ni. ³⁹ Naŋ ətyə Farasi əwo ǝyyi Yesu ni ǝ ndi əni ni, əsɨ dam bə pyio, gu ba ntsswo nyo. "Kə bâ nyo ətyə əwi ə yed ətəm Əgwaza. Sə gwô lyyen zan tənkay əbyyug ko kwí, kwo byǝrǝm gu ni, naŋ gwo na yed shishig ǝyin ə'! ⁴⁰ Yesu əsɨ shim gundyo nyo, "Siman, n byyo kyaŋ n cad karag bə nwan, Əsɨ nyo, 'karag ku ətyə cyyed." ⁴¹ Yesu əsɨ karag, " ǝbyyo ətyə əwo kwab ənied nkurum ni, əsɨ byyo ənied əfyyaŋ byo gwo hwi ba tâ ni. Ətyə nyyuŋ əbyyo əkpaŋ cyitsswon ətyo nyyuŋ u əsɨ byo nswaŋ ntswan, ⁴² Naŋ basɨ ba yəw tan ku ni dag, əsɨ yurub ba dyo sǝllǝy ba ǝffyyaŋ. Nini ənyan ə bǝmba ǝna cad gu ən swag?" ⁴³ Siman əsɨ shim gu dyo nyio, "Bə nuŋ ətyə əwo ǝ byo ku shi bəd ə́sɨ yurub gu dyo ni". Yesu əsɨ nyo bə ngu. "A fyyed na cecerag." ⁴⁴ Yesu əsɨ bwwag ə nad bə əbyyug u, əsɨ nyo bə Siman. "A di əbyyug əwi. N ŋwo buli aka. Də ŋwan ə jen nsəhwod kwi titag dag. Əwod əbyyug əwi ni ə kwi n tɨtag ba bə əyyi guna əsɨ lyyaŋ ba bɨ pyo əpyyo guku. ⁴⁵ Ŋwan a lwwug n dag, əwod nyyo jen əzo nŋwo əji ni əbyyug əwi ə́ wod lwwug titag mba dag. ⁴⁶ A yəw kworog n əmyo bə əpyo nka dag, əwod əbyyug əwi əsɨ kworog titag mba bə usham əmyo kyə u byo ətən swam ni. ⁴⁷ Nwad ənyo, gu ǝtyǝ ǝwo ǝbyo shishig ku gbǝngbam ni, ə ŋwwag gbǝngbam ǝsɨ bwo twǝrag cad ku gbǝngbam. Əwod gu ǝtyǝ ǝwo ǝ yurub gu ndyo dǝday ni, ǝsɨ bwo twǝrag cad guku dǝday. ⁴⁸ Asɨ nyo bə əbyyug u, "Ə yurub a kətug a ku." ⁴⁹ Ənied əbyo swan əzo ni, basɨ ŋwo lyyad bumi baka nyo "Gwo ənyan ə wi wo yurub ənied ba katug ba ku ni?" ⁵⁰ Ikwo Yesu əsɨ nyo bə əbyyug u" ŋwwag cucug əku san a, Nad bɨ kay nda."