¹ Utug nnwam tswuŋ uyyaŋ, Yesu mbyyaŋ nnwan ntəm guna sɨ kay ə wurug bə bɨbyin nzug ku. Nnwan ntəm guna usɨ ŋwwo kpəram zwug ji. Basɨ tsswud bə nbwwag bana ə ya. ² Kukwo Farisiyawa əyyaŋ əsɨ di ba ba basɨ lyib ba nyo, " Ya ə mbyyo nyi nnyyo kyaŋ əkwo doka zɨd ji ndwoŋ nyyo ku utug nwam tswuŋ ka ni?" ³ Yesu əsɨ shim ba ndyo nyo, "Had nyi kə ntwaŋ kyaŋ əkwo Dauda əku nyyo də njen əzǝ zwoŋ ji ku ngyǎ gu mbyyaŋ +ətyog əba gwo coŋ bə mba ni dâ?" ⁴ Əku ŋwwo bu Uli Əgwaza ka, əsɨ kyag kuŋkwoŋ əwo əku khab ə sag yed zənaŋ Əgwaza. Zo, zaŋ bə ətyi fi zənaŋ əyin gu, əyin əku ntay ə ya ni dag.Əsɨ ya əsɨ mun ə joŋ ənied cyyed guba." ⁵ Kukwo Yesu sɨ nyo məmba, "Nuŋ ŋgwon ətyibɨshi ǝ nyyo tyog tuza utug nwam tswuŋ ka!" ⁶ Utug nwam tswuŋ uyyaŋ usɨ kərag bay, Yesu əsɨ tə ŋwwo bu tu dyeb Əgwaza yyaŋ, əsɨ ŋwwo cyyed ba ku. Ətyog əyyaŋ əsɨ nshyo əzə wo bwag yag guku hwu ni. ⁷ Tɨntən ənied cyyed mbyyaŋ Farisawa əyyaŋ əsɨ sag gu əyyi bâ ga di kə əna corog əyin utug nwam tswuŋ ka.Əzǒ bana nshyyo tətwad cyyo gu əbun. ⁸ Əwod, əwa kə ndyen dɨdam bawu səlləy. Kukwo gwo sɨ nyyo bə ətyə əwo bwwag guku hwu ni, "Dərog ə bay â yoŋ bə kəucyo ənied wu." Kukwo gwo sɨ dərog əba yoŋ əzǒ. ⁹ Yesu əsɨ lyib ba, "Ya ə ə shim zɨd ndyo zɨ nyyo utug nnwam tswuŋ ka? Ə̀̀ nyyo əyin tənwam a kə ə nyyo gu utug kyo?Ə̀̀ san sɨced a kə̂ hyad ku? ¹⁰ Kukwo gwo cyyaŋ ba kəkəb ə kərag ə bwwag. Əsɨ də nyo bə ətyog əwo, "Nyyeb bwag a ku!" Əsɨ də nyyeb ku isɨ ka ncorog. ¹¹ Əwod ntsswo bana sɨ ka nhyay hyihyay bə əlyo ya ka. Basɨ ŋwwo lyyad bə əyyaŋ bə gag əkwo bana nnyyǒ kan Yesu ku ni. ¹² Utug uyyaŋ bə də nnwam ənio, Yesu əsɨ nkad tuza əfan dɨ nay Əgwaza u. Əsɨ nay gu ǝ ntyag utug ka. ¹³ Jen əzǝ utswon ka utəyag ni, əsɨ yoroŋ nnwam ntəm guna, əsɨka nkhay ənied sswwag bə əfyyaŋ bə mba. Ba byo gwo sɨ cyyo ba əyorog +əgwag ntəm. ¹⁴ Di lyulyorog +əgwag ntəm əbyo bay. Sɨman (wo ǝngy, Bitrus ni) mbyyaŋ nənyyug guwu Anduruŋ, Yakubu mbyyaŋ Yohanna, Filibus mbyyaŋ Batəlomi. ¹⁵ Matyu mbyyaŋ Toma, Yakubu əfay Alfyyur wu, Sɨman (wo nyyo fɨb əbyin ku ni). ¹⁶ Yahuda əfay Yakubu wu, mbyyaŋ Yahuza əfay Iskariyod wu, wo ku yed əgbaŋ əbyin wu ni. ¹⁷ Kukwo Yesu əsɨ cyyog dunduŋ məmba nyyo tuza əfan ka. Basɨ tə yoŋ bə gyim əbyin ji dunduŋ bə ənied bə dɨdɨd əbyo hwi guni. Əsɨ mbyyo əsɨba ku nyyo bə nfam Yahudiya bə Urishalima, əyyaŋ bwo sɨ nyyo bɨ +ukəraŋ Taya na mbyyaŋ Saydon, bɨbyin ənio ku shyyo ufa əywi kani. ¹⁸ Əyyaŋ məmba əku bay ə fəg əlyyad guna, əyyaŋ əku bay ə corog ba zwan ji. Əsɨ byo ga +kətug ntswa ə lwoŋ ba nda ni, əsɨ mɨn ə corog ba kəkəb. ¹⁹ Kukwo konyan bə əkpa ənied wu kwan bəd gwó ga byəram gu nwad ced corog ku gwud bumi guka, əsɨ corog ba səlləy. ²⁰ Kukwo gwo bwwag ə cyaŋ nnwan ntəm guna əsɨ nyo. "Lɨbarka ə yed nyin əbyo yed kunag ni, tyog tuza ku yed shin nyin. ²¹ Lɨbarka ə yed nyin əbyo zwoŋ ya nini ni, nwad nyi ba swoy. Lɨbarka ə yed nyin əbyo twi nini ni, nwad nyi ba may. ²² Lɨbarka əyed nyin əbyo ə lag di ni. Əwod ə khab nyin zan dɨ lyyad nyin kətug dənian ŋgwon ətyibɨshyi ka ni, nyi shyo ŋwwo. ²³ Sə nyi gyereb bumi nwam əkyo nyî soŋ bə əsay ntssswo. Nwad cucug ə nyi ba shyyo ga gbəndaŋ zaŋ tuza. Ənnyǒ bwo əcyo ǝhwob nyin ba əku ntwərag ənied lyyad əŋwwad Əgwaza ba zwod ku bəd. ²⁴ Əwod ubuŋ utswoŋ nyin ənied nzwa ba, nwad nyi wa kə ntyag sswo nyinyaŋ nyi ku. ²⁵ Ubuŋ utswoŋ nyin əbyo ə ya bɨ sswo ə swoy ni, nwad zwoŋ shyo bə unuŋ kənyyo nyin na. Ubuŋ utswoŋ nyin əbyo may nini ni, nyi ba shyyo bə dundyuŋ ntsswo nyi tǝ ba twi. ²⁶ Ubuŋ utswoŋ nyin kə kəkəb ǝnied ba ə dyeb nyin, ənnyǒ əcyo hwob nyi ba əku ndyeb ənied lyyad əŋwwad Əgwaza ǝlyem ba. ²⁷ Əwod nnyo bə nyin əba tswon nini ni, cad nəndwam nyi ba, nyî nyyo ba shog. ²⁸ Kworog lɨbarka tuza ǝnied ǝbyo lag di a ni â nay dǝnian ǝsɨ byo shwi nyin ni. ²⁹ Kə əyin ə lwi a ukpaŋ, bwwag gu usɨka, kə əyin ə təwob ətərog hwi ngwun awu, yog ndwwoŋ gu ǝshin umi wu dag. ³⁰ Konyan ə nay kyaŋ bə ŋwan, joŋ gu. Bə kə əyin ə cib kyaŋ ə san bə ŋwan yog yoŋ gu ǝ bwwog dyo dag. ³¹ Gag əkwo nyi ncad ənied ba ə nyyo nyin dyo ni, nyi nyyo ba ndyo bwo. ³² Bə ka a cad bǝ ənied ǝbyo cad a ni zaŋ kpǝŋtin zǝ ku ni jan a?. ³³ Bə kə nyi sɨ nyyo tan bə ənied əbyo ə nyyo nyin tan ni, yag ə bəd əna ndyeb nyin? Kətug ənied ba ə mun ə nyyo ənnyo bwo. ³⁴ Bə kə nyi kwab bə ənied əbyo nyi dam əna tan nyin ə, yag ə bəd əna ndyeb nyin? Kwo kətug ənied ba nɨ kwab bə əsɨba ba bwwog ndyo əŋwwag ni. ³⁵ Əwod cad +nəndwam a ba, â nyyo ba tan ku. Nyi kwab ənied ba də bɨ mbyoŋ tsswo nyo ba bâ tan nyin. Kə nyi nyyo ənnyo, Əgwaza u əna joŋ nyin zaŋ əzo shi ni, nyi bu yed nnwan gu. Əgwaza u bwo ənɨ twərag cad tuza ənied aka ə ŋway gway gu ni mbyyaŋ kətug ənied ba. ³⁶ Nyi yed ǝnied fǝg kunag nwad Əcyo nyi wu ǝyed ǝtyǝ fog kunag . ³⁷ Yog fyyed ǝyin ǝlyyad dag, ŋwan bwo ə na fyyed andyo dag. Nyi nɨ nyyurub əyyaŋ nyin kətug nyyo wu. Ənnyǒ Əgwaza u əna nyyurub nshin nyi na bwo. ³⁸ Nyi nɨ kəw ənied ba byo ə saŋ ni, nyin bwo Əgwaza əna joŋ nyin. Ə̀̀ na mmay ənhyad nyin ndyo təntəram, ə gbaŋ, ə tswoŋ gwô nhyay ə waram, ə bwwag ə nkworog nyin ndyo. Əwod kyaŋ əkwo nyi mmay ənied ba ndyo ni, kukwo Əgwaza u bwo əna mmay nyin ndyo. ³⁹ Kukwo gwo sɨ tag ba kidey jyaŋ. "Əbyyem əyin ənɨ ngyəw ə coŋ ə kwag əbyyem əyin shan a?. Bə kə əsɨ nyyo ənnyo, kəkəb ba əna tɨ nkwa bu bwoŋ dǎ? ⁴⁰ Ŋgwon myyam wu nɨ sswag ətɨ cyyed kawu dag. Əwod konyan ə ə san n cyyed shensham bəd, sə gwô di naŋ ətɨ cyyed guwu ni. ⁴¹ Yag ə mbyyo a ncyaŋ acincyad əkyo shyyo bə ntswa əli nənyyug aji ni? Əwod əsɨ bwuŋ əkum nkwon əkyo shyyo bə əli aka ni? ⁴² A ni nyyo ni nnyyǒ bə nənyyug awu, "Nənyyug, yog ntɨn a acɨncyad əkyo shyo bə əli a ka ni, naŋ ŋwan bwo a yəw di ga kum nkwon wo shyo bə ntswa əli a ji ni? Ŋwan əgbaŋ əbyin ! Ya ntsa tɨn ga kum nkwon əwo shyo bə əli aka ni, əsɨ̂ dɨ cyaŋ shensham a ga shyyo ntɨn a cincyad əkyo shyo bə əli nənyyug aka ni. ⁴³ Nwad, ətan ukwon ənɨ ngyəw ə wurug bə əbwi əsum dag. Ənnyǒ bɨbyyo ukwon unɨ yəw u wurug bə ətan əsum dag. ⁴⁴ Əsum əkyo ənɨ nfɨg tənkay ukwon ku dâ? Nwad ənɨ kpyəy lu bə ətyin gədyyen dag. Də bâ nɨ kpyey əwwud bə ətyin nshob dag. ⁴⁵ Ətan əyin ənɨ gud ə wurug bə ntsswo guku +ətan nkyaŋ.Kətug ǝyin wu bwo ənɨ gud ə wurug ndyo bə ntsswo guku kətug. Nwad, nkyaŋ əna nhyad tsswo ənû kuni, kukwo gwo nɨ gud ə wurug ndyo bunuŋ ka ə lyyad. ⁴⁶ Yag mbyyo nyi ngyi n "Ətyə Uli," Ətyǝ Uli də nyi ba nyyo nkyaŋ ənio ntag nyi ni dag? ⁴⁷ Konyan ə bay bə nuŋ əsɨ fag əlyyad nna əsɨ nnyyo ntəm bə na nna tag nyin gag əkwo gwo ndi ni. ⁴⁸ Ə̀̀ di naŋ ətyog əwo dərǝg nog uli ni. Əku luŋ əbyin ka ə nsham əsɨ nkpərag ətyin nog ka tuza əfaŋ. Bə əkwoy ka, cen ku sɨ nhyad bə səhwod na sɨ wurug tusa əkub ulwo ka, nasɨ tswod uli ka bəd də ka ushod ukwa dag. Nwad . əku nog ka shensham tuza əfaŋ kyo. ⁴⁹ Əwod ətyǝ əwo tswoŋ əlyad nna ə nnyyǒ ntəm ni dag, ə di naŋ ǝtyog əwo ku nog uli guka də bu luŋ ətyin nog dag. Bə əkwoy ka, gə nza əsɨ ləw ə nhyad cen ku bəd. Nasɨ gud əwurug, səhwod na sɨ tswod uli ka, usɨ tyɨrib ukwa kətug kwa."