¹ IKu yed naŋ əkpa ənied əsɨ ŋwwo tuŋ əkaraŋ Yesu ə fǝg gu di tswoŋ əlyyad Əgwaza na də njen əzo gwo ngyoŋ də ŋhwwan njog Janisarata ji ni. ² Əsɨ di kukwon əwag uffyaŋ ufa səhwod ka byo ənied wum fan ba ə wurug ndyo əsɨ ŋwwo kwi +əkywo bani. ³ Yesu əsɨ ŋwwo bə kukwon nyyuŋ kwo yǝd shin Siman kuni, əsɨ nyo bǝ ngu nyô gwo shǝn kukwon ǝwag ku ǝŋwwo dyo bumi sǝhwod ka,ǝsɨ ŋag ǝ swan,ǝsɨ ŋwwo cyyǝd ǝkpa ənied wu bumi kukwon ǝwag ku ⁴ Jen əzo gwo ntyag əlyyad nani, əsɨ nyo bə Siman. "Shen kukwon əwag ku nad ndyo bə əcuŋ səhwod wu, nyî ta +əkywo ba bumi nyî mbwwo fən ku. ⁵ Siman əsɨ shim gu ndyo, "Ətyə Uli, zɨ nyyo təm ku ntyag utug ka kəkəb də bu bwwo kyaŋ, naŋ ŋwan ə su nkarag ni, nna ta +əkywo ba!" ⁶ Naŋ ba nta ni, basɨ bwwo fən ku bədɨdɨd, +ǝkywo ba sɨ ŋwwo cag ku. ⁷ Kukwo basɨ yyi kpədaŋ ntəm ba ba byo shyyo bə kukwon əwag nyyuŋ ku ni, bâ bay ə byyaŋ ba. Bə mbay ni, basɨ kay fən ku ə nhyad kəkəb +kukwon əwag nfyyaŋ na, had nasɨ ŋwwo təyud ku. ⁸ Əwod, jen əzo Siman Bitrus ə ndi ni, əsɨ kpərag huhwud duyi Yesu ka nyo, "Ətyə Uli, dərog a won n, ngyed ətyə kətug nnyyo ə." ⁹ Gu mbyyaŋ əkum ka basɨ cyyo bə kwod, dɨgag əkwo baku bwwo nfən bədɨdɨd ni. ¹⁰ Ənnyo bwo bə kpəndaŋ təm wum fən ba ba Yakubu bə Yohanna byo ku yed nnwan Zəbədi nani, əku shyo dunduŋ bə Siman. Yesu əsɨ nyo bə Siman, "Yog fəg uwun dag. Kyag nyyo nini, əniedbɨshyi byo anɨ wum coŋ dyo bə nuŋ. ¹¹ "Naŋ ba ngurug bə +kukwon əwag na ənad ndyo ufa əywi kani, basɨka ngwod kwo yag ə, basɨ ndəb bə ngu. ¹² Utug uyyaŋ naŋ Yesu ə shyyo bu ukaraŋ uyyaŋ bə əbyin Galili ka, ətyog əyyaŋ wo gbab ku kə gba gû ni sɨ di Yesu. Əsɨ bay əba kwa duyi guka əsɨ nay gu. "Ətyə uli, kə a cad â corog n." ¹³ Kukwo Yesu sɨ nyyeb bwag guku ə mbyǝrəm gu, "nyo, "N shim. Də corog." Bə dɨ yoŋ əkwo, əsɨ ka ncorog. ¹⁴ Yesu əsɨ gba gu yog gwo yog tag əyin dag. Əwod əsɨ tag gu, "Nad â twərag əpyo a bə ətyə fi zənaŋ wu ə̀tə̀ cyaŋ ǝ di corog aku, əwod â ŋwwag zənaŋ əzo cyyed Musa ku lyyad ni denian konyan ə ga lyen naŋ a ncorog." ¹⁵ Əwod ənyyô, nkhyaŋ guna sɨ gub kay ukǝraŋ ka,ǝnied bǝ dɨdɨd ǝsi bay bâ fǝg cyyed guku mbyyaŋ ǝbu corog ba zwan baji. ¹⁶ Əwod, əsɨ ka yway ə coŋ dulwo ǝnyo ǝnyinǝ nshyyo ni dag. ¹⁷ U tug uyyaŋ bə nnwam ənio Yesu ə nshyyo bɨ cyyed ku ni, Farisawa əyyaŋ mbyyaŋ tɨntən ənied cyyed doka Musa əyyaŋ əku swan əzǝ. Baku nyyo bə +ukaraŋ əna ku shyyo bə əbyin Galili ka mbyyaŋ Yahudiya bə Urushalima. Ced Ətyə Uli ku sɨ shyyo dunduŋ bə ngu gwô corog ənied. ¹⁸ Kukwo +ə́tyog əyyaŋ əsɨ bay bə ǝtyǝ tǝlug tɨtag bǝ ǝkpaŋ . Basɨ cad lwag əkwo bana ŋwwo bə ngu ətə sag duyi Yesu ka ni. ¹⁹ Bâ nshyyo lwag ŋwwo bə ngu ni dag nwad ǝkpa ǝnied wu, basɨ ka nŋag bə ngu tuza utən tu ka, basɨ təkyag ulwo ə ncyyo abwong bə dɨdday ulwo əwo Yesu ə ngyoŋ ni. Basɨ cwwog bə ngu bǝ ǝkpaŋ ə nwad bumi ənied ka duyi Yesu. ²⁰ Gwo ndi ŋwwag tsswo baku ni, Yesu əsɨ nyo bə ətyɨ nzwan wu, "ǝtyog, ə́ yurub a kətug nyyo a wu." ²¹ Tɨtən ənɨcyyed ba bə Farisawa ba sɨka ŋwwo lyɨrɨm əyyaŋ, "Ənyan ə wi ni maŋ lyyad ə njway Əgwaza u? Ənyan ə bəd əna yəw yurub kətug zan bə Əgwaza bə nyin gu?" ²² Əwod Yesu ənfɨg kyaŋ əkwo ba dam ni, əsɨ shim ba ndyo nyo, "Yag ə mbyyo nyi ntsswò əlyyad ənay bə ntsswo nyin na? ²³ Zaŋ sɨkwo ə yed əhyom wu? Ə nyyo bə ngu, 'Kǝtug nnyyo ana ə yurub a ndyo?' Kə ənyyo, 'Dərog â coŋ?" ²⁴ Əwod nyi ga lyen naŋ ŋgwon Ətyibɨshyi ka mbyyo tyog tuza dunio ku dɨ yurub kətug, nnyyo bə ŋwwan, 'Təkyem, kyag əkpaŋ əwu â nkad buli," ²⁵ Bə dɨ yoŋ əkwo, əsɨ təkyem ə yoŋ duyi ba ka, əsɨ kyag əkpaŋ əwo gwó mmyyan ni. Kukwo gwo sɨ nkad buli guka ə dyeb Əgwaza u. ²⁶ Konyan əzǒ əsɨ cyyo bə kwod! Basɨ dyeb Əgwaza u. Uwun Əgwaza na sɨ təbad ba basɨ nyo, " Ustwun əkay ni, zɨ di nkyaŋ tɨtyog." ²⁷ Məta əkyo ə nnyyo nkyaŋ ənay ni, Yesu sɨ wurug ə nkad əsɨ mwun bə ətyə say kurum əbyin ə swan ə say kurum bə suswag ku, Ngwo ə ngyi Lawi. Yesu əsɨ nyo bə ngu, "Bay a hwi n." ²⁸ Lawi əsɨka ndorog ə wod kwo yag ə, əsɨka nhwi gu. ²⁹ Kukwo Lawi əsɨka ncyyo ukwà buli guka gwo ga nsan Yesu. Əsɨ mbyyo dɨdɨd ənied say kurum əbyin əza mbyyaŋ əyyaŋ ənied byo ku swan bə tǝburug wu ə ya kyaŋ ya ku dunduŋ. ³⁰ Əwod Farisawa ba mbyyaŋ ənied lyurug ba ba sɨ ŋwwo kwob ədyyin bə nnwan ntəm Yesu na nyo, "Yag mbyyo nyi ngya bɨ sswo dunduŋ bə ənied say kurum əbyin ba mbyyaŋ kətug ənied?" ³¹ Yesu əsɨ shim ba ndyo, "Ənied əba ndwam bana ə swan kəlele ni ə cad əbwog dag. Sə ba əsƗba lwo ni ba byo ə cad əbwog. ³² M bay ngyoroŋ ənied saŋ əbun dag. Sə nwa ngyoroŋ ənied əba byyo kətug ni bâ shyyo san." ³³ Basɨ nyo bə ngu, "Nnwan ntəm Yohanna ətyə Botisma mbyyaŋ nnwan ntəm Farisawa na ənɨ nay Əgwaza wu ufa uhwwod. Əwod nnwan ntəm a na u ya u sswo." ³⁴ Yesu əsɨ nyo məmba, "kə ə byyo nyɨraŋ, kpǝndaŋ ətyog ba ənɨ nswan ufa uhwwod naŋ gwo shyo dunduŋ bə mba a? ³⁵ Əwod nnwam na təbay nio əba nkyag ətyə nnyɨraŋ u ə wod bani, jen əzǝ izǝ bana nnay ufa uhwod ka." ³⁶ Kukwo Yesu əsɨ mɨn ə nyyo ba kidey. Əyin əni sɨyeb cyaŋ bə ətərag əfay ə mbad əbwaŋ bə huhwob dag. Kə əsɨ nyo ənnyo, əna sɨyeb əfay wu. Əwod cyaŋ saway əzə ə mbad huhwob ətərog wu ni na kwa ǝtǝrǝg wu dag. ³⁷ Də əyin əni nkworog əkan əfay bumi huhwob ukuruŋ dag. Kə ə nyyo ənnyo, əkan əfay, na ni fwo +ukuruŋ na nâ weyem əbyin ǝwod ukuruŋ ǝ byyan. ³⁸ Əwod tɨlɨd kwo ə kworog əkan əfay na bumi əfay ukuruŋ. ³⁹ Də mənta əkyo də əyin əna sswo əkan əfay na kə əkə sswo huhwob wu. Ənɨ nyo, "Huhwob əkan wu ə lan ǝfay na.'"