¹ Meta nkyan ǝkay, Ətyo uli ǝsɨ khay ǝnied nswaŋ natad bâ cyyan ǝsɨ tem ba tusa fifiyen bâ kyag uswon gu ǝnad kozan ukǝraŋ mbyyaŋ +ulwo ǝnio gu bǝ pyo gu ǝ ba nnad ni. ² Əsɨ nyo memba "fway ku shi bǝd ǝwod ǝnied ntem ba ǝ shi dag. Nwad ǝnyo lyb Əcio uli fuway u gwo ǝ tǝm bǝ ǝnied fway ba ³ Nyi nad. Ntem nyin tusa naŋ +zwontsiyeb bǝ kǝucyo +ubwu uyid ni. ⁴ Nyi yog kyag ǝmpwod kurɨm dag,bǝ ǝmpwod cyyed,bǝ kwatag,nyi yog byyad ǝyin bǝ ndwag ku dag. ⁵ Kozan uli kyo nyi ŋwo,nyi tsa nyyo,"yog kay nda shyyo buli ǝkayị. ⁶ Kǝ ǝtyǝ nda ǝ shyyo ǝzo,yog kay nda nyi ku i swan bǝ, ngu, kǝ ǝnyo dag, yog kay nda ku i bwog bay bǝ nyin. ⁷ Nyi swan buli ǝkyo, sswo kyan ǝkwo ǝ joŋ nyin ni. Nwad ǝtyǝ ntem u ǝmɨm ǝ ǝya ulwo hyo guka. Nini nyi yog coŋ kad bɨ usa dag. ⁸ Kozan ukǝraŋ kyǝ nyi ŋwwo,basɨ san nyin,nyi ya kyan ǝkwo ǝ sag dugyi nyi ka ni. ⁹ Awod nyî corog ǝnied nzwan ǝ byo ǝzǝ ni. Nyi tag ba, "Tyog Əgwaza ku i bay kpǝkpǝg məmba." ¹⁰ Kozaŋ ukǝrǝŋ kyo ǝ nlag san nyi ku ̰nyi wurug nad bǝ andwag bana nyî nyo, ¹¹ Kwo ubuŋ ǝkyo u tǝmiyed ba titag zi ba ni,zi kpyyed kworog ǝpyo nyin! Əwod nyi lyyen sɨkwi. Tyog Əgwaza ku bay kpǝk. ¹² Nnyo bə nyin utug fag ǝlyyad kai tɨ ba byo ukǝraŋ ǝkyo ubwuŋ ka sswag sodoma . ¹³ Ubuŋ u shyyo a, korizin! ubuŋ u shyo a, Batsaida! kǝ ba nyyo ceced ntem ǝwo ǝ bɨ nyyo bǝ nyin ni bǝ tyre mbyyaŋ sidon, sǝ ba mɨ nnay yurub katug ba ku, nyyo bǝ gbaŋ ba sswan bɨ cyyaŋ +ǝtǝrǝg mbyyaŋ ntoŋ ¹⁴ Əwod i tɨ ba byo ǝnied tyre mbyyaŋ sidon ba uwbuŋ ka sswaŋ nyin dǝ njen fag ǝlyyad ji . ¹⁵ Ŋwwan, kafanahum, a dam nyo ǝba tǝkyem a a nad dyo tuza kã? A'i, ǝtǝ ba bwwog bǝ ŋwwan ǝ bay dyo ǝ bin, buli ndoŋ. ¹⁶ Ətyo ǝwo fǝg nyin ni, ǝfǝg n, ǝwod ǝtyo ǝwo lag nyin ni, ǝ mun ǝ lag n ǝwod, ǝtyǝ ǝwo lag nni ǝmun ǝlag ǝtyo ǝwo ǝ tǝm n ni. ¹⁷ Ənied nswag natad ba ǝsɨ bwwog bǝ ǝgway, Nyo, "ǝtyǝ uli, +utǝnyiraŋ na bwo ǝ nyyeb ǝpyo ba bǝ zid bumi ǝlyorog aka" ¹⁸ Yesu ǝsɨ nyo memba, "N mɨ ndi utǝnyiraŋ ka u shod nyo tuza naŋ ǝ miram zah ni. ¹⁹ Di, nkǝ joŋ nyin tyog nyi shay +zwag mbyyan +nyyaŋ, mbyyan tuza sǝllǝy ntyog nǝndwwan,ǝwod yin kyan nî shyyo yin dag, kwo bǝ cuncwad. ²⁰ Kaŋ bǝ ǝnyo nyi yog gway bǝ si kwi nyin ku dag, digag ǝkwo kǝtug +tswa ba ǝ nnyyed ǝpyo ba bǝ nyin ni, nyi gway sswag ǝnyo nwad ǝ lyurug lyulyorog nyi ku tuza. ²¹ Bǝ njen ǝzǝ ǝsɨ gway bǝd bumi zɨzǝrag Ntwa, ǝsɨ nyo, "N dyeb a, Əcyo, Ətyǝ uli tuza bə ǝbin, nwad a nyyad nkyan anay bǝ ǝnied mumwaŋ bǝ ǝsɨ ba ǝbyo fɨg ku ni, ǝwod a sɨ tyay na bǝ ǝsɨ ba dǝ ǝ cyyǝd ni, naŋ acwaŋ nnwan ni, I, Əcyo, ǝnyo ku mbyyo a nyynyaŋ ku bɨ di aku. ²² Sǝllǝy nkyaŋ na Əcyo ngu ǝ cyo nna mbwwag, de ǝyin ǝ lyyen kwo ǝyyan ǝ ŋgwon ka u yed dag sǝ bǝ Əcyo u, ǝwod dǝ ǝyyin ǝlyyen kwo ǝnyyan ǝ Əcyo u ǝ yǝd dag,sǝ bǝ ŋgwan ka, mbyyan ǝnied ǝbyo ŋgwan ka u khay u twǝrag ba gu ni. ²³ Əsɨ bwwag ǝnad bǝ nnwan ntǝm guna dǝ baŋ, ǝsɨ lyyad memba jinjyin. Ənied lɨbarka byo ǝyed ǝnied ǝ byo ǝ cyyaŋ nkyaŋ ǝna nyi cyyaŋ ni. ²⁴ Ntag nyin, ǝnied lyyad ǝŋhgwwad Əgwaza bǝ dɨdɨd bǝ +ǝgwam ba cad bâ di nkyaŋ ǝna nyi di ni, basɨ di dag,bâ fǝg nkyaŋ ǝna nyi fǝg ni, ba sɨ fǝg na dag ²⁵ Əwod,ǝtyog, ǝyyaŋ ǝnyyo bǝ ǝnied yahudawa ba wo lyen nkyaŋ ǝna ǝ lyyad tuza Əgwaza ni, ǝsɨ cad ǝ mag yesu nyo ǝtyǝ uli. "yag ǝ nna nyyo n nshyyo sɨced saŋsisag ku?" ²⁶ Yesu ǝsi shim gu dyo, "Yag ǝ ǝ lyurug bǝ doka ji? ni ǝ a ntwaŋ na?" ²⁷ Əsɨ shim nyo, A ni cad Ətyǝ Uli Əgwaza bɨ tsswo a ku, bǝ sellǝy sswan aji, bɨ ced mbyyan sellǝy didam a wu, bǝ kpǝndaŋ swad a ba naŋ an cad ǝpyo ani" ²⁸ .Yesu ǝsɨ nyyo bǝ ngu, a shim cǝcǝrag. Nad a ti nyyo ǝnyo ǝni shyyo ǝced. ²⁹ Əwod ǝtyi cyyed ǝwi ǝsɨ kwan ǝ frog ǝpyo gu, ǝsɨ nyo ǝnî bǝ yesu, "ǝnyan ǝ yed ǝtyǝ nswad nŋu". ³⁰ Yesu ǝsɨ shim gu dyo nyo "ǝbyo ǝyyian ǝnied ǝ wurug urishel̄ima ǝ nyŷed yerico .Əsɨ ta kwa mbwwag +ǝtan hyyay ǝnied, basɨ shwi gu, basɨ tswod gu, basɨ wod gu kunuŋ ǝhwu. ³¹ ǝtyi shey ǝlyyad Əgwaza ǝyyaŋ naŋ gwo swarab, dǝ ndwag ku ǝwod naŋ gwon di gu ni, ǝsɨ kay tunfam ǝsɨ nkad. ³² Bǝ ǝnyo ǝtyo shey ǝlyyad Əgwaza ǝsɨ bwo bay bǝ dulwo ka ǝsɨ di gu, ǝsɨ bwo sswag dǝ ǝfam ǝnyyuŋ ka ǝtǝ nkad. ³³ Ətyǝ samaria, ǝsɨ nyyo bi cyyed, ǝsi bay dulwo ǝka gwon shyyo ni.naŋ gwon di gu ni,ǝsɨ fǝg nyinaŋ dag ǝsɨ fǝg kunag gu. ³⁴ Əsɨ nad kpǝkpog bǝ ngu ǝsɨ lwwoy gu fɨfǝd ba, ǝsɨ kworog gu ǝmyyo mbyyaŋ sahwod nnǝbi tuza ba ka, ǝsɨ kyag gu ǝ sag tuza ntsay guka, ǝsɨ bay bǝ ngu dulwo ǝkyo ǝna cyyaŋ gu ni. Əsɨ cog gu. ³⁵ Dǝ utswon ka ǝsɨ kyag sule ǝfiyaŋ ǝsɨ ŋwwag ǝtyi byyo ul̀wo wu,ǝsɨ nyo, " cog gu, kwo ni ǝ a hyad, kǝ mbay nna ntan a. ³⁶ Əyyan ǝ bǝ ǝnied ǝtad ǝbay a dam gwo ǝ yed kpǝndaŋ sswad ǝtyo ǝwo kwa ǝ mbwwag +ǝtan kâ ni?" ³⁷ Ətyo cyyed u asɨ nyo,ǝtyo ǝwo ǝ fǝg kunag gu ku ni "yesu ǝsɨ nyo dǝ nad a nyyo ǝnyo." ³⁸ Naŋ ba shyyo bɨ nyyed ku, ǝsɨ ŋwwo bumi a karaŋ uyyiaŋ, ǝ byyug ǝyyaŋ ǝsɨ nshyyo ǝyyi gu mata, ǝsɨ san gu bumi uli guka. ³⁹ Əsɨ byyo nenyyug ǝyyi mariyamu, gu ǝsɨ sswan bǝ tɨtag Yesu ba ǝ tsswoŋ ǝlyyad gu na. ⁴⁰ Martha ǝsɨ ŋwwo kyi lwaraŋ ǝ cad wan kyaŋ ya. ǝsɨ bay bǝ Yesu, ǝsɨ nyo, ǝtyǝ uli, a wod nenyyug nŋu gwo wod naŋ nnyyo ntem na ǝnyin a? Nwad ǝnyo tag gu ǝ b̈̈yyaŋ n. ⁴¹ Əwod ǝtyǝ uli ǝsɨ shim nyo," mata, mata, a ŋaŋ ǝpyo a bǝ nkyaŋ bǝ dɨdɨd." ⁴² .Əwod bɨ kyaŋ nyyuŋ kwo yed usham ka, iko mary ǝkan khay,kwo dǝ ǝ na yew ǝ san bǝngu ni dag."