¹ Utug uyyaŋ naŋ Yesu ǝ shyyo bɨ nay Əgwaza b'ulwo uyyaŋ. Ə ba ntyag ni ǝtyǝ nyyuŋ bə nnwan ntəm guna ǝsɨ nay gu nyo, Ətyə uli, cyed zɨd gag əkwo zɨ nɨ nnay Əgwaza u ni bə naŋ Yahaya ətyi nyyo botisman u ə ncyyed nnwan ntəm guna ni. ² Yesu ǝsɨ nyo bə mba, Kə nyi nɨ nay Əgwaza u nyi nyo, ‘Əcyo zɨd wu, yog konyan ə ŋwwag a shi nwad a yed zɨzǝrag. Yog tyog aku i bay. ³ Kozan utug joŋ zɨd kyaŋ-ya ǝkwo zɨ nɨ ya ni. ⁴ Yurub zɨd +kətug nyyo zɨ na naŋ zɨ ngyurub nsɨna ənied ba ə nyyo zɨ dyo ni. Yog wod zɨd zɨ shod kwa bə kǝtug dag. ⁵ Ə sɨ ya uswon bɨ cyyed ba tuza nay ka nyo, Kǝ əyin bə nyin ǝsɨ nad bə kpǝndaŋ gu səkǝw tutug ətə nyo, ‘Akpǝndaŋ, səkud zə, hwwab m kuŋkwoŋ ətad. ⁶ Kpǝndaŋ nuŋ əyyaŋ ə nyyo bɨ cyyed, kukwo gwo kay ə kway əgbaŋ n, dǝ nuŋ mbyyo kyaŋ əkwo nna joŋ gu ə ya ni dag.’ ⁷ Ə na shim gu dyo anənda ka nyo, ‘A wəy n tswutsswo, n kə nfyyeb unuŋ kənywo ka. Nuŋ mbyyaŋ nnwan na zɨ kə mmyyo, n na ngyǝw n dərəg n joŋ a kyaŋ dag?’ ⁸ Fəg shənsham. Kə kpondaŋ nyi ku yǝw i dərəg bə ŋgu ə joŋ a kyaŋ əkwo a cad ni dag, ncuruŋ bɨ tswod ulwo aku kpolǝw nɨ cyyo ǝ dərəg ə joŋ a səlləy kyaŋ əkwo a cad ni. ⁹ Nsɨ mǝ nnyo bə nyin: nyi nɨ ya uswon bɨ nay Əgwaza u, ə nǝ joŋ nyin. Nyi cad, nyî nɨ shyyo. Nyi tswod unuŋ kənywo ka, ə nǝ nyyib nyi dyo, ¹⁰ Nwad konyan ə nay, ə nǝ ŋwwag gu. Ətyo əwo ə cad kyaŋ ni ǝ nǝ shyyo. Konyan ə tswod unuŋ kənywo ka, ənǝ nyib gu ndyo. ¹¹ Zaŋ əcyo ə bə nyin əna joŋ ŋgwon guka zwag kə u nay əfən bə ŋgu? ¹² Kwo ə joŋ ka nyaŋ kə u lyib gu əcyi nnywan? ¹³ Nyin əba wa yed kətug əniəd ba ni, nyi kǝw nnwan nyin na ətan nkyaŋ. Bə Əcyo Tuza nyin əwo wa yed ətan əyin u ni, ə na nyyo ni ə nyim ənied əba nay gu Zɨzərag Ntswa u ni? ¹⁴ Utug uyyaŋ Yesu ǝsɨ ŋwwo turuŋ kətug ntswa wo cyyo ətyog ǝyyaŋ ə yed mǝmməm ni. Kətug ntswa u əba ŋgurug ni ətyog əwo ǝsɨ ŋwwo lyyad ku. Dɨdɨd ənied əwo shyyo əzə ni ǝsɨ kwog mbwag ə say tunuŋ. ¹⁵ Əyyaŋ ǝnied ǝ ndi ənyo ni ba sɨ nyo, Ai,Baazebul, əgwam utənyiraŋ wu, gwo ǝ joŋ gu ced n gwud b'utənyiraŋ ku bə ndwam ənied na. ¹⁶ Əyyaŋ bwo, naŋ ba ncad ə mag gu ni, ǝsɨ nyo yog gwo nyyo nɨtyog kwo nɨ twǝrag nyo Əgwaza ǝ tǝm gu ni. ¹⁷ Yesu ǝsɨ fɨg dɨdam ba wu səlləy. Kukwo gwo sɨ nyo bə mba, "Əbyin əka ŋhab ni ka na gaŋ pipyyo ku, u nyyo zwaŋ bǝ əyyaŋ, ka kwa əwo". Bə ənyo bwo uli ǝka ǝnied ka bǝ kwan bǝ ǝyyaŋ ba ni, u shod ǝwo. ¹⁸ Nyi nyo Baazebul əgwam utənyiraŋ əwo ǝ joŋ n ced ngwud bû utənyiraŋ gu na. Bə kə bumi tyog guka, ba kwan bǝ əyyaŋ tyog gu ku nɨ nyo ni i ŋgya uswon? ¹⁹ Kǝ ǝnyo ǝ ngwud bu utənyiraŋ na, bə nnwan ntəm nyina, bɨ shin ənyan kwo ba ngwud dyo? Ba byo bǝ əpyyo ba əna twǝrag nyin əbun nyi wu. ²⁰ Gad! bɨ ced Əgwaza kwo n nturuŋ utənyiraŋ na. I twǝrag nyo Əgwaza u ǝsɨ nyyo tyog gu ku bǝ ənyin. ²¹ Kə ga gɨŋgəm əyin ə kub nkyaŋ nzwaŋ guna ǝsɨ swan ə cog uli guka, zwa guji shod. ²² Kǝ ətyo əwo sswag gu bɨ cəd ni əba nɨm gu bɨ zwaŋ, ǝsɨ cyyo gu əbyin, ǝsɨ san n kyaŋ nzwaŋ ǝna gwo hyoŋ ni, sə ǝ kwog zwa guji. ²³ Konyan ə də shyyo dunduŋ bə nuŋ dag, ə yed nəndwan n. Ətyo ǝwo də ə byyaŋ n tuŋ kuni dag, ə saraŋ ə. ²⁴ Kə ə wurug bə kətug ntswa bɨ lwam əyin ǝ nɨ ka jyyam bu ulwo saŋ səhwod ə cad ulwo tsswuŋ. Kə ə shyyo dag sə ə nyo, "N na bwog n nad b'ulwo ǝkyǝ n ŋgurug ni. ²⁵ Sǝ ǝ bwwog ǝ nad ǝtǝ shyyo ənuwu ə di naŋ uli əka ə lyaŋ ə wod zɨzərag də bǝ əyin bumi ka ni. ²⁶ Sə ǝ nkad ǝtǝ cad +taŋkay gu na natad, byo ǝ sswag gu bə kətug ku ni, ba nad ətə ŋwwo ə swan bumi gu ka. Əwod ubuŋ əka ǝtyo wo ǝ sswo ni u sswag ushin gbaŋgbaŋ ka gbaŋ əzǝw. ²⁷ Ə shyyo bɨ lyyad nkyaŋ ənay ni əbyyug ayyaŋ bǝ ukpa ka sɨ kǝrag bɨ ced nyo, Əyaŋ əwo byin a, ǝsɨ ŋway bɨbiyen guba ni ə shyyo ŋwwo. ²⁸ Kukwo Yesu ǝsɨ shim gu dyo nyo, Əniəd əba tsswoŋ əlyyad Əgwaza na ə nnyyo ntəm bə na ni, ba byo shyyo ŋwwo ku ə nsswag ²⁹ Jən əzə ukpa əniəd ǝkyǝ tuŋ ni ə ŋwwo shi ku ni, Yesu ǝsɨ ŋwwo lyyad bə mba ku nyo, Ənied ncey ǝbay kətug ǝnied byo. Ba yoŋ n nyo n nyyo nɨtyog n ntwǝrag naŋ n nyyo bǝ Əgwaza. Ə́ na joŋ ba kyaŋ twarag zan bɨ kyaŋ ǝkwo ku shyyo Jona ni dag. ³⁰ Gag ǝkwo Jona, ǝtyi lyyad ǝŋwwad Əgwaza u əku ŋgyed kyaŋ twǝrag bǝ əniəd Neneba ba ni, ənyə nuŋ Ŋgwon Ətyibishyi nna ŋgyed kyaŋ twǝrag bǝ ǝnied ncey əbay. ³¹ Utug fag əlyyad ka əbyyug əwo əku byyo tyog ǝbyin Sheba ku gbaŋgbaŋ ni əba dərəg əced dunduŋ bǝ əniəd ncey əbay ni, ə lǝb ba əbun, nwad əku dərəg ə nyyo gbaŋ kəyǝw ə bay ə fəg tswutswad cyed Sulemanu ku. Əwod nyin, ətyô wo sswag Sulemanu ni ə shyyo bə nyin əji. ³² Əniəd Neneba ba aba dərəg dunduŋ bǝ nyin utug fag əlyyad ka bâ lǝb nyin əbun, nwad ba ku fəg əlyyad Əgwaza na bu unuŋ Jona ka, ba sɨ bud kwon ə ntiyem bə kətug nyyo ba wu. Əwod nyin, ətyo ǝwo sswag Jona ni ə shyo bǝ ənyin əji, ǝmgbom bǝ ənyo nyi wod kǝtug nyi ku dag. ³³ Əyin ənɨ nwad loŋ bɨ saŋ ə kyag ə nyad kwo ə kyag kay ə nkub dag. Də kunuŋ əkyə sə ə lyǝw ji bɨ bad ku jî say ənied əba ŋwway tu kuni bâ di ulwo ka. ³⁴ Lili aba ǝ di naŋ loŋ saŋ ni bɨ lwam aku. Kə ba cyyaŋ shǝnsham lwam aku mbyyaŋ tsswo aku nɨ byyo say. Kǝ ka maŋ cyyaŋ shǝnsham dag, lyin nɨ kub lwam aku mbyyaŋ tsswo aku. ³⁵ Nwad ǝnyo, təlwam, kǝlag lyin nɨ shyyo bumi aka dǝkunuŋ say. ³⁶ Kǝ lwam aku sǝllǝy say shǝnsham dǝbɨ lyin yin ulwo, swad aku nɨ di zɨzǝrag naŋ loŋ saŋ ǝzǝ say ulwo ni. ³⁷ Mǝtǝ ǝkyǝ Yesu ə ntyag lyyad kuni, ətyə Fərisi əyyaŋ ǝsɨ yyi gu ya kyaŋ-ya əgbaŋ gu. Yesu ǝsɨ tə ŋwwo ə swan əsɨ ya kyaŋ-ya ku. ³⁸ Ətyə Fərisi u ə ndi Yesu ə təbad ya kyaŋ-ya ku dəbɨ hwi tada kwi mbwag kuni, ǝsɨ kyag bwag ə sag tunuŋ ³⁹ Kukwo Ətyə uli ǝsɨ nyo bə ŋgu, Nyin Farisawa ba, mənta dulay ǝkyǝ mbyyaŋ mǝnta nkay ka nyi ni kag, ǝwod umi nyi ka, nyi nhyad tyentyaŋ bǝ əguŋ ufa mbyyaŋ kǝtug bǝ ntsswo nyin na. ⁴⁰ Ə ga bwwon ənied! Əgwaza əwo ə nyyo nta ka ni gwo nyyo umi ka dá? ⁴¹ Nyi nkǝw +kunag na nkyaŋ umi na, ǝwod kwo zan kyaɲ i di nyin zɨzarag. ⁴² Nyin Farisawa ubuŋ u shyyo nyin zəm farisawa. Nyi say zakka swuswam mbyyaŋ kurug mbyyaŋ kozan huhywo n tan niuŋ, ǝwod swad tswutswad mbyyaŋ cad Əgwaza nyi jib. I myim nyi nyyo nkyaŋ ǝnay dǝbɨ ŋway bwuŋ ǝkum ka. ⁴³ Ubuŋ u shyyo nyin Farisawa. Nyi lǝw cad nkyaŋ nswad cəced əniəd bǝ tuntu utuŋ na, nyi sɨ bu lǝw cad ə ba ə byad nyin ə ŋwwad nyin shi bu ulwo lyyay nkyaŋ. ⁴⁴ Ubuŋ u shyyo nyin zəm. Nyi di naŋ bibi ǝkwo dǝ ǝ cyyaŋ kpǝkpay ni. Ənied ba ə shay ku ǝ nswarab dəbɨ lyen. ⁴⁵ Ətyə ǝnyyuŋ bə tɨntən əniəd cyyed lwag Musa ba ə nfəg əlyyad gu na ni, ǝ̀ sɨ nyo bǝ Yesu, Ətyə cyyed, ə mun tog zɨd mbyyaŋ ⁴⁶ Yesu ǝsɨ shim gu dyo nyo, nyin əniəd cyyed lwag Musa ubuŋ u shyyo nyin, cyyed nyi ku, gbɨrdyig nkpyerəg ə nyi ŋgyarab əniəd ba ti ba furaŋ dyo, də nyi ba byyaŋ ba pyyed ku dag kwo bə dədǝy. ⁴⁷ Ubuŋ u shyyo nyin zəm. Nyi nòg bɨbɨ ǝnied +əlyyad ǝŋwwad Əgwaza ku, byo +ə́cyohwob nyin ǝbyo əku hyay ni. ⁴⁸ Nyyo nyin əji twǝrag nyo nyi shim kyaŋ əkwo ba nyyo ni. Ba byo hyay ǝnied əlyyad ǝŋwwad Əgwaza ba ba, nyi byo sɨ nog bɨbɨ baku. ⁴⁹ Kukwo mbyyo Əgwaza bumi tsutswad guku ǝ nhyyo ǝni , Nna tǝm bǝ mba ǝnied +ǝlyyad ǝŋwwad Əgwaza mbyyaŋ ǝgwag ntǝm, ba ba hyay ǝyyaŋ, ǝgyyag ǝyyaŋ bɨ zwod. ⁵⁰ Kukwo mbyyo Əgwaza u ǝna mbyoŋ cey ǝkwi tuza byyo bwag bǝ kuwi ntswa ǝyyi ǝ̂ kwo sǝllǝy ǝnied lyyad ǝŋwwad Əgwaza ǝba ǝ hyay nyyo ǝnnwad dunio ku ni. ⁵¹ N tag nyin cucug ǝlyyad , nyyo bǝ ǝhwu Habila ka ti nad bǝ ǝsshin Zǝkǝriya ka, wo ǝku hyad bɨ ufɨyaŋ sǝndoŋ fi zǝnaŋ ka mbyyaŋ zɨzǝrag ǝgan gbǝndaŋ tu dyeb Əgwaza u ni, ǝnied ncey ǝbay ba byo Əgwaza ǝna nyyeb tuza nkyaŋ ǝkay sǝllǝy. ⁵² Nyin tɨntən əniəd cyyed lwag Musa ba, ubuŋ u shyyo nyin. Nyi fwun lwag əkwo ə nŋwway ə lyen Əgwaza u ni. Nyin əpyo nyin nyi ŋwwo dag, ǝsɨbyo cad ŋwwo ku ni, nyi sɨ fwun ba. ⁵³ Jən əzə Yesu əba ndərəg əzə ni, tɨntən əniəd cyyed lwag Musa ba mbyyaŋ Fərisawa ba, nyyo utug əkyə, ba sɨ ŋwwo təgbaŋ gu bə bibyyo əlyyad. Ba sɨka lyirɨm gu nkyaŋ bə dɨdɨd, ⁵⁴ ə cam ə di kǝ ba na shyyo gu ǝ tǝbad bumi nkyaŋ ǝna gwo lyyad ni .