¹ Bumi əlyyo swag bə ətswon bɨ tyog Tayberiyas Kaysar naŋ Pontus Bilatus ə yed gwamna Yahudiya wu. Hirudus əsɨ byoŋ tyog əfam Galili ka, nənyyug guwu Filibus ǝsi byoŋ əfam Ituriya mbyyaŋ Tarokonitis. Lisaniyas bwo əsɨ byoŋ əfam Abilan ka. ² Də njen gbəndaŋ ənied fi zənaŋ ba naŋ Annas mbyyaŋ kefas ni. Əlyyad Əgwaza na sɨ bay bə Yohana ŋgwon Zəkəriya təm ji bumi əhwod uyid wu. ³ Əsɨ coŋ ə bwwaŋ akraŋ ənio u hyyog cen Urdun ku ə shey əlyyad Əgwaza na, sɨn nyyo botisma bǝ nay yurub kǝtug nyyo ku. ⁴ Naŋ ə ndyurug bumi kwa əlyyad Ishaya ətyə lyyad əŋwwad Əgwaza ni, nyo, "Əŋwwad əyyin əkyo yyì bumi əhwwod uyid ni, 'Jyi lwag Ətyə Uli ku â, nyyeb ndwag guna cug. ⁵ Əna cyyi kozaŋ təŋborəŋ, kozaŋ əgud mbyyaŋ tsog ǝnǝ tɨrɨb. T̀əlyen əna gworoŋ ni ə nyyeb na. Ndwag əna di gbəgbarag ni, ə jyi na ə wod təntwuwaŋ. ⁶ Əwod kəkəb ənied ba əna di san Əgwaza ku.' ⁷ Kukwo Yahaya əsɨ nyo bədɨdɨd ənied əwo ə wwud ə coŋ gwô nyyô ba botisman ji ni, "Nyin usworoŋ +ətsswub! ənnya ə gba nyin nyî tyoŋ lɨyen ǝkwo tǝbay ni? ⁸ Əgbom bə ənnyo, sə nyî wurug bə əswum əkyo ǝnǝ may yurub kətug ni. Nyi yog lyyen əpyo nyin nyo, 'Zɨ byyo Ibrahim wo əyed əcyo zɨd wu ni. Kukwo ntag nyin naŋ Əgwaza ə yəw təkyem nnwan Ibrahim uyyaŋ nyyo bə nfaŋ ənay ni. ⁹ Kwo nini əwa kə nsag uhwon ka bə ətyin ukwon ka tswoŋ ə tyab. Kozaŋ ukwon əkyo də ka ŋwwag əsum ni dag, əna tyab ka ə tá bumi ndoŋ." ¹⁰ Kukwo əkpa ənied u əsɨ lyɨrɨm gu nyo, "Bə yag ə bəd myim zɨ nyyo?" ¹¹ Əsɨ shim ba ndyo nyo, "ətyə əwo byyo +ətərog əfyyaŋ ni, gwô naŋ ətyə əwo saŋ ni ənyyuŋ. Ətyə əwo byyo kyaŋ ya ni bwo ə mun ə nyyo ənnyo." ¹² Ənied say kurum əbyin əyyaŋ sɨ ma bay ə nyyo ba botisma ji. Kukwo basɨ lyib gu nyo, "əti cyyed, yag ə yed zɨd tɨlɨd zɨ nyyo bwo?" ¹³ Əsɨ nyo bə mba, "Nyi yog say, kurum ǝ byin ku ku sswag gag ǝkwo ǝ nnyo nyi say ni dag." ¹⁴ Əghwod əkwob əyaŋ bwo sɨ lyib gu, "Zɨd bwo, yag ə yed zɨd tɨlɨd zɨ nyyo? Əsɨ nyo bə mba, "Nyi yog təwob kurum mbwag əyyin dag. Nyi yog fyyed əlyyem sag əyyin dag. Nyi sswa bɨ kyaŋ əkwo ə taraŋ nyin ni." ¹⁵ Naŋ ənied əku byoŋ tsswo dɨ tɨbay Kristi ku, Konyan ə sɨkɨ dam bə ntsswo bana tuza Yahaya, kə ngwo əyed Kristi wu. ¹⁶ Yahaya sɨ shim ba ndyo kəkəb nyo, "Naŋ nuŋ ni, nnyyo nyin botisma ji bə səhwod. Əwod əyin ətəbay wo ə sswag n bə zan əzəw ni. N tay ngyed əhwo gu dɨ byyug kukwaytag gu ba dag. Ngwo əna nyyo nyin botisma ji bə Zɨzǝrag Ntswa mbyyaŋ loŋ. ¹⁷ Utswoŋ +gəswoŋ guka kyo ə nkay nkyaŋ ni shyyo bə mbwag guku ə njəw yag ku ə ga tuŋ alkama wu ə cyyo bə əgban guwu. Əwod əna fi fɨnfərog u bə ndoŋ əkwo əyin ə may nyib ni dag." ¹⁸ Dunduŋ bədɨdɨd kɨ shey, Yohana əsɨ shey +usham əlyyad ka bə ənied ba. ¹⁹ Yohanna ǝku hwwad ǝgwam Hirudus tsutswo nwad bwwo ǝbyyug nǝnyyug gu ka Hirodiya, bǝ kǝkǝb ki nyyo Hirudus ku. ²⁰ Hirudus əsɨ mbyyaŋ sɨkwî ni bə əkum ka, əsɨka ntəbad Yohana ə lab bɨ hwo. ²¹ Nini naŋ ku mbay də njen ji ni, məta ǝkyǝ ǝ nyyo ənied ba botisma ji, Yesu bwo əsɨ mun ə nyyo gu ndyo. Naŋ gwo n shyyo bɨ nay ku,ni +tuza na usɨ nyɨrib. ²² Kukwo Zɨzǝrag Ntswa u əsɨ cyyog bumi lwam ə nswan də ngu bǝ naŋ əbəw ni. Əŋwwad sɨ cyyog ə nyyo tuza, nyo, "Nfəg nyinyaŋ a bǝd." ²³ Yesu əku tswoŋ sənaŋ gwo ntad ndyyo nswaŋ ntad əsɨ̂ də wurug nyyo ntəm əkwo gwo bay nyyo ku ni. Ənied ba sɨ kɨ dam nyo ə yed ŋgwon Isû wo ku yed əfay Heli ni. ²⁴ Heli əsɨ yed əfay Matad, Matad əsɨ yed əfay Lawi, Lawi əsɨ yed əfay Malki, Malki əsɨ yed əfay Jenay, Jenay əsɨ yed əfay Isû. ²⁵ Isû əsɨ yed əfay Matatiya, Matatiya əsɨ yed əfay Emos, Emos əsɨ yed əfay Nahum. Nahum əsɨ yed əfay Ezɨli. Ezɨli əsɨ yed əfay Nagay. ²⁶ Nagay əsɨ yed əfay Matatiya. Matatiya əsɨ yed əfay Sɨmen. Sɨmen əsɨ yed əfay Joseg. Joseg əsɨ yed əfay Joda. ²⁷ Joda əsɨ yed əfay Jowanan. Jowanan əsɨ yed əfay Resa. Resa əsɨ yed əfay Zerubabel. Zerubabel əsɨ yed əfay Sheltiya. Sheltiya əsɨ yed əfay Neri. Neri əsɨ yed əfay Melki. ²⁸ Melki əsɨ yed əfay Addi. Addi əsɨ yed əfay Kosam. Kosam əsɨ yed əfay Elmadam. Elmadam əsɨ yed əfay Er. ²⁹ Er əsɨ yed əfay Joshua. Joshua ǝsɨ yed lfay Eliyeza. Eliyeza. Eliyaza əsɨ yed əfay Jorim. Jorim əsɨ yed əfay Matad Matad əsɨ yed əfay Lawi. ³⁰ Lawi əsɨ yed əfay Sɨminu. Sɨminu əsɨ yed əfay Yahuda. Yahuda əsɨ yed əfay Isû. Isû əsɨ yed əfay Jonam. Jonam əsɨ yed əfay Eliyakim. ³¹ Eliyakim əsɨ yed əfay Meliya. Meliya əsɨ yed əfay Menna. Menna əsɨ yed əfay Matata. Matata əsɨ yed əfay Naton. Naton əsɨ ye əfay Dauda. ³² Dauda əsɨ yed əfay Yese. Yese əsɨ yed əfay Obida. Obida əsɨ yed əfay Boaz. Boaz əsɨ yed əfay Salmon. Salmon əsɨ yed əfay Nashon. ³³ Nashon əsɨ yed əfay Aminadab. Aminadab əsɨ yed əfay Adɨmin. Adimin əsɨ yed əfay Arni. Arni əsɨ yed əfay Heziron. Heziron əsɨ yed əfay Peres. Peres sɨ yed əfay Yahuda. ³⁴ Yahuda əsɨ yed əfay Yakub. Yakub əsɨ yed əfay Ishaku. Ishaku əsɨ yed əfay Ibrahim. Ibrahim əsɨ yed əfay Tera. Tera əsɨ yed əfay Naho. ³⁵ Naho əsɨ yed əfay Serug. Serug əsɨ yed əfay Reyu. Reyu əsɨ yed əfay Peleg. Peleg əsɨ yed əfay Eba. Eba əsɨ yed əfay Shela. ³⁶ Shela əsɨ yed əfay Kaanan. Kaanan əsɨ yed əfay Alfazag. Alfazag əsɨ yed əfay Shem. Shem əsɨ yed əfay Nuhu. Nuhu əsɨ yed əfay Lameg. ³⁷ Lameg əsɨ yed əfay Metusela. Metusela əsɨ yed əfay Enog. Enog əsɨ yed əfay Jared. Jared əsɨ yed əfay Mahalalel. Mahalalel əsɨ yed əfay Kenan. ³⁸ Kenan əsɨ yed əfay Enosh. Enosh əsɨ yed əfay Set. Set əsɨ yed əfay Adamu. Adamu əsɨ yed ŋgwon Əgwaza.