¹ Nini bumi nwam ənio, ku sɨ yed tɨlɨd kwo Kaysar Əgustus, əsɨ cyyo yyi ə twaŋ kəkəb ənied əba shyyo bə Swanta kwo gwo nnyyo tyog kuni. ² Twaŋ ənied ǝkwo kukwo ku yed utsa ka də njen əzo Kiriniyus əku mbyoŋ tyog əbyin Siriya ku ni. ³ Kukwo kwonyan əsɨ bwwog ə nkad u ukəraŋ nbyin guka ətə lyurug gu. ⁴ Isû bwo ku wurug nyo Nazarad bumi Galili ənad Yahudiya bumi ukaraŋ Dauda kyo ə ngyi Baytəlami ni dənian əka gwo nshyyo tusa uli bə mbyin Dauda kuni. ⁵ Əku nad əzǝ dunduŋ bə Meri wo gwo kə ndab əna ka ni dənian ə lyurug ba. Də njen əzo naŋ Meri ə shyyo bɨ shyyo. ⁶ Jen cyyo səllǝy meri ji nbay ni naŋ bani shyo əzǒ ⁷ Əsɨ byin ŋgwon nɨnab guka əsam. Ə́sɨ gad ka bɨ junjun cyaŋ +əterog. Əsɨ myay ka bə kukwon nkəw nkyaŋ zwa uli nkyaŋ ya. Nwad baku shyo ulwo hwad necen ka dag. ⁸ Əku mbyyo ənied cog dǝfam ǝkyo byo swan bumi +uyid ka cog zwa baji tutug əkyo ni. ⁹ Ətəm ntswa əyyaŋ wo nyo bə Ətyə Uli ni, cyog əba yoŋ bə mba. Kyenkyay shi Ətyə Uli wu, əsɨ say ə karag ə bwwag ba. Uwun usɨ tǝbad ba. ¹⁰ Kukwo ətəm tswa wu sɨ nyo məmba, "Nyi yog fǝg uwun dag,nwad mbay bə nyin usham əlyyad kyo əna bay bə gbəndaŋ əsay ntsswo tuza kəkəb ənied bə. ¹¹ Utswun əkay ə byin nyin ətɨsan bə ukaraŋ Dauda! Ngwo ə yed Kristi Ətyə Uli! ¹² Di gag əkwo nyi ba tɨ nfɨg gu ni. Nyi nyyed tɨ shyyo Ŋgwon umwwan naŋ ə gad ka bə cyaŋ +ətərog əsɨ myay bumi kukwon nkəw nkyaŋ nzwa uli kyaŋ ya." ¹³ Bə də njen ji, +ətəm ntswa əyyaŋ bə dɨdɨd əsɨka ntad ə wurug ə yoŋ dunduŋ bə ətəm ntswa ənyyuŋ wu. Basɨ təbad taŋ Əgawza u dɨdyeb nyo. ¹⁴ "Kenkyay shi yed shin Əgwaza wo shyo bumi akətən tuza kani. Yog ə shyyo nda bumi ənied ka bə dunio ku byo gwo tswoŋ nyinyaŋ ba bəd ni." ¹⁵ Məta əka +ətəm ntswa ba əba ngwod ba n bwwog ə nkad tuza kani, ənied cog ba sɨ lyyad bə əyyaŋ bo nyo. "Nini yog zɨ dərog nad Baytəlami wu zɨ di bə əyi zɨ ba tuza kyaŋ əkwo zɨ fəg kwo Ətyə Uli, ə twərag zɨ ni." ¹⁶ Basɨ cyo kwag ənad ətə shyyo Meri bə Isû, basɨ di ŋgwon ka ə myay bə kukwon ku. ¹⁷ Məta əka ba ndi gu ni, basɨ bwoy kyaŋ əkwo ə tag ba tuza Ŋgwon ka ni. ¹⁸ Kəkəb ənied əba əku fəg nkhaŋ ənied cog ənay ni, konyan bə mba əsɨ cyyo kwod. Yag ə maŋ di di əkwǐ ni? ¹⁹ Əwod Meri bwo əsɨ niad nkyaŋ ənay ni bə ntswwo guku. ²⁰ Ənied cog ba sɨ bwwog nkad ə ya uswon bɨ cɨn ə dyeb Əgwaza u tuza kəkəb nkyaŋ ənio ba fəg ba sɨ di bə əpyo bani. ²¹ Jen əzǝ nwam unaymbwag ku nkarag ə bay ni, zǝ ǝnǝ cyyo gu con ji ni, ə́sɨ cyyo gu əyorog ka Yesu. Əyorog əkay ni ka kyo naŋ ətəm wu əku tsa tag Meri əsɨ də kub gu bɨ shyyo ku. ²² Jen əzǝ nnwam tyag kwi nəndyuŋ bawu bənaŋ doka Musa ji nhyyo ni, Isû mbyyaŋ Meri sɨ kyag ŋgwon ka ənad ndyo ba uli Dyeb Əgwaza ka Urushalima bâ ga nyyeb gu bə Ətyə Uli. ²³ Bənaŋ əku ndyurug bə doka Ətyə Uli ji ni, "Kozaŋ Ŋgwon əsam əkyo tsa nyyib ulwo mbin kani, əna khab gu gwo ə yed əshin Əgwaza ə." ²⁴ Kukwo basɨ ŋwwag fi zənaŋ ba "əbow uli əffyaŋ kwo abəw uyid ufyaŋ," bənaŋ kyaŋ əkwo doka Ətyə Uli ji ku hyyo ni. ²⁵ Bəd, əku byyo ətyog əyyaŋ Urushalima wo əku ngyi Simiyon ni. Ətyog əwi ni ku yed ətyə saŋ əbun bɨ tswoŋ uwun Əgwaza bəd. Əsɨ swan ə tswoŋ bay Ətisan Israila wu ni. Əwod zɨzərag Ntswa u sɨ shyyo dunduŋ bə ngu. ²⁶ Əsɨ mɨn əkə ntwərag gu mbwag zɨzǝrag Ntswa naŋ gwo na ndi əhwu dag sənaŋ gwo ba di Ətyə Uli Kristi u. ²⁷ Zizǝrag Ntswa u sɨ kwag Saminu əbay ndyo bumi Uli Dyeb Əgwaza ka. Naŋ ənied mbyin Yesu ba əku bay bə ngu bâ nyyo gu nkyaŋ əna doka ji twərag ni. ²⁸ Saminu sɨ kyag gu ə byoŋ bə +mbwwag guna əsɨ dyeb Əgwaza u əsɨ nyo ²⁹ Nini yog ŋgwon ntəm ka wu nkad bumi kay nda Ətyə Uli bənaŋ əlyyad ana ni. ³⁰ Naŋ əyyi mba əkə ndi san ku ni. ³¹ Kwo a jyi sag duyi kəkəb ənied ka ni. ³² Say əkwo ə twərag ənied əkag ba bə kyenkyay shi ənied a ba Israila." ³³ Əcyo ŋgwon u bə əyaŋ wu sɨ cyyo kwod nwad tuza nkyaŋ ənio əkə ndyad tuza gu ka ni. ³⁴ Saminu əsɨ nkworog ba mmyaŋ na asɨ nyo bə Meri əyaŋ guwu, "Zəm, əka nkhay ŋgwon əkay ni dɨ yed shwwod kwoy bɨ təkyem ənied bə dɨdɨd bumi Israila mbyyaŋ twərag kyaŋ əkwo əna lag san ni- ³⁵ Əwod tswad jɨ nə sǝrag tswa a ji, əga bwwag dɨdam ənied bə dɨdɨd cyyo bɨ əkpay u." ³⁶ Əbyyug əyyaŋ wo ə ngyi Anna ə mun ə yed ətɨ əlyyad əŋwwad Əgwaza ni əku shyo əzǒ, əku yed ənab Fənuwel kyo bə nkway Asha ji, huhwob əyyin. Əku nyyo bə əlyyo natad kyo bɨ swan nyiraŋ bə ətyog guwu ətyog wu əsɨ sɨyen. ³⁷ Əsɨ swan swad kponyyug ndyyo nswag unaymbwag bə ənay. Səm, əsɨ wod uli Dyeb Əgwaza ka dag dɨ nyyo gu ntəm dunduŋ bə swan ufa uhwwod bə ki nay Əgwaza u tutug bə tənwam. ³⁸ Bə də njen ǝzǝ, ǝsɨ bay kpǝkpog bǝ mba ǝsɨ ŋwwo əgway bə Əgwaza. Əsɨ bə lyyad tuza ngwon ka tuza konyan əwo əku swan ə tswoŋ ntəm san Urushalima ka ni. ³⁹ Jen əzo ba ku ntyǝg nyyo kozaŋ nkyaŋ ənio doka Ətyo Uli ji twərag bâ nyyo ni, basɨ bwwog nkad Galili tɨ nad bə ukaraŋ baka Nazarad. ⁴⁰ Ŋgwan ka sɨ lay bɨ byyo ced bəd, mbyaŋ lay bə tsutswad bəd. Shog Əgwaza ji sɨ shyyo dunduŋ bə nka. ⁴¹ Kozan əlyyo ənied mbyin Yesu ba ənɨ nad swoŋ tǝkǝram ji Urushalima. ⁴² Jen əzo gwo nday ənad əlyyo swag bə əfyyaŋ ni, basɨ ba kyag gu ənad ndyo bə nswoŋ ji Urushalima. ⁴³ Məta əka ba ntyag nnwam nani, basɨ kɨ mbwwod ənyyed buli. Əwod Yesu sika ngyoŋ lilyim Urushalima naŋ ənied mbyin guba ə lyen dag. ⁴⁴ Baku dam nyo ə shyyo dunduŋ bə əkum ənied cyyed baka, kukwo basɨ nyyo cyyed nwam nyyuŋ kwo. Basɨ jyuŋ ə ŋwwan gu bumi ənied mbyin mbyyaŋ kpəndaŋ guba. ⁴⁵ Naŋ ba ndi guni dag, basɨ bwwog ənad Urishalima basɨ ŋwwo ŋwwan gu əzǒ. ⁴⁶ Sə məta nnwam ntad kyo basɨ nshyyo gu bumi Uli Dyeb Əgwaza ka. Naŋ gwo swan bə kəwcyo ənied cyyed ba, ə tswoŋ ba əkɨ lyɨrɨm ba nkyaŋ bə dɨdɨd. ⁴⁷ Kəkəb ənied əba əku fəg guni basɨ cyyo bə kwod tuza təŋkay fɨg guku bə ŋwwad shim bə nkyaŋ ənio ba lyɨrɨm guni. ⁴⁸ Jen əzo ba ndi guni, basɨ cyyo kəd ənied əbay! Əyyaŋ guwu əsɨ nyo bə ngu, "Ŋgwan, yag ə mbyyo a nnyyo zɨd ndyo ənnyo bəd? Gəg, əcyo a wu mbyyaŋ N zɨ lwan də kɨ cad a ku." ⁴⁹ Yesu əsɨ nyo bə mba, "Yag ə mbyyo nyi ndwan dɨ ki cad n ku? kə də nyi lyen naŋ tɨlɨd kwo nshyyo bumi uli Əcyo nka?" ⁵⁰ Əwod basɨ ya nfɨŋ kyaŋ əkwo gwo fa bə swaŋ əlyyad əji ni dag. ⁵¹ Kukwo gwo sɨ hwi ba ə bwwog ənad buli baka Nazarad bɨ hwi nyyǒ nkyaŋ ǝnio ba cyyo gû nyyo ni. Əyyaŋ guwu əsɨ niad kəkəb nkyaŋ ənay ni bə ntsswo. ⁵² Əwod Yesu sɨ ya uswon bɨ lay ku bumi tsutswad bə mban ced lwam. Əsɨ bə mban bumi shog dunduŋ bə Əgwaza mbyyaŋ ənied ba.