¹ Jen ya kunkwoŋ saŋ furag ji n shen bay kpokpog, zə ə ngyi swoŋ təkaram ji ni. ² Ceced ənied fi zənaŋ ba mbyyaŋ ənied lyurug ba əsɨka dam bə əpyo ba lwag əkwo bana kay ə́ mbwwug bə Yesu ni, ba ba tsswoŋ uwun ənied na. ³ Ikwo utənyiraŋ ka usɨ kurug u ŋwwo bə Yahuza Iskarioti wo əbɨ mun ə shyyo bə swag bə əfyyaŋ bani. ⁴ Əsɨ nad ə́tə shyyo ənied fi zənaŋ ba mbyyaŋ +əkwog uswon ba əsɨ lyyad dunduŋ bə mba gag əkwo ba nə nnyyo gwô ə̀ ncyyo ba Yesu mbwwag ni. ⁵ Basɨ fəg nyinyaŋ bəd, basɨ shim ə jen gu kurum. ⁶ Əsɨ shim əwod əsɨ cad lwag əkwo gwo nə ncyyo ba Yesu mbwag ə́ ntyoŋ ənied bani. ⁷ Nwam ya kunkwoŋ saŋ furag ku sɨ kərag bay, kwo i yed tɨlɨd ə́ nfyyed ətsswug uni. ⁸ Yesu əsɨ təm Bitrus mbyyaŋ Yahaya nyo, ncad nyi tɨ jyi ulwo əkyo zɨ nɨ ngya kyaŋ ya nswoŋ təkaram kuni. ⁹ Basɨ lyib gu, əji ə a cad zɨ njyi? ¹⁰ Əsɨ nyo bə mba , fəg, kə nyi ŋwwo ukəraŋ ka, nyi nɨ shyyo ətyog əyyaŋ ə kped səhwod bə ələn. Nyi hwi gu tɨ ŋwwo buli əkyo gwo nǝ nŋwwo ni. ¹¹ Əwod nyi nyyo bə ətyə uli wu, ətyi cyyed u ə̀ nyo, "tu niocen ku shyyo əji, kwo nnə ngya kyaŋ ya nswoŋ təkaram ku mbyyaŋ nnwan ntəm nna ni". ¹² Ə̀̀ nə twarag nyin gbəndaŋ tu buli tuza, nyî jyi əzə. ¹³ Nnwan ntəm na usɨ tɨ shyyo kwo zaŋ kyaŋ naŋ gwo ntag bani, əwod basɨ jyi kyaŋ ya nswoŋ təkaram ku ǝzǝ. ¹⁴ Jən ji nnyyo ni, ə̀sɨ swan bə nnwan ntəm guna. ¹⁵ Ikwo gwo sɨ nyo bə məmba, "N ŋan bə ŋŋan n ya kyaŋ ya əkwi dunduŋ bə nyin ndə nsswo zwod ku. ¹⁶ N nyo bə nyin, n monə ngya ku dag, sənaŋ əba tə shuru ku bɨ tyog Əgwaza ku. ¹⁷ Ikwo Yesu əsɨ kyag kay əsɨ gway bə Əgwaza u nyo, "Nyi nga nyî kəw əyyaŋ. ¹⁸ N nyo bǝ nyin, n monə nsswo əŋway ukwon ǝnay dag, sə naŋ tyog Əgwaza ku bay." ¹⁹ Əwod əsɨ kyag kunkwoŋ wu, məta əkyo gwo ngway bə Əgwaza u ni, əsɨ cwarag gu, əwod əsɨ joŋ ba nyo, "Nyi nga, lwam nuŋ əkwo kwi kwo ənə ŋwwag dənian nyi ka ni. Nyi nɨ nnyyo ǝni nyî njyuŋ n." ²⁰ Əsɨ kyag kay ji bə dɨgag ku məta kyaŋ ya dushwuŋ ka nyo, kay əji izə yed ləb sag fay ku bə əswog nna, nio ə́ kworog dənian nyika ni. ²¹ Nyi kworog tsutsswo nyi fag, ǝtyo ǝwa ǝnǝ bwwug bə nuŋ ni ə shyyo dunduŋ bə nuŋ ə ya kyaŋ ya ku. ²² Ŋgwon ətyibiɨshi ka tɨlɨd kwo u nad naŋ ə nsag ku i ndi ni. Ubuŋ unɨ tug ətyo əwo, wo əna ŋwwag guni. ²³ Ikwo basɨ ŋwwo lyɨrɨm əyyaŋ nyo də ənyan ə bumi baka əna nyyo kyaŋ əkwi. ²⁴ Əwod kənan əsɨ dərǝg bumii baka də ənyan ə̀ ə́ nswag bɨ shi ku. ²⁵ Ə̀̀sɨ nyo bə mba, "+əgwam ənio kag əbyo ə yed ceced ba ba, əwod ənied əbyo ə́ byyo tyog ku tuza baka ni ba byo ə́ kwog naŋ ənied ǝbyo ə́ nyyo ənied ba ba ətan nyyo ni. ²⁶ Yog ku i yog di ənyo bumi nyika dag, də kunuŋ əkyo,yog ətyo əwo ə̀ yed gbandaŋ wu bumi nyika ni ə̀ cyyo naŋ a dɨday kani əwod, yog ətyo əwo ənsswag bɨ shi kuni ə bwwag ə cyyo ətyo əwo ənə nyyo hwo kuni. ²⁷ Ənyan ǝ̀ ̧ǝ nsswag, ətyo əwo swan bɨ tebud wu ni ngwo dâ? Əmbgom bə ənyo n di naŋ əhwo ni bumi nyika. ²⁸ Əwod nyi byo shyyo dunduŋ bə nuŋ bə nzwod nna. ²⁹ N jen nyin tyog, naŋ gag əkwo əcyo ngu ə njen n tyog ni, ³⁰ Nyi yəw nyi ya dunduŋ bə nuŋ bɨ tyog nku, əwod nyî sswad bə ntyog fag əlyyad na tuza nkway swag bɨ shwwaŋ Isrela ji. ³¹ Siman , Siman təlwam, utənyiraŋ ka u cad jen ə jen ka u shaŋ a naŋ yag ni. ³² N kə nnay denian a, ŋwwag cucug aku iyog shwod dag. Məta əkyo a bu mbwwog bay ni, a ba cyyo +nənyyug aba gbagbag. ³³ Bitrus əsɨ nyo bə ngu, Ətyə Uli , n kyag nnə hwi a ntə nad kwo bɨ hwo kwo əhwu. ³⁴ Yesu əsɨ nyo bǝ ngu, n tag a Bitrus, a nɨ tsswo lyen n ku bwwo utad əgbag u ə də tyab. ³⁵ Əwod Yesu əsɨ nyo bə mba, naŋ n mɨ ntəm nyin də bə əmpwod kurum, əmpwod kyaŋ ya kwo kukwa tɨtag ni, nyi bɨ cad kyaŋ yway a? Basɨ nyo gad. ³⁶ Əwod əsɨ nyo bə mba, nini, ətyo əwo ə byyo əmpwod ni gwo kyag mbyyaŋ əmpwod kyaŋ ya. Ətyo əwo də ə byyo tswad ni ə lyab godo guwu ə̀ nsan. ³⁷ N nyo bə nyin, tɨlɨd ə́ ŋan kyaŋ əkwo ə́ lyurug tuza nka ni, "Ə ́bɨ kyag gu gwô sswag bɨ lag tsswoŋ ku." Kyaŋ əkwo ə ́bɨ lyyad tuza nka ikwo ə́ n ŋan. ³⁸ Ikwo basɨ nyo, "di! +tswad shwwaŋ shyyo əji." Əsɨ nyo bə mba, "ji may." ³⁹ Məta kyaŋ ya dushwuŋ ji, Yesu əsɨ nad, naŋ gwo nɨ nnyyo ni, bə əfan Zaitun ka, nnwan ntəm na usɨ nhwi gu. ⁴⁰ Ba tə nŋwwo ni, əsɨ nyo bə mba, nyi nay kəlag nyiba ŋwwo bɨ mag. ⁴¹ Ə ̀sɨ wod ba ə̀ cyyo duswon dǝdǝy, əsɨ kparag huhwwud əbyin əsɨ nay, ⁴² Nyo ənî "Əcyo, kə a shim, tɨn kay əji a wod n. Əmgbom bə ənyo, cad nuŋ kwo dag sə shin a kwo ə́ nyyo. ⁴³ Əwod ətəm ntswa əsɨ nyyo tuza ə̀ bay bə ngu, ə́ tyi gu gbugbag. ⁴⁴ Naŋ gwo nshyyo bɨ zwod ni əsɨ nay bɨ ced bəd had ulwu hyyo guka usɨ cyyo naŋ kukwaŋ əswog ni u shwwod kwoy əbyin ka. ⁴⁵ Naŋ gwo ndərǝg əbyin ka bɨ nay kuni, əsɨ bay bə nnwan ntəm guna, əsɨ ba shyyo ba bə nda nwad əlyo ya. ⁴⁶ Ikwo gwo sɨ lyib ba, "Yag ə mbyyo nyî shyyo bə nda na? Nyi dərǝg nyî nay kəlag nyiba ŋwwo bɨ mag. ⁴⁷ Naŋ gwo nishyyo bə əlyyad na, ə́sɨ di əkpa ənied gwo təbay naŋ Yahuza əwo ə̀ yed ənyyuŋ bumi nnwan ntəm swag bu ufyyaŋ guna ni ngwo ə kwog uswon ka. Ə̀sɨ bay kpokpiyen bə Yesu ə̀ cad lwwug gu, ⁴⁸ Ikwo Yesu ə̀ nyo bə ngu, "Yahuza, a bwwud bə ŋgwon ətyibɨshi ka bɨ lwwug a? ⁴⁹ Ənied əbyo ə́ yoŋ ə́ karaŋ Yesu ni ə́ ndi ni basɨ nyo, "Ətyə Uli, zɨ tyam ba bɨ tswad a?" ⁵⁰ Ikwo ətyə ənyyuŋ bumi baka ǝsɨ hwwad tswad ji ə̀ ntɨn əhwo gbandaŋ ətyi fi zənaŋ wu tsutsswo mbwag yag ku. ⁵¹ Yesu əsɨ nyo, "I may ənyo. Əsɨ byǝrəm tsutsswo ku əsɨ corog gu. ⁵² Yesu ə̀sɨ nyo, bə ənied fi zənaŋ ba, bə +əkwog uswon gbəndaŋ tu dyed u mbyyaŋ +nəndwan guba. "Nyi wurug jyuŋ n naŋ nyi nyyed təbad ǝtaŋ ǝced ni bə nkporoŋ mbyyaŋ +tswad a? ⁵³ Nshyyo bə nyin kwo zaŋ jen bə gbǝndaŋ tu dyǝb wu, nyi sɨ təbad n dag. Jen nyin əzə, mbyyaŋ tyog ndyin ku. ⁵⁴ Basɨ təbad gu, basɨ tənkad bə ngu buli gbəndaŋ ətyi fi zənaŋ ka. Naŋ Bitrus ə nhwi gu gbaŋ əzəw. ⁵⁵ Məta əkyo ba nkay loŋ ku tusa ka basɨ bwwog ə swan ǝ wǝy ni, Bitrus əsɨ mun əswan bə kwo cyo bawu. ⁵⁶ Ikwo guniyem uyyaŋ əkyo uyed əhwo buli kani u di gu, usɨ təb əyyi ba bəngu usɨ nyo, ətyo əwi ə mun ə shyyo dunduŋ bə ngu. ⁵⁷ Bitrus əsɨ tsswo nyo, "əbyyuŋ, n dyen gu dag. ⁵⁸ A jen bə cuncwwad əyyaŋ ǝnied əsɨ bwo di gu, əsɨ nyo, " A mun yed ənyyuŋ bə mba." Bitrus əsɨ nyo, "ətyog nuŋ ə dag." ⁵⁹ Məta ntswam jyuŋ, ətyog əyyaŋ əsɨ bwo di gu əsɨ nyo, "cucug ə ətyo ǝwi əbɨ shyyo bə ngu, nwad ə mun ə yed ətyə Galili." ⁶⁰ Bitrus əsɨ nyo, "ətyog , n dyen kyaŋ əkwo a lyyad ni dag." Bə əzə, naŋ gwo ni shyyo bə əlyyad na, əgbag u əsɨka ntyab. ⁶¹ Ətyə Uli əsɨ bwwag əsɨ cyyaŋ Bitrus, əwod Bitrus əsɨ tə jyuŋ əlyyad ətyə uli na, naŋ gwo bɨ nnyo bə ngu, "A ni tsswon n bwwo utad utswun əgbag u ə də tyab" ⁶² Bitrus əsɨ wurug ənad tusa ə́sɨ tə gbiyem. ⁶³ Əwod ənied əbyo ə́ cog Yesu ni əsɨ may gu əwod basɨ tswod gu. ⁶⁴ Basɨ kub gu uyyi ka əwod ba sɨ ŋwwo lyɨrɨm gu nyo, "Lyyad Əŋwwad Əgwaza ka! Əyan ə lwi a? ⁶⁵ Basɨ lyyad nkyaŋ bə dɨdɨd tuza guka ə́ ntwwoy gu. ⁶⁶ Utswon ka u ntad ni, +əkwog uswon basɨ tuŋ ənied fi zənaŋ ba mbyyaŋ ənied lyurug ba. Basɨ coŋ bə ngu ə nad dyo, bə ngarag ji, ⁶⁷ əwod basɨ nyo bə ngu, " Kə ŋwan ə yed Kristi wu tag zɨd" əwod əsɨ nyo bə mba, kə ntag nyin, nyi nɨshim dag, ⁶⁸ əwod kə n dyib nyin nyi nɨ kərag dag. ⁶⁹ Nyyo nini ŋgwon ətyibɨshi unɨ swan bə mbwag yag bɨ tyog Əgwaza ku. ⁷⁰ Səllay ba basɨ nyo, "Ikwo twarag ŋwan ə yed ŋgwon Əgwaza ka?" Yesu əsɨ nyo bə mba, "Nyi byo nyo nuŋ ə ngyed." ⁷¹ Basɨ nyo, "Yag ə zɨ bu cad ənied əlyyad əyyaŋ? Zɨ kǝ nfəg bu unuŋ guka."