¹ Yesu təkyəm əyyi ba əsɨ ndi naŋ ənied nzwa ba ǝ nwaŋ zənaŋ ji bə əlon ka ni. ² Kukwo gwo di kpəyyug əyyaŋ ətyog wo də ə̀ byyo kyaŋ ni gwo hwwod +sɨsɨn kobo nfyyaŋ bumi ka. ³ Kukwo gwo nyo, "cucug n tag nyin, kwonyyug əwo də ə́ byyo kyaŋ bǝ nkyaŋ ənay ə́ nwad ə́ sswag ba səlləy. ⁴ Kəkəb ənied əbay ba nwaŋ bumi shyyo baka. Əwod kwonyyug ə̀ wi bumi kunag gu əkyo, ǝ nwad səlləy kyaŋ əkwo gwo bwad bə swanta guku ni ikwo gwo nwad. ⁵ Naŋ əyyaŋ ənied ə́ ndyyad uli dyeb kani, gag əkwo ə́ ngway ka bə mɨmyad nfaŋ ka yed usham mbyyaŋ zanaŋ nani, əsɨ nyo, ⁶ Naŋ nkyaŋ ənio nyi cyyaŋ cyyaŋ ǝkwi, nnwam na tɨba bay nio də ə̀ba ngwon əfaŋ ǝnyyuŋ tuza əyyaŋ ni, kâ də ənə ŋway yurug ənwad əbyin ni. ⁷ Ikwo basɨ lyib gu nyo, ətyi cyyed, zaŋ jen zə ə̀ nə nnyyo nkyaŋ ənay? Yag ə tɨba twarag naŋ jen ji nnyyo, ə́ shim nyyo na ku? ⁸ Yesu ə̀sɨ shim nyo, nyi təlwam kəlag ə́ba lyen nyin. Nwad ǝnied bə dɨdɨd ənə bay bə əlyorog nka nyo, nuŋ ngyed gu, əwod, jen ji bay kpog. Nyi yog hwi ba dag. ⁹ Kə nyi ba ŋwwo tsswoŋ nkhaŋ nzwaŋ mbyyaŋ +jyo. Nyi yog fəg uwun dag, tɨlɨd kwo nkyaŋ ənay i kyag uswon, nŋian wu əyɨ dǝ bay. ¹⁰ Əwod əsɨ nyo, ukəraŋ unɨ dərǝg ukəraŋ, tyog tuza tyog. ¹¹ Əna shyyo tyirɨm əbyin mbyyaŋ +zwoŋ bɨ +zwoŋ bu ulwo na. Nkyaŋ ŋwwad uwun nɨ nshyyo bə dɨdɨd nkyaŋ njyyaŋ nyyo tuza. ¹² Nkyaŋ ǝnay ba mbay ni, naŋ ə́ kə nsag nyin mbwwag, ə́ təbyyed nyin ə́ ŋwwag bu +ulwo utuŋ, ə faŋ nyin bə +nhwo, ə́ coŋ bə nyin bǝ +əgwam mbyyaŋ ənio tyog dənian əlyorog nka. ¹³ Inɨ cyyo zɨ shyyo jen lyyad. ¹⁴ Nwad ənyo nyi sag ntsswo nyina, nyi yog dam kyaŋ əkwo nyiba lyyad ni dag, ¹⁵ nuŋ ə nnə njoŋ nyin swaŋ əlyyad ji bə mumwaŋ ku, kwo də +nəndwan nyɨba əna yəw ə́ nnyyo kənaŋ kwo ə́ tsswo ni dag. ¹⁶ +Əcyo bə +əyaŋ,+nənyyug, tusa mbyyaŋ gbəndaŋ ənə mun ə ŋwwad nyin, əwod ba hyay əyyaŋ nyin. ¹⁷ Konyan ə̀ nə lag di nyin dənian əlyorog nka. ¹⁸ Əwod kwo tswa pyyo jyuŋ nyin əzə ni bwwug ni. ¹⁹ Bumi myay ntsswo kwo nyi nɨ nswan bɨ +sswon nyɨ ji. ²⁰ Jen əzə nyiba di nnwan nzwaŋ u kəraŋ Urushalima u ucyyo ni, sə nyi lyen naŋ shod guji bay kpog. ²¹ Sə ənied əbyo ə́ shyyo Yahudiya ni bâ tyoŋ ə́ ban tsutswog, əsɨ byo ə́ shyyo bumi ukəraŋ kani bâ nkad ə́ yog wod əsɨ byo ə shyyo bə nkyuŋ nani ə́ ŋwwo bumi dag. ²² Nwad nnwam ənay yed nshin tan nio, dənian nkyaŋ əkyo ə́ lyurug ni i bay cecerag. ²³ Ubuŋ unɨ tug ənied əbyo ənə shyyo bɨ +shyyo kwo ə́ ŋway nnwan bə nnwam ənio ni, nwad ənə sswo zwod bɨ ced bə əbyin ka, bə ndyen bə ənied əbay. ²⁴ Ə́ hyay ba bɨ tsswad əwod ə́ kwog ba +əhwo ə́ ti dyo bə bɨ byin yyaŋ, ənio kag əshay Urushalima u sənaŋ jen ba ji ba nyyo. ²⁵ Ə́nə cyyaŋ nkyaŋ bə nnwam ku, zwad ji, təngwad na mbyyaŋ dunio ku. Ənied ba ənə swan bə əswog ufa, ə fəg uwun dənian dwwod əywi ku. ²⁶ Ənied ba ǝ tyɨrɨm lwam bɨ uwun nwad dɨdam nkyaŋ əwo ənə shyyo dunio kuni. Nwad ənə zun ntyog+tuza na. ²⁷ Əwod bâ yi di ŋgwon ətyibɨshi ka u tɨbay bə ninian ba bɨ tyog mbyyaŋ gbədaŋ shi. ²⁸ Jen əzə nyi ŋwwo cyyaŋ nkyaŋ ənay ni, nyi dərǝg yoŋ nyi gbəd əyyi nyiba nyi ̂ncyyaŋ tuza ka nwad san nyiku bay kpog. ²⁹ Yesu əsɨ tag ba uma əlyyad, "Di ukwon əbwab ka bə ǝkum +ukwon ka. ³⁰ Kə u fɨrɨg hyuhyyo ba sə nyi lyen naŋ ulwo shyim əkyo u bu bay. ³¹ Bə ənyo bwo, jen əzə nyi ndi nkyaŋ ənay ŋwwo kwog ulwo kani sə nyi lyen naŋ tyog Əgwaza ku bay kpog. ³² Cucug ə n shey nyin, cey əkwi ni nɨ sswag dag sənaŋ bâ di nkyaŋ ənay. ³³ Tuza bə əbyin unɨ sswag əwod əlyyad nna ənə sswag dag kwo bə cuncwwad. ³⁴ Nyi təlwam bə əpyo nyin, kəlag dɨdam nkyaŋ dunio mbyyaŋ hyoŋ ba san ntsswo nyina, nwad əyin əba lyen nwam ku dag, bənaŋ uta ntswam unɨ ntǝbad ǝyin ni, ³⁵ nwad inɨ bay tutən konyan bə dunio ku. ³⁶ Sə nyi ̂swan bɨ ləb lwam kozaŋ jen nay Əgwaza u gwô jen nyin ced əkwo nyi ba ngyoŋ nyi təkəram nkyaŋ ənio tɨbay ni mbyyaŋ gag əkwo nyiba shyyo yoŋ ku duyi ŋgwon ətyibɨshi kani. ³⁷ Tənwam ka ənɨ cyyed bɨ Uli dyeb ka əwod kwo zan tutug ənɨ nad bə ǝfan əkyo ə́ ngyi Zaitun wu ni. ³⁸ Kozaŋ tsutswon ənied ba səllay ənɨ tun buli dyeb ka ə́ tsswoŋ cyyed guku.