¹ Yesu ə̀sɨ sswag ǝ ŋwwo Yeriko. ² Naŋ ətyog əyyaŋ ə shyyo əzə ə́ yyi gu Zakka. Ə̀̀ bɨ yed gbəndaŋ ətyi tuŋ kurum əbyin əwod əsɨ yed ətyǝ nzwa. ³ Ə̀̀sƗ kwan ə̀ di ətyo əwo Yesu ə yed ni əsɨ yǝw bə ukpa ənied wu dag, nwad ə̀ bɨ byyo uza dag. ⁴ Ə̀̀si tyoŋ ə wod ənied ba ətə ŋhyag ukwon ǝbwob ə̀ nswan sɨ dəy ə̀ di Yesu, nwad Yesu əna sswag əzə. ⁵ Naŋ Yesu ǝ mbay dulwo əkyo ni, əsɨ gbed əyyi ba əsɨ nyo bə ngu, Zakka, cyyog umfyyen a bay, tɨlɨd kwo n swan buli aka utswun. ⁶ Zakka əsɨ ghan ə cyyog əsɨ ba san Yesu bə əgway. ⁷ Ənied ba ə ndi ni əsɨ ŋwwo kwob ədyiŋ nyo, ə̀ ŋwwo ə nad bə ətyo əwo əyed ətyə kətug nyyo ni. ⁸ Zakka əsɨ nyo bə Ətyə Uli ənî, di, Ətyə Uli, n tyiraŋ nkyaŋ ənio m byyo ni nsɨ kəu +kunag na, əwod kə n shoyog əyin bɨ yin kyaŋ nnə tan ǝnuy cyyan unay. ⁹ Yesu əsɨ nyo bə ngu, utswun san ŋwwo buli əka, nwad gu bwo ə yed ŋgwon Ibrahim kyo. ¹⁰ Ŋgwon ətyibɨshi ka ubay uba cad əwod usan ənied əbyo ə bwwug ni. ¹¹ Naŋ ba nfəg əlyyad ənay ni, əsɨ ya uswon bə əlyyad na əsɨ tag ba uma əlyyad nwad ə̀ bay kpokpiyen bə Urushalima, basɨ dam nyo tyog tuza ku nɨ kɨ ncyyog bǝ əzə. ¹² Kukwo gwo sɨ nyo, gbəndaŋ əgwam əyyaŋ əbɨ nad əbyin əyyaŋ dɨ cad +ukəraŋ ənio gwo nə byoŋ ni ə̀ bwwog. ¹³ Əsɨ yyi +əhwo guba swag əsɨ jen ba əkpaŋ swag, əwod əsɨ nyo bə mba, "nyi bwwaŋ bɨ kurum əkwi sənaŋ mbay." ¹⁴ Ənied guba əsɨ fəg nyinyaŋ dag, basɨ tɨn ənied ə təm məta əkyo nyo, zɨ nɨ shim ətyo əwi ngwo ə byoŋ zɨd dag. ¹⁵ Gwo ba mbwwog əbay naŋ gwo kətə shyyo +ukaraŋ ənio gwo nə nnyyo tyog kuni, əsɨ kam ə́ yyi gu +əhwo əbyo gwo bɨ jen ba kurum ku ni bâ bay gwo fəg kə ba bwwaŋ ə́ nshyyo sǝhwod sswo. ¹⁶ Ətyo uswon u əsɨ bay duyi guka ə̀sɨ nyo, Ətyə Uli, əkpaŋ swag awu nnshyyo swag yyaŋ tuza. ¹⁷ Ətyo uli wu əsɨ nyo bə ngu, a yed ətan əhwo. Nwad gag əkwo a nnyyo cucug bə a dɨday kyaŋ ni, a nɨ nyyo tyog bɨ ukaraŋ swag. ¹⁸ Ətyo ə fyyaŋ wu əsɨ bwo bay bwo əba yoŋ nyo, "əkpaŋ swag a wu Ətyo Uli, nshyyo əkpaŋ ətsswon tuza." ¹⁹ Ətyo Uli guwu əsɨ nyo bə ngu, nad a byoŋ +ukəraŋ utsswon. ²⁰ Əwod kukwo ətyo ətad wu ǝ nyo, "Ətyo Uli, n sag kurum aku zwozwwob bə ətərǝg, ²¹ nwad nfəg uwun a nwad əkwa aka, a kwog dulwo əkyo də a nsag ni, asɨ fway dulwo əkyo də a ncwi ni. ²² Ətyo Uli guwu əsɨ nyo bə ngu, nnə fyyed a əlyyad na bɨ kyaŋ əkwo wurug bu unuŋ aka ni, ŋwan kətug əhwo, a bɨ lyen naŋ əkwa nka ə byyo ced, n kwog sɨkwo də nuŋ ə nsag ni, m fway du lwo ǝkyo də nuŋ ə ncwi ni. ²³ Əwod yag ə sɨ lwwoŋ a sag n kurum ku bə b ǝmgba kurum kə mma bwwog nshyyo ku bə səhwod sswo ku? ²⁴ Ətyo Uli guwu əsɨ yoroŋ ənied əbyo ə yoŋ əzə ni, nyi san kurum əkwo mbwag guka ni nyî ŋwwag ətyo əwo əbyyo əkpaŋ swag wu ni. ²⁵ Kukwo ba nyo ǝ ngu, "Ətyə Uli, ə̀ byyo əkpaŋ swag." ²⁶ N tag nyin, kwo nyan ə byyo kyaŋ ənə mbyyaŋ gu dyo, əwod ətyo əwo də ə byyo ni kwo asɨ kyo gwo byyo ni ənə san ə wod gu. ²⁷ Əwod +nəndwan nuŋ əbay, byo ə nyo də ba cad n nnyyo tyog ku tuza ba ni dag, nyi, bay bə mba əji nyi hyay duyi nka. ²⁸ Naŋ gwo ntyag lyyad nkyaŋ ənay ni, əsɨ ya uswon bɨ cyyed ku ə nyyed, Urushalima. ²⁹ Gwo ncoŋ ətə nad kpokpog bə Baitfaji mbyyaŋ Baitanya, tuza əguŋ əkyo ə́ ngyi Zaitun ni, əsɨ təm nnwan ntəm guna ufyyaŋ. ³⁰ nyo nyi nad bə a dɨday ukəraŋ əkyo duswon nyi ka ni. Kə nyi ŋwway nyi di a unjay ǝkyo də ə kə nŋayag ni.Nyi byyug ka bay bə nuŋ dyo. ³¹ Kwo nyan ə lyib nyin, dɨ yag ə mbyyo nyi mbi ka, nyi nyo, Ətyo Uli ə cad. ³² Ənied əbyo ə́bɨ təm ni basɨ nad ə tǝ shyyo bənaŋ Yesu ə ntag bani. ³³ Ba shyyo bɨ bi ku ni ənied byyo ba əsɨ lyib ba nyo "Yag ə mbyyo nyi mbi unjay ka?" ³⁴ Basɨ nyo, "Ətyo Uli ə cad ka." ³⁵ Basɨ bay bə nka bə Yesu, əwod basɨ ta +ətərǝg ba ba bə unjay ka basɨ kyag Yesu ə nsag. ³⁶ Basɨ ta +ətərog ba ba də ndwag naŋ gwo ncoŋ tuza. ³⁷ Ə̀̀ shyyo bɨ cyyed ku ə̀ nyyed kpokpog naŋ əguŋ Zaitun ka ə tətoŋ ə ncyyo ni, səllǝy əkpa nnwan ətəm guwu əsɨ ŋwwo hwwod gugwoŋ bə əgway ə dyeb Əgwaza u bə ŋuŋwwad baku tuza nwad +usham ntəm ənio ba di ni, ³⁸ nyo, Ətyo labarka ə yed əgwam əwo ə bay bumi ǝlyorog ətyo uli ni. Kay nda shyyo tuza, bɨ shyi shyyo tuza ka ǝzǝw. ³⁹ Farasiyawa əyyaŋ bumi ənied ka əsɨ nyo bə ngu, "ətyə cyyed, kam nnwan ntəm ana." ⁴⁰ Yesu əsɨ shim gu nyo,n tag a kwo ənied əbay ə swa ənyuaŋ, nfaŋ na nɨ bwom m bubwom. ⁴¹ Yesu ə mbay kpog bu ukəraŋ ka ni, əsɨ tywi dənian ka ka, ⁴² nyo kə nyiba lyen nwam əkwi, kwo nyin mgbom, nkyaŋ ənio coŋ bə nyin swad kay nda kuni. Əwod nini ə́ nyad na ə́ ntyoŋ nyin ǝyyi ba. ⁴³ Nwad nwam tɨbay nyin, kwo +nendwan nyiba əba nnog fab ə ́ karag nyin ə́ cyyo, əwod bâ dərǝg nyin səlləy nfam na. Banə tyam nyin ə kworog səlləy bə nnwan nyina. ⁴⁴ Banə wod nyin əfan kâ swan də əyyaŋ dag, nwad nyibɨ lag fɨg jen əzə Əgwaza u əbɨ ncad ə̀ san nyin ni. ⁴⁵ Yesu əsɨ ŋwwo bɨtu dyeb Əgwaza ku, əsɨ ŋwwo fɨn ənied əbyo ə́ lyyay nkyaŋ nani, ⁴⁶ əsɨ nyo bə mba, "Ə lyurug nyo, Uli nka unɨ yed uli nay kyo," əwod nyi sɨ bwwag ka ncyyo tay +ətaŋ +əced. ⁴⁷ Yesu əsɨ cyyed kwo zaŋ utug bɨ tu utuŋ ku. Əwod naŋ ceced ənied fi zənaŋ, ənied lyurug ba bə +əkwog uswon ba ə cad ə hyad gu, ⁴⁸ basɨ shyyo lwag ku dag, nwad səlləy ənied ba əbɨ kworog tsutsswo shensham ə ntsswoŋ gu.