¹ Nwam ǝsǝbǝt uyyaŋ u n shyyo naŋ gwo nad buli ǝtyǝ ǝnyyuŋ bǝ ǝ kwog uswon Farisawa ka gwo ya kyaŋya, ǝnied ba ǝsɨ sag gu ǝyyi bǝd. ² Duswon guka naŋ ǝyyaŋ ǝnied ǝ yon bɨ lwam mway. ³ Yesu ǝsɨ lyib ǝnied ǝbyo byyo tsutsad ku bǝ doka Yahudawa ji mbyyaŋ Farisawa ba ni nyo. "I nkwa ǝ corog ǝyin utug ǝsǝbǝt ka a?" ⁴ Basɨ swa ǝnywaŋ. Yesu ǝsɨ tǝ bad gu ǝsɨ cyyo gu tǝlyǝn. ⁵ Əsɨ nyo ǝnî bǝ mba,"ǝ nyan ǝ bǝ nyin wo ǝ byyo ŋgwon kwo nyag ǝzǝ kwa bɨ bwoŋ utug ǝsǝbǝt ka ni, ǝ lag nad bǝ unfyyen ǝ tɨn ji ǝ wurug dyo ku?" ⁶ Basɨ yǝu ǝ nkarag kyaŋ dag. ⁷ Yesu ǝ ndi ǝnied ǝbyo ǝ yyi ni ǝ n khay ǝ sswad bǝ cǝcǝd nkyaŋ swad uni, ǝsɨ lyyad bǝmba bǝ kidee nyo. ⁸ "Kǝ ǝyin ǝ yyi a swoŋ nyiraŋ yog tɨ swan bǝ gbǝndaŋ kukwon dag nwad shim dag ǝmun ǝ yoroŋ ǝyyaŋ ǝnied wo sswag a ni. ⁹ Jen ǝzǝ ǝtyo ǝwo ǝyyi nyin ni ǝ mbay ni, ǝ ba nyo bǝ nwan, 'dǝrǝg ã ŋwwag ǝtyǝ ǝwi uluwo nswad ka' ǝwod ã dǝrǝg bǝ nswum tɨ swan bǝ dɨday ulwo nswad u. ¹⁰ Əwod kǝ ǝ yyi a,nad ã swan bǝ kǝdǝy ulwo nswad dǝnian kǝ ǝtyo ǝwo ǝ yoroŋ a ni ǝ bay ǝba nyo bǝ ŋwan, 'kpǝndaŋ, ŋiag nad tuza'. A nɨ shyyo shyi du uyyi sǝllǝy ǝnied ǝbyo ǝ swan dunduŋ bǝ ŋwan bǝ tǝburug u ni. ¹¹ Nwad koyan ǝ cin ǝpyo gu ǝna jwway gu, ǝwod koyan ǝ jwway ǝpyo gu ǝna cin gu" ¹² Yesu sɨ nyo bǝ ǝtyǝ ǝwo yoroŋ gu soŋ nyiraŋ ji ni, kǝ ani yoroŋ ǝ yin ya kyaŋ ya kwo soŋ nyiraŋ yog yoroŋ kpǝndaŋ aba kwo nǝnnyyug aba kwo kway aji kwo kpǝndaŋ swad aba byo byyo zwa ni,naŋ ba ni yoroŋ a ni, sǝ ku di ǝnyo ǝtan a ni. ¹³ Dǝ kunuŋ ǝkyo kǝ anɨ nyyo ǝgway, yoroŋ +kunag, ǝnied talug tɨtag, bǝ ǝnied tǝlug mbwag mbyyaŋ ǝbyyem ǝyyi. ¹⁴ Əwod anɨ shyyo lɨbǝrka, dǝnian ba nǝ yǝu bã tan a dag ǝnǝ tan a utug dǝrǝg zɨzǝrag ǝnied ka." ¹⁵ Ətyǝ ǝnyyuŋ bǝ ǝnied ǝbyo ǝ swan bǝ tǝburug u bǝ Yesu ni ǝ n fǝg nkyaŋ ǝ nay ni, ǝsɨ nyo ǝni bǝ ngu, ."Ətyǝ lɨbǝrka ǝ yed ǝtyo ǝwo ǝnǝ swan ǝya bɨ tyog Əgwaza ku ni." ¹⁶ Yesu ǝsɨ nyo ǝnɨ̂ bǝ gu, "Ətyǝ ǝyyaŋ yyi gbǝndag ya bɨ sswo, ǝsɨ yyi ǝnied gbǝngbam. ¹⁷ Ə n jyi ya bɨ sswo kuni,ǝsɨ tǝm +ǝhwo guba bã tag ǝnied ǝbyo ǝyyi ni nyo, 'Nyi bay nwad ǝkǝn jyi kwo yag ǝ ǝsag. ¹⁸ Sǝllǝy ba ǝsɨ ŋwwo ŋwwad tǝtwad. Ətyo uswon u ǝsɨ nyo bǝ ngu, 'N san ǝbyin, iyed tɨlɨd n nad n di ka. Sǝkud byog n ǝbyin. ¹⁹ Əyyan ǝnied ǝsɨ nyo ,N san +nyag tsswon, n nyyed n mag ji, sǝkud zǝ yog n? ²⁰ Ə yyaŋ ǝnied ǝsɨ nyo, 'N bwwo ǝbyyug, n na n shyyo bay ku dag' ²¹ Ə h̀wo u ǝsɨ bay ǝ ba tag ǝtyǝ uli gu wu sǝllǝy nkyaŋ ǝnay ni. Ətyǝ uli wu ǝsɨ fǝg ǝlyo ya ,ǝsɨ nyo bǝ ǝ hwo guwu, 'Nad u nfyyen bǝ ndwag na mbyyaŋ a cwwan ndwag ukaraŋ ǝnay ã yyi kunag na, ǝnied tǝlug tɨtag ba, ǝbyyem ǝyyi mbyyaŋ ǝnied tǝlug mbwag ba'. ²² Ə hwo u ǝsɨ nyo 'Ətyǝ uli , kyaŋ ǝkwo a kam n nyyo ni ǝwa kǝ nyyo ǝwod ulwo u mbwad. ²³ Ətyǝ uli u ǝsɨ nyo bǝ ǝ hwo gu wu, wurug nad bǝ cǝcǝd ndwag u a kwag ǝnied ba bã bay, uli nka u nhyad. ²⁴ Nwad ǝyin bǝ ǝnied ǝ byo ǝ yoroŋ ni ǝnǝ byǝrǝm kyaŋ ya nku dag. ²⁵ Dǝ njen ǝzǝ naŋ ukpa ǝnied ǝ hwi gu, ǝsɨ nyo bǝ mba, ²⁶ "kwo ǝnyan ǝ ǝna bay bǝ nuŋ ǝsɨ lag ǝcyo, ǝyaŋ, ǝ byyug, ŋgwon, nǝnyyug ǝ sam mbyyaŋ nǝnyyug ǝnab, kwo sswon guji ku, ǝni gyed ŋgwon ntǝm n dag. ²⁷ Kwo ǝ nyan ǝ dǝ ǝ kyag ǝ tyǝm u ǝsɨ hwi n dag, ǝnɨ gyǝd ŋgwon ntǝm n dag. ²⁸ Kwo ǝnyan ǝ bǝ nyin ǝ cad ǝ nog gɨngian tu dǝ, ǝnǝ tsa swan ǝ byin ǝ twaŋ kurum ǝ kwo nɨ may gu ni kǝ ǝ byyo kurum ǝkwo gwo na ntyag nog ku ni? ²⁹ Kǝ ǝnyõ dag jen ǝzǝ gwo ba nsak utsa nog ka naŋ gwo ba yǝu ǝ tyag dag, sǝllay ǝnied ǝ byo ǝ di ni ǝnǝ ŋwwo may gu, ³⁰ Bã nyo, 'ǝ tyo ǝwĩ ǝ tsa nog ǝsɨ yǝu tyag dag. ³¹ Kǝ, zan ǝgwam ǝ kǝ ǝnǝ nad zwaŋ bǝ ǝgwam ǝyyaŋ dǝ, ǝ nǝ ya ntsa ǝ swan ǝbyin ǝ kyag dɨdam kǝ ǝna yǝ̂u gwõ kyag ǝnied cikwob swag, gwõ n kwan bǝ ǝgwam ǝnyyuŋ u wo byyo ǝnied cikwob nswag nfyyaŋ ni? ³² Kǝ ǝnyo dag, nyyo naŋ ǝnied nzwag ǝsɨ ba ǝ nɨ shyyo dǝ ndwag , gwõ tǝm ǝnied ǝ lyib lwag ǝkwo ǝ na hwi ǝ nshyyo kaynda ni. ³³ Dǝnian ǝkyo,kwo ǝ nyan ǝ dǝ ǝ wod kyaŋ ǝkwo gwo byyo ni dag, ǝni ngyed ŋgwon ntǝm n dag. ³⁴ Ntwag na yed, bǝ kǝ ntwag na ŋwway nyiyaŋ na ku nã na nyo ni ǝ bu ngyed ntwag na? ³⁵ Na byyo kpaŋtin bǝ nbyin na kwo bǝ ǝ bwwu dag. Ənǝ wyyem na. Ə tyo ǝwo ǝ byyo tsustuwo tssuwoŋ ba ni gwõ fǝg.