¹ Nini, sǝllay ǝnied say kurum ǝbyin ba bǝ ǝnied kǝtug nyyo ǝyyaŋ ǝsɨ ŋwwo coŋ bǝ Yesu bã fǝg gu. ² Farisawa ba mbyyaŋ ǝnied lyurug ba ǝsɨ ŋwwo ŋwun bǝ ǝyyaŋ ba nyo,"Ətyo ǝwi ǝ say ǝnied kǝtug nyyo ba, ǝwod ǝsɨ ya nkyan ya na bǝmba." ³ Yesu ǝsɨ lyyad bǝ kidee bǝ mba nyo, ⁴ Nyan ǝ bǝ nyin, wo kǝ ǝ byyo zwon tsyyeb ci ǝ, jyuŋ bǝ nji ǝsɨ bwwug, ǝnǝ wod nswag kuba nyyug bǝ kuba nyyug ka uyid ka, gwõ hwi jyuŋ ǝzǝ u bwwug ni sǝy ǝ shyyo ji dâ? ⁵ Jen ǝzo gwo n shyyo ji ni,ǝna farag ji mǝn ntswo bumi ǝgway. ⁶ Kǝ ǝ bay buli, ǝnǝ yoron kpǝndaŋ guba mbyyaŋ ǝnied nswad guba,gwõ nyo, 'Nyi byyaŋ n ǝgway u nwad nshyyo zwon nuŋ ǝzǝ bɨ bwwug ni. ⁷ N nyo bǝ nyin naŋ bǝ ǝnyõ. ǝgway ǝnǝ shyyo tuza bǝ kozan kǝtug ǝ nyin ǝ nyyuŋ wo nay ǝ yurub gu ndyo ni, sswag cucug ǝnied byo ǝsswag nswag kubanyyug bǝ kubanyyug, byo dǝ ba cad ǝ nay ǝ yurub ba ndyo ni dag. ⁸ kwo, zan ǝbyyug ǝ wo ǝbyyo mɨmyad tswa kurum swag, wo kǝ ǝwa bwwug tswa jyuŋ, ǝnǝ nwad loŋ, ǝ lyaŋ uli ka ,ǝ cad bǝd se ǝ shyyo ji? ⁹ Kǝ ǝba shyyo, ǝna yoroŋ kpǝndag guba dunduŋ bǝ ǝnied nswad guba ǝ nyo,nyi bay nyĩ gway bǝ nuŋ, nwad n shyyo tswa kurum ǝzǝ m bwwug ni. ¹⁰ Bǝ ǝ nyõ, n tag nyin ǝgway ǝ nshyyo du uyyi +ǝtǝm Ntswa Əgwaza ba tuza ǝtyǝ kǝtug nyyo ǝ nyyuŋ, wo nay ǝ yurub gu kǝtug guku ni. ¹¹ Yesu ǝsɨ nyo, "ǝyyaŋ ǝnied ǝ byyo nnwan ufyyaŋ zam. ¹² Shunshwo u bǝ mba ǝsɨ nyo bǝ ǝcyo guwu, "ǝcyo, joŋ n kunuŋ nzwa ǝka u yed ushin nka ni." Ə̀̀sɨ kǝu zwa guji bǝ mba. ¹³ Ə̀̀ la byyaŋ dag shunshwo ŋgwon u ǝsɨ nad ǝbyin ǝkyo ǝ shyyo gbaŋ ni, ǝzǝ gwo sɨ n gwaram sǝllay zwa guji bǝ kǝtug nswad. ¹⁴ Nini naŋ gwo nbwug koyag ǝ ni, ǝworǝmǝnde ǝsɨ kub ǝbyin ka,ǝsɨ ŋwwo nay. ¹⁵ Əsɨ nad ǝtǝ ŋwwag ǝpyyo gu bǝ ǝtyǝ ǝnyyuŋ bǝ ǝnied ǝbyin ba ǝsɨ tǝm gu bǝ ǝbyin guka gwõ cog +ǝgǝn. ¹⁶ Əsɨ fǝg nyinyaŋ bwoy kyaŋya +ǝgǝn ku ǝ ya nwad ǝ yin ǝ joŋ gu kyaŋ ya dag. ¹⁷ Jen ǝzǝ ŋgwon ǝkay uba mbwwog bǝ ǝpyo ka u bay dyo ni,ǝsɨ nyo, 'ǝnied ǝ maŋ byo bǝ ǝ +hwo ǝcyo mba byo ǝ byyo kyaŋ ya ku ǝ sswag kyaŋ ǝkwo ba cad ni, ǝwod n shyyo ǝji n kwi bɨ zwoŋ ji ! ¹⁸ Nna ndǝrǝg ǝji n nad bǝ ǝcyo ngu, ntǝ nyo ǝni bǝ ngu, "ǝcyo,n nyyo tuza kǝtug ku, n sɨ nyyo duyi a ka. ¹⁹ N may dag ǝ bwo yyi n ŋgwon a, yog n gyed ǝ nyyuŋ bǝ ǝnied ntǝm a ba". ²⁰ Ŋgwon ǝ kay usɨ dǝrǝg u tabad lwag u nyyed bǝ ǝcyo ka u. Nyyo nag gwo kǝn tad uli ka dag ǝcyo u ǝsɨ ta ǝli ǝ n di gu naŋ gwo ni shyyo gbaŋ, kunag sɨ tǝbad gu, ǝsɨ tyon ǝsɨ tǝ lwwug gu ǝ byoŋ ǝsɨ gway. ²¹ Ŋgwon zɨ ka usɨ nyo bǝ ngu 'ǝcyo, nnyyo kǝtug tuza ka, nsɨ nyyo duyi aka. Mmay dag ǝ yoroŋ n ŋgwon a. ²² Əcyo u ǝsɨ nyo ǝni bǝ ǝhwo gu wu. Nad unfyyen a bay bǝ ǝtan ǝ tǝrog a kub gu, a cyyo gu nyuag bǝ mbwag gu ku, bǝ kukwatag bǝ tɨtag guba. ²³ Əwod ă fyyed gbǝndaŋ nyag. yog zɨ gway zɨ ya zɨ sswo! ²⁴ Nwad ŋgwon nka ubɨ syyen nlnl ushyyo ucǝd uku bwwug nini ǝ shyyo ka? Basɨ ya uswon bǝ ǝgway u. ²⁵ Nini naŋ neohwob ǝfay wu ǝ shyyo uyid. Ə ba mbwwod ǝtǝ bay kpǝkpog bu uli kani,ǝsɨ fǝg bub̀wom ku mbyyaŋ swoŋ ji. ²⁶ Əsɨ yoron ǝtyǝ nyyuŋ bǝ ǝnied ntǝm ba ǝsɨ lyib kyaŋ ǝkwo kwog ulwo ka ni ²⁷ Ətyǝ ntǝm wu ǝsɨ nyo bǝ ngu, "Nǝnyyug a wu ǝ bay buli ǝwod ǝcyo a wu ǝsɨ fyyed gbǝndaŋ nyag nwad ǝ bwwog kǝnkǝron. ²⁸ Neohwob ŋgwon u ǝsɨ fǝg cway bǝd, ǝsɨ lag ŋwo uli ka, ǝcyo wu ǝsɨ wurug ǝ ba nay gu. ²⁹ Neohwob ŋgwon wu ǝsɨ shim gu ndyo nyo. Di, dɨdɨd ndyyo ǝ wi n nyyo hwo,n kǝ ndag nyyo yin kyaŋ a dag, ŋwan a kǝ njoŋ n a nzwon nfyyed ngya bǝ kpondaŋ n ba dag. ³⁰ Əwod jen ǝzǝ ŋgwon aka u n bay ni,wo ǝ tswwud zwa aji bǝ nkham asɨ fyyed gu ga gbǝndaŋ nyag. ³¹ Əcyo u ǝsɨ nyo bǝ ngu "Ŋgwon, kozan jen a shyyo dunduŋ bǝ nuŋ, ǝwod koyag ǝ kwo yed shin ni i yed shin a. ³² I n kwa zɨ gway zɨ fǝg nyinyaŋ, nwad nǝnyyug a ǝ wĩ ǝ hwu ǝsɨ bwo shyyib, ǝku bwwug nini ǝ shyyo gu.