¹ Bǝ njen ǝzǝ, ǝyyan ǝnied ǝsɨ tag gu tuza Galiliya wa ǝbyo Bilatus ǝ muwun ǝswog bana bɨ fɨ zǝnaŋ ba ku ni. ² Yesu ǝsɨ shim ba dyo nyo, "Nyi dam nyo Galiliyawa ǝbay ni ǝ sswag ǝ kum ka bǝ kǝtug ku nwad ubwuŋ ǝkyo basswo bǝ ndwag ǝkwo ni a?. ³ Gad ,ntag nyin. Əwod, ka nyi nay ǝ yurub kǝtug nyi ku dag nyi na bwwug sǝllǝy nyin bǝ naŋ ba ni. ⁴ Kwo naŋ junjun tu wu ǝbu nkwa ǝsɨ hyay ǝnied Siloam ba swag bǝ unnaimbwag ni,nyi dam nyo kǝtug ba ku sswag shin ǝkum ǝnied urushalima ku a? ⁵ Gad. Nnyo kǝ nyi nay ǝ yurub kǝtug nyi ku dag sǝllǝy nyin bwo nyi na bwwug. ⁶ Yesu ǝsɨ tag ba kidǝ̂ ǝji nyo. "Əyin ǝtɨb ǝbwab bǝ ǝbyin guka, ǝsɨ ba bay ǝdi kǝ ǝ nǝ nshyyo ǝswum ǝsi ba nshyyo kyaŋ dag. ⁷ Ətyǝ uli wu ǝsi nyo ba atyǝjyyi ǝbyin wu." Di nyyo ndyyo ntad nio nay ncoŋ ndi kǝ nna nshyyo ǝswum bǝ ǝtyin ǝbwab ǝ kay dǝ nuŋ n shyyo dag. Tyab ka nwad ǝbyin. Yag ǝ mbyyo a n gwod ka wu n fwun ǝbyin ka. ⁸ Ətyi jyyi ǝbyin u ǝsɨ shim gu dyo nyo. Yog ka shonshon ǝlyraŋ nnǝ nduŋ ka nkarag n nkworog bwwum. ⁹ kǝ u kworog ǝswum ǝlyyo tɨbay i yǝd, ǝwod kǝ u kworog ǝ swum dag ǝ tyab ka ǝ nwad. ¹⁰ Nini naŋ Yesu ǝ cyyed bɨ tu dyeb Əgwaza yyaŋ utug nwam ǝsǝbǝt ku ni. ¹¹ Nwad ǝbyyug ǝyyaŋ ǝ shyyo ǝzǝ wo ǝtyag ndyyo swag bǝ unaymbwag bǝ kǝtug ntswa mbyyaŋ zwan kwi lwam ni. ǝsɨ guwab ǝwod ǝsɨ yǝu ǝ nyyeb ǝ yoŋ cǝcǝrag dag. ¹² Naŋ Yesu ǝ ndi gu ni, ǝsɨ yoroŋ gu nyo, "ǝ byyug, ǝ fǝrǝg a ǝwod bi lwam aku." ¹³ Əsɨ sag bwag gu ku bǝ ngu,bǝ di yoŋ ǝbyyug wu ǝsɨ nyyeb kǝ̂tsag ǝsɨ dyeb Əgwaza u. ¹⁴ Əwod ǝtyi nyyo tyog bɨ tu dyeb Əgwaza ku ǝsɨ fǝg ǝlyô ya bǝ Yesu nwad ǝ corog ǝbyyug u utug nwam ǝsǝbat. Ətyǝ nyyo ̧tyog tu dyeb Əgwaza u ǝsɨ nyo ǝnî bǝ ukpa ǝnied ka. "Ə byyo nnwam utaa na ǝ myim ǝ nyyo ntǝm ni. Nyi nɨ mbay nyî shyyo corog ku ba bɨ nwam ǝsǝbǝt ku dag. ¹⁵ Ətyǝ uli ǝsɨ shim gu ndyo nyo, "+ǝ baŋ ǝbyin, konyan bǝ nyin ǝnɨ byyug unjay gu ka kwo nyag guji bǝ mgbyyed ji utug ǝsǝbǝt ka dă? ¹⁶ Bǝ ǝnyõ ngwon Ibrahim ǝkay kyo utǝnyiran ka u lǝb u mbwwo junjun ndyyo ba swag bǝ unaymbwag i nkwa ǝ byyug lǝb ǝkwo ǝ lǝb guni utug nwam ǝsǝbǝt ka dă?" ¹⁷ Ə nkarag ǝni ni, sǝllǝy ǝnied ǝbyo ǝ lag kyaŋ ǝ kwo gwo nyyo ni ǝsɨ fǝg nswum, ǝwod sǝllǝy ukpa ǝnied ka sɨ gway bǝ usham nkyaŋ ǝnyo gwo nyyo ni. ¹⁸ Yesu ǝsɨ nyo, "tyog Əgwaza ku di ni, ǝwod yag ǝ ǝna ntyan ku? ¹⁹ Idi naŋ a ntswa ntswon ni kyo ǝyin ǝna ta bǝ ǝbyin guka ǝwod u lay u cyyo ga gbǝndaŋ ukwon, ǝwod unwan na u nyyo tuza ubay u ba nnog +ule na bǝ nnay ka na ni" ²⁰ Əsɨ bwo nyo ǝnî "Bɨ yag ǝ n nǝ ntyan tyog Əgwaza ku? ²¹ Idi naŋ furag ǝ kwo ǝ byyug ǝ kyag ǝsɨ hyyay bǝ nhywo kay tsad, sǝ naŋ ku mway kub nhywo na sǝllǝy ni. ²² Yesu ǝsɨ kay kozan gbǝndaŋ mbyyaŋ dɨddǝy ukǝraŋ bǝ ndwag nyyed urushǝlima ku ǝsɨ cyyed ba. ²³ Əyin ǝsɨ nyo mǝngu, "Ətya uli, ǝnied bǝ dǝdǝy byo ǝnă shyyo san ku a?" Əsɨ nyo mǝmba, ²⁴ "Nyi kwan nyĩ ŋwwo a kǝdǝy unuŋ kǝnywo ka,nwad ntag nyin ǝnied bǝ dɨddɨd ǝna cad ǝ ŋwwo ǝwod dǝ ba nǝ shyyo ŋwo ku dag. ²⁵ kǝ ǝtyo byyo uli u ǝ dǝrǝg ǝsɨ nyim unuŋ kǝnywo ka, sǝ nyĩ yoŋ tusa tswod unuŋ kǝnywo ka nyo, "Ətyǝ uli Ətyǝ uli yog zɨ ŋwwo, " Ə nǝ shim nyi dyo nyo, ndyen nyin dag dǝ nuŋ n ndyen uluwo ǝkyo nyi nyyo ni dag. ²⁶ Əwod nyi nyo, 'ZƗ ya zɨsɨ sswo du uyyi aka, asɨ cyyed bǝ ndwag zɨ na. ²⁷ Əwod ǝ shim nyo ,Ntag nyin, ndyǝn uluwo ǝkyo nyi n nyyo ni dag. Nyi dǝrǝg ǝji, nyin ǝnied kǝtug nyyo. ²⁸ Ənied ǝna twi ǝ nyway yunyuŋ, jen ǝzǝ nyi ndi Ibrahim, Ishaku,Yakubu mbyyag sǝllǝy ǝnied lyyad ǝŋwwad Əgwaza ba bɨ̂ tyog Əgwaza ku, ǝwod ǝ ta nyin tusa. ²⁹ Ba nǝ bay ǝ nyyo ǝ tyin, uza, mbyyaŋ utag, ǝwod ba'a swan bǝ tǝburug kyaŋ ya bɨ tyog Əgwaza ku. ³⁰ Nyi lyeŋ naŋ ǝnied ǝbyo dǝ ǝ yed kyaŋ ni ba byo ǝna yǝd ǝ kwog uswon ba ǝwod ǝsɨ byo ǝ yed kyaŋ ku ni ba byo ǝ ba yed ǝ ŋan wu". ³¹ Bə əzə, Farisawa əyyaŋ ǝsɨ bay ǝba nyo bə ngu "Nkad â wod ǝji wu wad Hiridus ǝcad ǝ hyyad a" ³² Yesu sɨ nyo Nkad â tǝ tag Dila əkwo nyo, nturuŋ +utǝnyiraŋ nsɨ ncorog ənied utswun mbyyaŋ lwo əwod utug nwam tad ka ntyag ntǝm nna. ³³ Bǝ ǝnyô tɨlɨd kwo nya uswon bɨ cyyed nku utswun, mbyyaŋ utswan mbyyaŋ tihyo, dǝnian ku myim ə hyyad ǝtyǝ lyyad ǝhwwad Əgwa gbǝŋ bə. ³⁴ Urushǝlimǝ ,Urushǝlima ,ŋwan ǝwo hyay ǝnied lyyad ǝŋwwad Əgwaza ba ni,a sɨ maŋ ǝnied ǝbyo ǝ́ tǝm ba bǝ ŋwan ni bǝ nfaŋ. Umaŋ kyo n kǝ ncad n tuŋ nnwan ana naŋ nyuan nɨ nkup nnwan ji na bǝ fɨfɨyeb ji ba ni ǝwod nyisɨ cad ku dag. ³⁵ Di ǝ tyoŋ uli ka ǝwod.N nyo bǝ nyin, nyi na di n dag sǝ nyi karag nyo, 'ǝtyǝ lǝbǝrǝka ǝ bay bumi ǝ lyorog Ətyo Uli.'