¹ Sa'kaa Yeeso gbamsən pu dooka ko anya yas matirə te'ka, ri'gə sə ree tor Kafarnahum. ² Senza do'ga ya'al ullarəz iinupas pu kunzuz, ni wərək dərak. ³ De do'ga ya'ali gee paka Yeeso rək si tomsu dooniya Yahudaawai rəi, ina doosu na zaa go'su. ⁴ De i zaa Yeeso rə pourə sə ooru wessawe gee, "ura az to̱o̱ to̱n aka bo'su ri'eri. ⁵ Nok ura ii buta eettazzi, gəbən gwanzi womsee rora Billəl." ⁶ Se yeeso pu rigəttə na ii reksək gwaagirə dəra, sei do'ga ya'ali tom ungwani ina doosu bonge' Daa Bil kaa ɓəs zura mool baar pa, nok n kwe̱' ara a zakən miirə gwa'ak pa. ⁷ Gwanki bo'rə sə N og N kwe̱' ora N zakkən moorək pa, ama doom pak tan senza miiz go'sək gon. ⁸ Nok mii yam mii maza gbi'zazzi, N puna soozai miirə dii, le'len sə n doosə uza minge zam sə zaa, gə n doosə senza miiz bo'rəm ina ri'an sə bo'rə. ⁹ De Yeeso gee ri' sei mazzi məsu, sə yerə bansa mariya i duutu eirə sə doosi gee, koo Israila n kinə maza esə timr ri'an az pa. ¹⁰ Sei iya i tomtii i gəə gwa' ire oks senza ezi go'sapu. ¹¹ Sa'kaa roozə Yeeso pu reekrə della i der Niyel allə, kubrubaiya ulləi i puna ur naa gə bansa mari gənga. ¹² De pu reksəkrə sugokna dellirə, sei i sarə naa maz uza i gəmtupu wərkək, maiya ullə dingə gon muzo gəbən tuukuzzi, mari gənga ipu gaptə naa ur. ¹³ De Daa Bil ogu sə ogsu yirkurə sə doosu gee. kaa go'pa. ¹⁴ Sei po'gə gbəta wərka eki sə iya i gumtui i de', doosə waa gbamzi gee," ruum paa.'' ¹⁵ Ura wər ezi ruu paa sə ma'pak, sə gəsnu maiya ulləz. ¹⁶ Sei sər kami yas, sə i ma' noosəka Bil gee," I ruututə pu tombaaz uza aarə te'ka gəbən Bil gwenə mariya ulləi. ¹⁷ Paka Yeeso rəkn yasapu buta Yahudiyat naa dermiya keerai. ¹⁸ Kubrubaiya Yhohaana rəi i doosu neta eti yas. ¹⁹ Gəbən Yohaana der tombaiya ulləi ittəko, sə tomi Dangwanzə ina doosu gee," moozi ura zakkas ya, koo ena zo' uza ya? ²⁰ De mariya ei i zaa Yeeso rə pourə i doo gee, Yohaana ura bo'rə Batismaz zi tomtee moorə bonge ena detta, "Moozi ura pu zakkrəz ya, koo ena zo' uza ya? ²¹ Bəlla elirə go'os mari gənɲa kunta ittə naa mariya rumsa mairə tosirəz, ruri gənga i okə ar. ²² Yeesu iisi gee, gəən i ree doosə Yohaana, ina i oggan naa ina i geen. Ruri i okkəsapu ar, lendi ipu ri'gəttə, ipu go'sək bədirə. Gbingai ipu geek to'rə, ipu weesək mariya i wərairə, ipu doosək mariya naa zaamai paka tinkakrə. ²³ Ura naa sə'səmazzi ura esə timr ina miirə N bo'rəndəz naa sinum pas. ²⁴ De mariya Yohana tomtii i reepu, sei yeeso ma' doosəka mariya ei pak Yohaana rə paa gee. ²⁵ I ree gwe̱nək andə dooloroo ya? woossa zaka lamsas ya? Ama i ree gwe̱nə andə ya? maza tə'yalu ookapas ya? mariya i tə'yalən ookapai gə, ipu gaptə gwanirə mu'ka naa tingtəm. ²⁶ Ama i ree gwe̱nə andə ya? saarəz ya? Nn n pu doosəkəndə ar an saarəz. ²⁷ Ura az uzi i biitə ullə paa gee, " gwenəm npu tomtək tombaaza miizə, moorə mu'ka ura go'rəska bila moorə mu'uz. ²⁸ Npu doosəkəndə mariya kita ki' i dingəi rətə' yas, maza ar Yohaanas piipa. Nariik tele ura pu waani gwanta Billəttəz aru an. ²⁹ De mari yas i gee ri'eri, naa gə iya i kwee sookai i esə timr. Bil pu iya Yohana bo'si Batismairə tə. ³⁰ Ama Tori naa biibaiya Yahudaawairəi, sə gwan bo'si Batisma pai i waagəs go'numa Billəm naa zuta gwanirət. ³¹ Sə n riigəska mariya dənnandəi naa anya? ³² I gookəngo naa yagiya ipu beerəkrəi, ipu pakənkarə gwanirə tə' kai gee, e uusən gul i nau nau pa, e gau wagər i go'pa. ³³ Ri'eri Yohaana zaa regə guraasa pa bo̱' maama inabarəm pa, inge puna zam. ³⁴ Waa maz zaa pu rekrə, pu bo'okrə, gə i mu'su ipu dookrə inge, gwenən maza naa sutumbaaraz ura bo' maamma inabirəm kettaz. umgwanz iya i kwee sookai rəz, naa iya naa hakkeiyairəz. ³⁵ Ama meekaa Billək pu yi'sək yangiya ulləirə yas. ³⁶ Ubla ukarə Farisaawaaz uza oorə Yeeso na retə rek naa bo' boorə gwa. Sa'kaa Yeeso tossən pu Farisaawaaza ezirə gwa'az, gau teebullə nok reka rek. ³⁷ Kita kiiza naa hakkeiyaz uza keetə dellirə. De ge̱e̱ bonge Yeeso pu Farisaawaaza ezirə gwa' nok reka rek. ³⁸ Pe' malla waaga albastarət dəənkak. Ree de' Yeesorə pourə, pu go'okrə ma' nuusəka denta ullət naa meema ulləm. Sə ra'as naa suka gwandək zullək, kugɓusu dəntə sə wo̱o̱su waag dəntə. ³⁹ De Farisaawaaza detə Yeeso ezi og ri'eri sei sundə gwandə timlə bnge, maza az naka tombaazi ka meegəsme̱e̱n kita kiiza pu pokrəkuro az, ura naa hakkeiyazzi." ⁴⁰ Yeeso iisu bonge, Simon N doosəka una. Bonge lamz doom'' ⁴¹ Yeeso doosu bonge, " Maz uza ura esə gimras duu mari uri ittəko we̱e̱s, duu ura muzəz sulei zu' gbonaarə, ura muzəz boo duu sulei zu'ittei naa komnai. ⁴² De i puna we̱e̱ssa i tokkənas pa, sei daasi gwani ittəkə, iya ittəkə eirə te'ka, neezi ark iika mazzirə ya? ⁴³ Simon iisu bonge, N pu sundəkrə mində timlə minge ura i daasu wees gbi'səs saz,'' Yeeso iisu bonge, "A doo pu wessa.'' ⁴⁴ Yeeso yerə kita kiiza ezirə sə doosə Simon bonge, "A og kita kiiza az. N totə moorə gwa' a ese maama neksəka dəntəm pa, ama ur ese, neks dənta miit naa meema ulləm, gəbən ra'as naa suka ullə zullək. ⁴⁵ Moo a kuwe pa, ama ur diga zo̱o̱ra N totən allə da̱a̱ kubdəka dənta miit pa. ⁴⁶ Moo a woose waag zullə pa, ama ur woose dənta miit urdi. ⁴⁷ Noka ri'ik ura puna hakkei gənɲa sə i ra'səsui yas ar an gba̱a̱karə, ura naa gba̱a̱ka gbi'kiz ra'susu gbi'ni, ura naa gba̱a̱ka topaz boo i ra'susu topa. ⁴⁸ Sei doosə kita kiizi onge, "I ra'səsapu hakkeiya mooi.'' ⁴⁹ Iya ipu gabtə yam naa urai, i ma'pagn gwanirə te' bonge, "Neezi ura ra'az hakkei az ya?" ⁵⁰ Sei Yeeso doosə kita kiiza ezi bonge, "Eska timra mool ke̱e̱sapu ri'gəm naa gapta wessat.''