¹ De bo'rum, ubla əngəskənarə, Yeeso bassə te'ka, sei kubrubaiya ullə i abdə renta Alkama sə i təu, sə i təwi mu'ka mu'. ² Ama Farisawai uri i doo bonge, nok an sə i bo'rə ina go'pan ubla əngəskənarə ya? ³ Yeeso doosi gee, i zangə ina Dauda bo'rən bəlla busum gomlullə paya? Ur naa mariya ipu yammai. ⁴ Ree gwaaga Billəkrə, sə pe' burodiya ogsus, sə regu , sə esu mariya ullə i ri'gə yammai ina regu, nok burodiya ezi riirin, sei firissii iregu kotto. ⁵ Sə doosi bonge, ''Waa Maz uzi Dangwanza ubla egəskənarəz. ⁶ Ubla əngəska uka tottə, sei tor gwaaga Billəkrə sə kubrusən mari. Sei maz uza naa zok bo'sənk na'ukarə. ⁷ De biibai naa farisaawai i gwenu oomi o' nok i ii meeka, koo ləəgə go'sək gon mazzi ubla engəskənarə ya? Səbo kinə bilaa bo də'kunuk. ⁸ Ama meegəsən pu ina i sundən, sə doosi bonge, ura naa na' bo'sənk ezi, ''Na ruutə sə na de' te'eri.'' sə mazzi ruu de' iirə te'ka. ⁹ Yeeso doosi gee, n pu deskəndə go'gon ubla engəskənarə, a bo'rə tomsa oomiz ya? koo a bo'rə ina go'pan ya? ¹⁰ Sei ko'sini nor gwani yas, sə doosə mazzi na yiitə na'a ullək' de yii sei gəə oomi. ¹¹ Sei baar sugi gwnai yas. sə i pag gwanirə te' i doo bonge, a bo'ok riga naa maza az ya? ¹² Ru'a eirə sei dək ge'rəpaa, sə weerə gon muzə, weerə Bil haa ar oosu roo. De ar oosapu, sei der mariya ulləi ina zaa. ¹³ Roozi sə təəgə tombaiya komna naa ittəkəi, sə deri tombai. ¹⁴ Ri'tiya kubrubairəi uyi, siman ura i deru Biturus saz, so'za ulləz Andrawus, Yakubu' naa so'za ulləz Yahaya, Filibus, Batalamawus. ¹⁵ Mata, Tooma, Yakubu waza Halfa rəz, Siman ura i deru Zalotis, ¹⁶ Yahuza waza Yakubu rəz. Naa Yahuza ura yinguz. ¹⁷ Yeeso tiitə naa ii yiigirə, sə i de' yamma gɓerma allə naa bansa mari diga Yahudiya naa Urusalima, naa gəbən ɓapsa gbənaa Taya naa Sidonak rə. ¹⁸ I zaa geekurə naa gəbən na go'osbo kunttə somaso, haa naa zama go'pam. ¹⁹ Ko neya bansa mariya eiyirə te'ka, yaanu, ama go'si yas sə i go'os. ²⁰ De gwenə kubrubaiya ulləi sə doo bonge, iya naa sə'səmaiyi iya una pisipai, gwanta Billǝt a iiti. ²¹ Iya naa sə'səmaiyi iya woduu gomii i eski rek, i kink, iya naa sə'səmaiyi iya ipu wərarəi nok kink yaksa zok. ²² Iya naa sə'səmaiyi mari ina mu'sən sə ina yiisən be'səm naa enkuu nok waa maz. ²³ Zok na yagən nok ipu naa baksiya gbi'zaz billə paa, nok domdaiya iimaa i bo'sə anabawaiya do̱o̱i ri'eri. ²⁴ Ina yirkurə ii mariya naa na'ai nok i geesapu tintuma iim, ²⁵ Ina yirkurənni iya baar dagənai nok woduugonkən, ina yirkurənni iya ipu mandəkrək ri'ak ai nok i go'ok wəra naa wagər. ²⁶ Ina yirkurənni iya mari i zanənai, nok do'ga mariya ii i bo'sə anabawaya songbrəi rii. ²⁷ Ama Npu doosəkəndə iya ipu ke'ek to'rəi winən maza mu'sənnaz sə i bo'su ina oomin. ²⁸ Sə'sən iya i mu'sənai sə i weerəsə iya i ɓəsən baarai Bil. ²⁹ N pu doosəkəndə, maz na be'a laktəka na' ukarekrə yesmu a na' go'narək bən, gəbən maz na pe'sa yallu a moou daksumu naa borgoa mooz yam. ³⁰ Maz na oora una esmu, maz na pe'es una iirə kai doo bonge, na gətnən pa. ³¹ Ina a ii monge ina bo'səbo eni, moo maa bo'səm mari ri'eri. ³² Ina bo'sə mariya i bo'sən go'numaiyi, go'num kotto an baksəkən ya? Ko mariya naa hakkeiyai maa i bo'rəbon rii. ³³ Ina yii go'num naa mariya i bo'rə go'numai tangə, kinək baksi andə ya? Koo mariya naa hakeiyai maa i bo'rə bon ri. ³⁴ Ina esə gimr nok mariya i gənkənai kotto gə, i kinək anya? koo mariya naa hakkeiyai maa i bo'rə ri'eri paya? ³⁵ Ama iin mariya i iin pai, sə i bo'si ina oomin, esni gimr naa gənkəna pa' moi i kink faasəm gbi'mim. ³⁶ Gamn naa go'num nok Daa iiz maa puna go'num. ³⁷ Kai zeesə mari bispa, nok ii maa i zeesəkən pa. Kai ɓə'əz mari pa, moi maa i ɓə'əskən pa. Ra'səsən mari laatəra iil, moi maa i ra'səskən. ³⁸ Essən mari, moi maa i eskən gənɲa. I riisəkən naa ker go'na haa sə kuurə dii. nok naa kəra i riisə urikki sə i riisəkənən. ³⁹ Sei gə esi re'sa pak uka gee, Ruz le'eklen sə gèèsə doowi ruz uza bila ya? Na bo'rum ri' gə, gwani yas i kassək dullə. ⁴⁰ Kubribaaz ar lamza ulləz pa, ama na kubrə səna le'oomi le'elen sə gau ni lamza ulləzzak. ⁴¹ Nok an sə a gwenə laatəra doowirəl ya? Ama a og laatəra mondəl paya? ̧ Nok an sə a doosək ungwanza mooz monge, də'əm n pe'səssa waa silla morə nollə ya? ⁴² Ama ale' pe'səka te'a mondə nollək paya? Moo Dankaame, pe'səm te'a pu mondə nollək zanga sə no' ina taasa wessa sə a og ar, sə a le' keesəka waa silla ungwanza moozə nolləl. ⁴³ Nok te'a oomik le'ek sə reu bumbi pa. Gəbən te'a go'pak le'ek rekkpa yangiya oomii pa. ⁴⁴ Nokarik, i le'eklen sə i mee te'a oomik yangiya ulləi rə. Nok mari i au mangoro kəptə paapa. ⁴⁵ Maza wessas bo'rə ina oomin, nok sudumiya wessai ipu ullə timlə, ama kobənaya enka baaz bo'rə ina go'pan, nok sudumiya i go'paiyi ipu gondə timlə. ⁴⁶ Nok an sə i de̱re dangwaz, dangwanz sə i bo'rə ina n doosənan paya? ⁴⁷ N pu dosəkəndə maza zaa miirə sə gee paka miik, sə kamn toms wessas. ⁴⁸ Mazzi puni wombaaza ze' ar kurka gwaag ullək ka'rə paak, wuugum zaa ɗu' gwaagi, ama kasəpa nok i womsapa oomi. ⁴⁹ Am ura ke'to paka miikrə sə bo'rə ina n doon pas. kwe̱'kənkwe̱ naa wo'rirə paa kur wessa pas. wu'gum ruutə, zaka gwaatə ɗu' gwaagi kasə yas go' gwenka pa.