¹ Ri'ak bo'rə sapu də mari i dakən Yeeso rə pourə ipu ge̱e̱k paka Billək rə, pu də'narə popsa badəra Zanisaratəllə. ² Og ɓarəm ittəmə de'narə popsa badəllirə. Mariya i kam duktai i keegəs, ipu neksək yansa iirə kamkpa duktəssə. ³ Yeeso tor ɓarka mu'kəkrə ɓarka Biturus sək, sə ooru na bagə səəsəka ɓarki maamrə te' topa, sə gau te' sə kubrusən mari gbarki rə te'ka. ⁴ De' ɓams pak sei doosə Siman bonge, ''Ke̱e̱tə təm ɓarka mo̱o̱k ara sur ak rə, sə a me̱' yansa mo̱o̱s,'' ⁵ Siman iisu, sə doo bonge, ''Dangwanz, e kam tomz tuks bo'or ama e kam una pa, ama de a doo pu gə̱' n faksək yansa miis. ⁶ ''De i bo'rə ri'eri sei i kamtə dukt haa sə le̱ ei, yansa iis ni taasək tannak. ⁷ Sə i der iya ipu gwani rə pourə ɓark uka rə, sə ina za do̱'su borə. I zaa sə i yi'is ɓarəm mii yas, haa ni i ɗumsək dii. ⁸ Siman Biturus de og rii kasə Yeeso rə mu sə doo bonge ''Ri'gəm ari nok mii maza naa aibeszi Dangwanz.'' ⁹ Nok zok me̱e̱su pu, naa iya ipu yam ai yas, naa gə iya ipu yam wo̱o̱ma ekirə roo i pe̱'tii. ¹⁰ Yakubu naa Yohana, waza Zabadii rəz, kura gwageya Siman dəz. sə Yeeso doosə Siman bonge, ser kana kama pa, nok diga wonka rekarə mu' a kamkp mari.'' ¹¹ De i kamtə ɓarka iik kaaka allə sei i daa eri yas sə i duu. ¹² Sə reks haa ara rən dəl ullakrə, ur uza puna kunu a bə̱dəmrəu eri. De' og Yeeso sei kas gwandə mu' sə sə ooru doo bonge, ''Bil, moona Ii gə, neksəme ooka pa.'' ¹³ Sə Yeeso yii na'a ulləi sə pa'u sə doo bonge, ''N Iisapu go̱'səm , ''lo'pa sei bədəmmi ra'səm. ¹⁴ Sə doosu bonge, kana doosə ko maz pa, doosu ri'eri, ''Ri'gəm rigətta moot, a ree yii zura mool tozzə, sə a esə hadaya nok go'oska mook ni Musa doon ak. Nok səna yi'is dooka eki.'' ¹⁵ Ama ina bo'rəm eni yas dəl, sə bansa mari i zaa sə boo gee ina kubrusənnan, naa sə boo go'os kuntə. ¹⁶ Sə ke̱e̱ naazəz ara uza pinpakrə sə we̱e̱rə. ¹⁷ Rəkte təpu ubla uka a kubrus kəndəkrə, ama Farisaawai ipu roo naa lamiya bisəi iya i keetə dəlme soma-so'o̱i, buta Galilittə naa Yahudiya, naa gə iya i keetə dəlmeya Urselima airəi. ''Gbi'kəma Dangwanz zəm puna ur haa sə i go̱'sək. ¹⁸ Sə yar mari uri i zaa ullə, naa gbə̱ə̱tə naa uza ura pu boosən zəz zaz , sə i laa bilàa i torkunuk sə gbou Yeeso rə mu'. ¹⁹ I kin bila i trorkunuk pa, nok bansa mari aa ai i dag, sei i gbər rollə paa, sə i zu'ttə mazzi gbətətra ulləllə, mariya eyi rə te' Yeeso rə mu' ²⁰ De Yeeso me̱e̱men sundumeya ii, iisi sə doosi bonge, ''Nok an sə i sinkən ində timterə ya? ²¹ Dooka pakki ar ya, aibei a mooi i ra'səsai pu, ko dooka gee ruum a ri'gə?' Sə ina mee Waa Maz punaa gbi'kəm dəllə sə ra'sək hakkei ai, N doosa ruum, a pe' gbəttira mool a ri'gə gwa''' ²² De Yeeso me̱e̱men sundumeya ii, iisi sə doosi bonge, '' Nok an sə i sinkən ində timterə ya? ²³ Dooka pakki ar ya, aibei a mooi i rasəsai pu, ko dooka gee ruum a ri'gə?' ²⁴ Sə ina mee Waa Maz punaa gbi'kəm dəllə sə ra'sək hakei, N doosa 'Ruum, a pe' gbettira mool a ri'gə gwa.''' ²⁵ Lo̱'pa sei ruu paa gwani rə mu' sə pe' gbəttira ulləl kissən eli sə ri'gə gwandə gwa,'' Sə no̱o̱s Bill. ²⁶ Koo bənaya zok məsu sə i no̱o̱s Bil. Ser kamu sə doo bonge, ''N og pu neta ar, neta məsum rət wonka.'' ²⁷ De neta eti bo'rəms, sei Yeeso ke̱e̱ goo sə og ura ''Kwee sookaz uza i deru Laawi pu gamna rə ror iimma sookrəm rə sə doo bonge, duutəme.'' ²⁸ Sei Laawi ruu da̱a̱ netti yas. ²⁹ Sei Laawi bo'rə naasa gbi'sas nok Yeeso. Iya i kwee sookai uri ipu roo gənɲa naa mari uri ipu rek reka rə ara i regən rek ak rə. ³⁰ Ama Farisawai naa biibaiya eyi ipu doosək kubrubaiya ulləirə gee, nok an sə a reg sə a bo' naa mariya i kwee sookai naa bən iya naa hakei yai ya? ³¹ Yeeso iisi gee, mariya ipu wessai una kassi naa lamz pa sei ko iya ipu naa kunui. ³² N zaa nokka iya i puna goonəmai, sə ina pu' na' pa, ama nok derka iya naa hakei sə ina pu' na' ³³ Sə i doosu gee, ''Kubrubaiya Yohana rəi, i riirin riiwa bo'ka maam rəl sə weerə, naa gə kubrubaiya farisawai rəi, i bən i bo'rə rii. Ama kubrubaiya mooi i regə sə i bo'. ³⁴ Yeeso doosi bonge, nezi irə te'ka sə ka kam kiiz, sə daks doowiya ya'azəi sə ina rii riiwa rek rəw wak'kateya ya'aza kam kiiz ezi piin erə te'ëzzə ya? ³⁵ Bəl ulla pu zakrə i pe'sək pen ura kam kiiz az doowirə te', ru'a eirə zi sə riik riiu. ³⁶ Yeeso doosi re'sa pak. ''Ko uza muzo sə taaz yaluwa pouwaw sə borən yaluwa dowaw ya, nok yaluwa doowa ewi ka taaz tan səka daa a pouwaw. ³⁷ Maza to' maama inabirən pəmmam yəəga do̱o̱kak rəz piipa. Nok maama inabirə pəmma emi ka da'titə yəəga dooka eki səka kuus buttə. ³⁸ Ama maama inabi rə pəmmam to'zok yəəma pəmmam rə. ³⁹ Ura ka bo' maama inabi rə do̱o̱mam sə ka la' a pəmmamaz piipa nok dook gee, maama inabirən do̱o̱ma emi ar an.