¹ Yeeso yi'is zok naa Rums, ni gətən womaa Urdunakrə, sei Rums neu rekarə doolo roo. ² Ru' zu' ittə, Setan gwegu. Ru'a eirə regə ko unapa bo' koo unapa, busum kamsupu. ³ Seetan doosu bonge, "Na moo Waza Billəzzi gə, doosəm billa al nayerə Buroodi.'' ⁴ Yeeso iisu bonge "Pu biisinən, naa buroodi zi kotto sə maz kink zəngs pa.''' ⁵ Gə seetan kamu yiig ukarə ar ye'na sə yiisu neta delləz naa gbi'kəma ulləm yas. ⁶ Sə seitan doosu gee, n eska neta at naa gwanta naa gbi'kəmma ulləm yas, n bo'rəri nok i essessepu bila mina gau gwanta root, nka le'len eska ura gosez. ⁷ Nok ri'ik mona gu' dii sə mona no̱o̱se, yas yerəpu a moon.'' ⁸ Ama Yeeso iisu bonge, "pu biisinən, a noosək Daa Billa mool, gon muzozi sə a esku gbi'kəm. ⁹ Sei seetan ren Yeeso Ursalima rora gbi'la i wommallə, sə doosu bonge, "Na moo waza Billəzzi gitəm diga eri. ¹⁰ Nok pu biisinnin gee, tomtək malaikaiya ulləi sə ina kweesa. ¹¹ I təka paari gwanirə nattə nok bo'ta sə a kasə billə paa.''' ¹² Yeesu iisu bonge, 'A gwek Daa Billa mool pa.''' ¹³ De' Seetan ɓams gweka Yeeso, sei duu rekarə mu'ka topa. ¹⁴ sei yeeso gəə Galiili yi'sənzəz naa Rums, dooma ulləm yas at yanga dermiya eirə. ¹⁵ Sə kubrusən gwaaga Billəkrə, sə mari gənŋa i zanu. ¹⁶ Ubla ukarə zaa ara dagənakrə ni kèèsən go'karək, tor rollə ubla əngəskənarə, ruupaa nok bo zangək. ¹⁷ I esu rababaaza Ishaya rəz gbe̱'rə rababaazi sei og ara i biin gee. ¹⁸ " Rumsa Billəz pu miirə paa neksəpu mina doosə mari paka go'ok, mina doo paka mariya i diktiirək gberəka no' mina kees mariya ipu ɓasuu rei. ¹⁹ Mina doo ublaa Daa Bil bo'kən go'numak.'' ²⁰ Sei gbe'es rababaazi sə esu tombaiya rollirəi sə gau dii, mariya ipu rollirəi i tossu no'rə. ²¹ Sei ma'pak sə doo bonge," paka ak yi'sapu iirə to'rə.'' ²² Iya ipu eri məsəm kami nok paka ullə doo wessa eki, sə i dooka gee waza Yusufu rez aa az paa?'' ²³ Sei Yeeso doosi bonge, i re'səkeren pak zəma."Moo lamz go'səm mon, ina a bo'tə Kafarnahum an, bo'təmee moondə dellə ang yam.'' ²⁴ Puu doosi bonge, ''Zəmazi N pu doosəkəndə anabi no̱o̱s zok gwandə dellə pa. ²⁵ Zəmazə' N pu doosəkəndə, do̱o̱ ru'a Saarəza Billəz Iliya rəirə, tuuki gənɲa Israila, ru'a maam lanɲənpa wi' taarei naa seer bamrəirə, sə busum gomən wessawe buttirə. ²⁶ Naa ri'ik i tom Iliya uzarə pa, sei tuukuza gau Zarifat popsa naa Sidonnaz. ²⁷ Bədi bəlla Iliya rəllə, ama i go'os uzapa sei Na'aman a Suuriyaz gwan muzo.'' ²⁸ Mariya rollirəi baar suggi, de i ge̱e̱ ri'eri. ²⁹ I ruu i keesu dellə sa', i renu gida yiigrə, iyaanu veksku yirkarə. ³⁰ Ama kee gwanirə te'ka sə ri'gə ri'gətta ullət. ³¹ De ree Kafarnahum buta Halilittə ubla əngəskənarə, sə tor rora Billəllə sə kubrusən mari. ³² Sei kubruskənaa ullək məsi nok i ge̱e̱ paka ullək puna gbam. ³³ Uza puroo naa rumsa mairəz, woosu' paari gee, ³⁴ "An kassee naa moya Yeeso a Nazeretas? a zaa wo'sekeerə ziya? N meyamen koo moo neeziya moozi Waza Billəz!" ³⁵ Yeeso bi'sə maaz ezi gee" Gɓə'səm ri'ak, keem ullə zokrə " sei maaza ezi me'su dii marirə te'ka ama bəssu pa. ³⁶ Mari yas inni məsi sə i doo gonirə te'ka gee, irim maza pazzi har sə bi'sə rumsa maairə naa gbi'kəm naa gbam ya? ina kee sə i kee ya? ³⁷ No̱k riizi ii maa doom a ulləm dəlmə a pourəi rə. ³⁸ Sei ke̱e̱ sei tor rollə Simon də gwa. Simon boo guneriya ulləz pu yaa lə naa wo̱o̱su, sə oorə nok ur. ³⁹ Sə re də gwandə paa, sə yengsə wo̱o̱suwa ewi, sə markən naa ur, lo̱'pa sei tor tomsə. ⁴⁰ Də ubla witə, mari i kamtə Yeeso mariya naa kunt ɓəse be'ei. sə yii na' a ulləi, sə go'si i tele. ⁴¹ Mai i ke̱e̱ marirə gənŋa. sə i doo bonge,'' Moozi Waza Billəz!'' Yeeso yəngsə! maiyii sə gəə ro'ni pak, nok i me̱e̱gəsa pu uzi Kweebaaz. ⁴² De ar oo laa ara mari piin pak sə rə gaptə. mari gəngəng i laagu sə i kinu, iyaa boka ro'nu kana dabo pa. ⁴³ Ama doosi gee gapsapu sei mina bo'rə paka Billək dəlme̱ gənggəng uki i tomtine ak.'' ⁴⁴ Sei ree mu' naa dooska mari paka Billək dəlmeya Yahudiya təirə yas.