¹ Wi'a Tibaariyas reksən wi' komna naa gbonaarək gwanta buta gbi'ta Roomattət, Bilaatus Babuntus pun gwantə buta Yahudiyattə, Hiridus pun gwantə buta Glilittə, zeewəza ulləz Filibus pun gwantə buta Itturiya naa Tarakumitis attə, Lisana boo pun gwantə buta Abiliyattə. ² Hananiya naa Kayaafa iiyi do'ga Firissiya Billəi, ru'a eiyirə paka Billək zaa Yohaana waza Zakariya rəzzə Doolo roo. ³ Koolə atta ɓapsa womaa Urdun natrə, sə doosə mari paka Batisma a pu'ka na'rəz zək, naa a ra'səka hakkeirəzzək, gee ina kwee Batisma səna yii i pu'sapu na' hakkeiya iirə i bo'ríirə, i səətəpu mis Billə pourə. ⁴ Neta eti bo'rum ni biin zok rababaaza anabi Ishayarəz doo bonge, "Gweraa uzarək dersu' Doolo roo, 'Sə doo bonge, go'rəsən billəta Daa Bil duukənat. ⁵ Yi'sən yirkət, waagəsən yiim naa gbakse yas, leesən bilitta ko̱'os yasat, go'rəsən bilətta oopat nayer ookapa. ⁶ Mari yas i og keeskaa Billək.''' ⁷ Yohaana doosə mariya i keetə nok səna bo'səbo Batisma eyi gee," Ii enka baiya ri'ai ni komiyak, nee doosən ina nog bissa Billə pu zakrə as ya? ⁸ Bo'rən tomtiya i yiik gee i pu'sapu na'ai, kai sundə timtirə gee Ibrahim eezzi pa, nok koo billiya airə te' Bil ka le'len eska Ibrahim yangi. ⁹ Nok i gapsapu bootus tə'katə naa diik, tə'a reu sə buruma wessa pam tele i dopsək sə i kos ra'rə. ¹⁰ Sei bansa mariya eyi i desu gee, sə ri'eki é bo'ok anya? ¹¹ Sei Yohaana iisi gee, ko neya puna yallən ittənəz naa kaasə ura pisu paz, ura puna rekaz ur bən na bo'rə ri' ¹² Iya i kwee sookai uri i zaa, nok səna bo'səbo Bstismai i desu gee, lamz eegə ena bo'rə anya? ¹³ Iisi gee, kai kwee na ar ina i doosənan pa. ¹⁴ Soozai i desu bonge, eegə e bo'ok anya? Ii gee kai kweerə wees koo neta marirət so̱ngb rə paa pa, pe'en ɓəska baar naa faasəma iim. ¹⁵ Koo neeya pu zo'ok zakaa ura Bil təəguz sə Bil tomtukuzzə, sei i pu sundukrə gwanirə timtirə gee, koo ləəgə uza Kweebazza rooz ya? ¹⁶ Iisi bonge, "N bo'sən Batisma naa maam, ama ura arez pu zakrə, ura N kwe' sə Nka bins gwe̱tta ullə tagrət paz, bo'səkən Batisma naa Rumsa Billəs naa ra' . ¹⁷ Kamsapu kəta gɓə'karət gwandə na'rə, nok gɓəska dokt naa go̱ni, dokta wessat to'ok werəkrə go̱ni boo i dooski ra'a gbampakrə. ¹⁸ Naa pagrəma emi sə Yohaana doosə mari paka tingkak. ¹⁹ De' Yohaana bi'sə Hiridus nok kamn Hiridiya kiiza doowirəzzak, naa gə neta enku bo'rot. ²⁰ Sei Hiridus gɓə' Yohana pursinarə naa ri'ik sə bagə hakkei a do̱o̱irə paa. ²¹ De' pu bo'sək mari gənŋa Batisma rə sei bo'sə Yeeso Batisma, de' pu we̱e̱rəkrə sei ara paarik gbe'rumtə. Sə Rumsa Billəz tiitə ullə paa ni goluzak, ²² sei gwéra paktə diga paari gee, moozi waza miirə N Iiuwaz N ge̱e̱ yaksa zok naa moo wessawe. ²³ Yeeso puna wi' zur naa komnai, wakatiya ma'an tomsa ulləsallə. Mari i pe' gee, ur waza Yusufu rəzzi, Yusufu waza Heli rəz. ²⁴ Heli waza Matat təz, Matat waza Leevi rəz, Leevi waza Malashi rəz, Malashi waza Zannai rəz, Zannai waza Yusufu rəz. ²⁵ Yusufu uzi waza Matiyas səz, Matiyas Amos səz, Amos waza Nahum dəz, Nahum waza Esli rəz, urbən waza Naggai rəz. ²⁶ Waza Mata rəz, waza matiyas səz, waza simiyon dəz, waza Yuseka rəz, waza Yoda rəz. ²⁷ waza Yohana rəz, waza Zarubabila rəz,waza Shiyaltiyi rəz, waza Wiri rəz, ²⁸ Waza Malik rəz, waza Addi rəz, waza Kosaama rəz, waza Almadarma rəz, waza Er rəz. ²⁹ Waza Yosi rəz, waza Aliyema, waza Yorima, waza Matat təz, waza Laawi rez. ³⁰ Waza Saminu rəz, waza Yahuda rəz, waza Yusufu rəz, waza Yohaana rəz, Aliyakima rəz. ³¹ Waza malaya rəz, waza mainana rəz, waza Matata rəz, waza Natan dəz, waza Dauda rəz. ³² Waza Yaasa rəz, waza Obida rəz, waza Buwaza rəz, waza Salmuna rəz. ³³ Waza Aminadab rəz, waza Adini rəz, waza Arama rəz, Hasruna rəz, waza Farisa rəz, waza Yahuda rəz. ³⁴ Waza Yakubu rəz, waza Isaku rəz, waza Ibrahim rəz, wazaTera rəz; waza Nahor rəz. Waza Seruk rəz, waza Reyu rəz, waza Feleg rəz, waza Abiru, waza Seelas səz. ³⁵ Waza Kainana rəz, waza Aifaksada rəz, waza Seem rəz, waza Nuhu rəz, waza Lamek rəz. ³⁶ Waza Metusela rəz, waza Anuhu rəz, waza Yaret təz, ³⁷ waza Meshalel ləz, waza Kainana rəz. ³⁸ Waza Enos səz, waza Stiitu rəz, waza Adamu rəz, Adamu boo waza billəz zi.