¹ Sei bansa mariya eyi pat, i kamtə Yeeso Bilatussə mu. ² Sei ma'au dogdukunu naa pagn gee, "É oks maza az laksik mariya eeirə, doosi bonge kaina esə sook Kaisar pa, gəbən doo bonge, boozi Kweebaaz. ³ Bilatus desu bonge, moozi gwana Yahudaawai rəz ya? sei Yesso iisu bonge, "Ni gwan a doo ri'eki." ⁴ Bilatus doosə firissiya gbi'kiyai naa bansa mariya eyi bonge, bo oks maza az naa aibəi unarəz pa. ⁵ Ama i ree mu' naa dooka bonge, pu ruusuk timtiya marirəirə. Koo araya buta Yahudiyat naa kubruskənaa ullək, Ma'tə Galili haa zan ang.'' ⁶ De Bilatus me̱e̱gəspu, sə des bonge ur maza Galilizzi ya. ⁷ De gee bonge Yeeso keetə ara Hiridus pin gwantəkrə, sei tom ina kamu Hiridussə. Nok zoora elirə Hiridus pu gwantə. ⁸ De Hiridus og Yeeso zok yagu, wessawe, no̱k diga məsəm rə bo̱'kan. ⁹ Sei Hiridus dedusu ama Yeeso kaa sunu su' pa. ¹⁰ Doga Toriya Billəi naa biibai i seetə mu' sə i ma'nu dokdukunu pagn. ¹¹ sei Hiridus naa soojai i ribdu sə i ɓandusu, i te'su yaluwa gwantəu sə i gennu Bilatusə mu. ¹² Hiridus naa Bilatus umkeereiyi ama ublaa rookrəzi í gau doowuns. ¹³ Bilatus daks firissiya gbi'kiyai naa mari yas, ¹⁴ sə doosi bonge, "I kamtə maza az inge pu ru'guska marirə. N dedusu ində mu' n kinu naa aibə neta i doo ullə paa etirə pa. ¹⁵ Ri' bən Hiridus kintu naa ina too ka iwun zok pa gwanti sə getnu arrək. ¹⁶ No̱k riik n tosuk ina ɗa'au sə n fasku. ¹⁷ Doolezi Bilatus fassəki pursunaaz uza naasa paskarəssə.'' ¹⁸ Bansa mariya eyi i wo̱o̱ su' wookaa mukok gee, "Ipsəm maza az! A keetee Barnabas!" ¹⁹ I gbe' Barnbas pusunarə nok ruuka hakilo a marirəz haa sə ikpa maz uza Urushelima. ²⁰ Bilatus gə doosi pak nok ii faska Yeeso. Ama i mee wooguka sut gee, ²¹ "Ɓaanu, ɓaanu." ²² Sə gə doosi taaza roozo bonge, "Nok anya? Aibeya pazzi maza az go'ruz ya? N oksu naa abeiya i reks ara ika ipnukrə pa. nok ri'ik n dingsuku to' sə n fasu.'' ²³ Ama i na'as sə i de'su muko, gee sei ina ɓaa Yeeso. Wooguka suta iit arin gbam, ²⁴ sei Bilatus ɗe'sisi bisa iis. ²⁵ Fassi maza ii iiu na fasuz, waato ura i gbe'eu pusunarə nok ru'ka hakilo a marirəz, haa kamtə ikpa maz uza. Bilatus esÍ Yeeso ína bo̱'rə ina Í ÍÍn. ²⁶ De' soojai ipu ri'gəkən Yeeso rə, sei i sarə naa maza Sarinazaz riira ullə Saminu keetə waa dəl ularə, i kamu sə i gbaksu vaga rau na duun Yeeso sa'. ²⁷ Bansa mariya gənga i duu sa' eyirə te'. kitaki' uri i pii i go' sə i weerə su' nok ur. ²⁸ Yeeso yere iirə sə doosi gee, "Kitaki a Uruseliami, kai go' nok mii ama go'on nok zu'tiya ii na yangiya ii. ²⁹ Nok wakatə pu zakrə ara mari i dook gee, "Ina yaksa zokronni naa ku'mi, kitaki' a i meɗe' dingt koo aməska yangi pai! ³⁰ "Wakatiya ezirə mari i doosək yiim , "gbe' me̱e̱ sə i iwee!" Sə i doosə gbaksə, " Iisimee." ³¹ No̱k mari ina kame mii n pu ni te' a yiikak kak ri'ang, i kank iya ipu ni te'a kontunkak rigaya!" ³² Soojai i kam mari uri iitikə naa Yeeso no̱k ikpa. ³³ De' i reks ara i der nenga zurak, i ɓaa Yeeso vaga raurə, i gə i ɓaa iya ittikə eyi naa aibei ai vaga rattə a muzoz na' go'naa Yeeso rekrə, am muzoz na' ukaa Yeeso rekrə. ³⁴ Yeeso doo bonge, "Daa ra'səsmi nok i me̱e̱ ina ipu bo'okrən pa." Soojoiya eyi i mas yaluna ullən te' naa bilaa wo̱ka wo̱gəzzəz. ³⁵ Mari i de' ipu gwenku rə dooni bo ipu doosku səəra pakrə. I doo bonge, "Kwee uri; na kwee zura gwandəl me̱ na ur Kweebaaz Ura Bil tomtuzzi gə." ³⁶ Sojei bən i səə mis sə i doosu seera pak. I yiisu maama inabirəm yaanimam. ³⁷ Sei doo bonge , "Na moo Gwanza Yahudaawai rəzzi gə kweem zura mondol me̱." ³⁸ Naa ullə zullək i bii gee, "Gwanza Yahudaawairəz aa az." ³⁹ Muzo iya i ɓaai yam airə te' doosu seera pak gee: "Moo ura Bil teeguzzi paya, kweem zura mool naa ee me̱!" ⁴⁰ Ama ura muzoz yengsu gee, "Moo a serum Bil paya, de' moo naa ur i zeesən bisa musos gə? ⁴¹ Aa gə, bo'saa pu wessa, nok apu kink ina too tomtiya a bo'riiirə. Ama ur bo'rə aibe pa." ⁴² Sei doo bonge, "Yeeso sundum naa mii mona deg moorə gwantə." ⁴³ eeso iisu gee zemazi n pu dooskarə wonka a gapk naa mii ara okapakrə. ⁴⁴ De' ubla zaa te'kate' sei tegra gbe'es but ha rekarə awai bamro, ⁴⁵ nok ubla daa okuka, labule a gwaaga Billəkrə ses ittizə. ⁴⁶ Yeeso teg gwera naa gbam sə doo bonge, "Daa N pu esək Rumsa miis moorə nattə." De' doo ei'eri sei wər. ⁴⁷ De' doonza sooja Romaz og ina bo'rumman sei noos Bil bonge, zəmazi, maza az maza naa aibezzi pa ⁴⁸ De' mariya i tookən arki rəi nok gwensa i og ina bo'rummani i gee gwa naa gomta baar. ⁴⁹ Mariya i meeu ai yas naa kitaki a i duutu diga buta Galiilit, i de' ar ye'na sə i gwen neta bo'rummat. ⁵⁰ maz uza pii i deru Yusufu keetə dəl ularə i der Artimatiya buta Yahudiyattə. Ur maza punaa aibezzi pa, pu zo'ok zakaa gwanta Billətək. Pu dooniya i zees bisa Yahudaawai rəssə te'. ⁵¹ Ama ii ina dooniya Yahudaawai rei i dogən pa. ⁵² Ree Bilatussə sə ootə werka Yesso rəkl. ⁵³ Sei tiis zoka Yeeso rək sə ɓundusu naa yadiya liilindəz, sə tos gagəra i rag naa billə i meɗe ɓo'kɓa koo uza roo pakrə. ⁵⁵ Ublaa rook ubla go'ka zokkirekki, waato jumɓaarə. Ubla engəskaa yahudaawai rək seetə pu topa. ⁵⁴ Kitaki' uri a i duuto Yeeso diga Galiili i duu Yusufu sə i oktə gagəlli naa ni i gbagən zoka Yeeso rəkak. ⁵⁶ Sei i gəə sə i go'tə urdi naa waaga dəək. Amai əngətə ubal Asawe rə ni ro'oknaaz doon ina bo'runnak.