¹ Sei Yeeso doosə kubrubaiya ulləi, "N meemen net uta pii sə tosaa hakeirə, kak irəm maza ezi neta eti bo'runkpa ulləz! ² Tooton ika maasu naar dukru sə ika mangsu gbenarə, nok bo'ta sə kubrusən iya ye'kiyai sə ina deu de' ³ Gwenən zu'tiya indəi. Ur waza mooz na bo'sa ina go'pan, bi'sumu, na meegəs ra'səmui. ⁴ Na bo'sa aibe haa səna reks dən gbansa ubla rə, sə na oorə dən gbansa, sə naa doogə, "N bo'sa pu aibe," dolezi ra'səsəmui." ⁵ Kubrubai a ulləsi i doosə Dangwanz, "Baks mee de'eska timr." ⁶ Dangwanz doo bonge, "Ina ka punaa eska timr ni dokta mustatək, ika doosə te' na səə, sə te'a eki ka buks, sə see womarə roo, ka ge̱e̱n ge̱n. ⁷ Ama neya, naka punaa senza baasu baak koo neesu maiyaz səka doosu bonge zam ɓala a rek reka ya? ⁸ Koo ka doosu gee, bo'sə me tomsa as na ri'pa n ɗa'ka n eska reka pa sei mona ɓamspu, sə a reg reka sə bo̱' maam. ⁹ Iisək se̱nza ullə ezi useiko noka bo'rum tomsa too ka bo'ros ya? ¹⁰ Ri'zi bən Ii, ina bo'rəsa pu ina i doosən ina bo'sen, i doon inge boo, seeniyi. Ii bo'ok ina i doosənan. ¹¹ Pu re'gəgrə Uruselima, sə reks ɓapsa naa Samariyawai rə naa mariya Galili. ¹² De' tor dəl ilarə erizi sə i sar naa mariya komnaiya ipuna beedəmai, i detə uri i setə ullə pourə rə. ¹³ Ama i wootə su' i doo bonge, ''Yeeso Dangwanz, oksəmee yirkurə.'' ¹⁴ De' ogi, sə doosi bonge, "Ren i yii zura iil Firissə," De' i ri'gə sei i og i neesəsə pu zongna gwanirən ookapa. ¹⁵ Uza muzo de' og gwan goosapu okapa, yer gee sa' sə gee noosən Bil. ¹⁶ Sə zaa tangs zura gwandəl Yeeso rə dentə dii, sə Iisu usuko. Ur maza keetə Samariyazzi. ¹⁷ Sə Yeeso doo bonge, "N go'sən ii komna paya? iya pitti muzo pa ai ipu araya? ¹⁸ Maza gətə sə noos Billaz pii paya. Sei mara ginza az ya?" ¹⁹ Sə doosu bonge, "Ruum, a ri'gə. Eska timra mool go'sa pu wessa.'' ²⁰ Farisaawai i des gee, ri'eki gə gwanta Billət zak benaya? Sə Yeeso iisi sə doosi gee, "Gwanta Billət zak ni neta i gwen atak pa. ²¹ "Nok i dooskən bonge, "Gwenən aa at' koo aa aa'eti; gwenən, gwanta Billət pu ində te'.'' ²² Sə doosə Kubrubaiya ulləi bonge, "Ublut pu zakrə ara i iikən oka ubla muko a Waa Mazzək ama i okpa. ²³ Sə i dooskən bonge, "Gwenən aa ezi, gwenən aa az! kai ree pa, kai duuyi pa. ²⁴ Ni oosa okən wessak ina veklitə kwalirə paari sə okəm ara diik koo paa ak, ri'eri zi bən Waza Mazzəz zak ubla ukarə. ²⁵ Ma'karə dooləzi gberka baar somaso, zanga, haa mariya zamanuwazzəi i mu'uskun. ²⁶ Ni bo'rum naa Ru'a Nuhu rəi rək, Ri'erizi bo'runɓa ru'a waa maz zakni rə. ²⁷ I pu rekrə, i pu bo'ok rə, ipu kamrək ki' rə, ipu keesək yangirə kiimrə, ni ublaa rə toosən ɓark rək, sə maam langtə laks net yas. ²⁸ Ri'eri zi, ni bo'rum ru'a Lootui rəi rə, ipu rekrə, ipu bo'ok rə ipu woomrəkrə. ²⁹ Na gə bo'rum na ru'a Lootui keen Sodom sə ra' keetə billə paa sə zaa doos dəl sə laks net yas. ³⁰ Ri'erizi sə bo'runɓa ru'a waa maz zakni rə. ³¹ Ublaa ekirə ura pu rora paarilləz kana tiitə sə bo de'ettə net gwaro pa, ri'zi bo ura pu O'kaz kana zappu pa. ³² Sundun naa Kiiza Lootu rəz. ³³ Ura ii zura gwandəl az, kink pa, ama ura mu'us zura gwandəl az kink kin. ³⁴ N pu dooskəndə, tuksa neta eti bo'rungbunas, mari ittikə i kisik kit at muto, i pe'ek uza i daak uza. ³⁵ Kitaki iitikə ipu nank naalə yam i pe'ek muzo i daak uza, ³⁶ Sei kubrubaiya ulləi i desu gee, "Ina eni bo'rungba araya?" ³⁷ Yeeso doosi bonge, ara ina weran pinnak erizi dogɓai i tookən.