¹ Yeeso doosə kubrubaiya ulləi gee, maza naa na'az uza pii puna tombaaza ulləz, sə i doosə mazzi gee tombaaza ulləz pu laasku neta zukattə. ² Sei maza naa na' ezi deru sə desu gee, anni N gee morə paa ri'anya? doosə me ni' a kamkpin neta miitak, Nok a gakp tombaaza miiz gəbən pa. ³ Sei tombaazazi doosə zura gwandə gee, n bo'ok rigaya, de' Dangwanza miiz kees ke ken tomsə paa. N punaa gbama pakrəm pa, zur bo degə dən oorukurə. ⁴ N meemen ina n bo'rukkan, nok ina keesə pu tomsa assə, mari i kweekə kwen gwanirə gwaamittə. ⁵ Sei tombaaza der mariya dangwanza ulləz pu duuki giməli yas, sə des ura seenzaz gee dangwanz pu duukarə rigaya? ⁶ Doosu gee waaga zaitun dekki zu' gbenaarə. Sə gee, gamdii, kween rababaaz a bii zu'tə naa komnai. ⁷ Gəbən doosə uza gee, i duuwa rigaya? gee alakama zu'gbenaarə.Sei tombaazi doosu gee kween rababaaza mooz a bii zu' narə. ⁸ Dangwanzi zan tombaaza go'pa ezi nok ɓe'kuwa ulləu, ri'erizi yangiya yangiya ri'kakkai i arin an yangiya oosarə ɓe'ku. ⁹ N pu dooskəndə kamən to̱ms naa ina pissin dəllən no̱k po'ka mari. No̱k naa weesa roos səna tomo, Bil səna kween gwanta ulləttə. ¹⁰ Kooneya puna go̱'os kampka neta toppattə paa, le'ek bo'ka toms neta gənɲattə pa. ¹¹ Ina go'ro go'numneta go'pattə paa pa, nee iisəkən neta wessattə paa ya? ¹² Gəbə ina bo'rə go'num wessa uza rəzzə paapa, nee eskən weesa indəs ya? ¹³ Koo neya le'ek nooska dangwani ittə yas gə piipa, koo mu'suk a muzoz sə gbaa ura muzoz, koo mu'suk uza sə ḅe'es uza. ¹⁴ De Farisaawaiyi iya i íí wessai i doo bonge, neta eti yas, sə i lodi. ¹⁵ Sei doosi bonge, i íí nekska zu'təya ii marirə mu'ka, ama Bil meemen timtəya ii. ¹⁶ Dooka naa anabaawai ipu tomsə haa zakaa Yohana rəkrə, diga zoora elirə ipu dook paka gwanta Billəttəkrə, íí boo ipu yaakən torkarə roo. ¹⁷ Noka ri'ik ar an kinkarə, ara paak naa dəllək le'ek len ɓamkpa, ama paka miik koo muko kassək buttə pa. ¹⁸ Koo neeya na fas kiiza ulləz sə kam kiiz uza som, bo'rusapu zina, gə maza kam kiiza i fasuz, ur bən bo̱'rəpu zina. ¹⁹ Maza naa na'az uza pii, te' yaləna gbi'kəmrəm sə gee tingnum koobenaya naa neta pisut. ²⁰ Gə ura naa zaamaz pii i deru Liyazarus gau ullə sogna gwaagrə koo benaya sə oorə oruk, nogrəm yasapu zoka ullək tele. ²¹ Yaan reka rutəya i kadəi, ura naa na'azzə teebulləi, haa sə zai teelə nogruma ullə zokrəm. ²² I pu ri'eri sei oor baaza ezi wer, sə tombaiaya Billə i pe'eu i kamu Ibrahimrə, maza naa na'az bən zaa wer i iisu. ²³ Pu gberk baalə ra'rə te' sei teg muug sə og Ibrahim ar ye'na naa Liyazarus ullə mu'ka. ²⁴ Sə deru gee Daa Ibrahim oksə me yirkuwa miiu, a tomtə Liyazarus na ɗumo nendəza ullə maamrə səna ɗeksə se meelə, nok n pu gberk baalə ra'ak rə te'ka. ²⁵ Ama Ibrahim desu gee, waz, sundum ru'a a pinni naa zəngsai, apuna neta wessat a iit tele, ama Liyazarus bo ɓətə baar. ²⁶ Ama ri'ak bo pu geek tignumrə ari moo bo apu ɓerka baalə te.' Koo naka ri'pa ma, dura surka pal pii arə te' nok iya i íí ga'tika iirəi kaina le'pa, iya eerə bo ikana le' ga'tika iirə pa. ²⁷ Sei ura naa na'az doo bonge, n pu oorukarə Daa Ibrahim, tom Daa miizə gwa! ²⁸ Nok n punaa ungwani yaramari gbenaarə, na ree na dinsi to' nok kaina zaa tor ɓerka baara allə pa. ²⁹ Ama Ibrahim doosu bonge, ipunaa Musa naa anabawai, ina ke'si to' pa. ³⁰ Sei ura naa na'az iisu bonge, ri'pa Daa Ibrahim, uza naka ruutə roobaaamrə, sə naka ree iirə, ika pu' pu na; ³¹ Ama Ibrahim doosu bonge, ina geesə Musa naa anabawai pa, koo maz naka ruutə roobaamrə ika geesupa.