¹ Mariya i kweeu sa'kai naa mariya naa hakeiya ai i zaa Yeeso rə i geeu. ² Farisaawai biibai, i wiirə pak gee, maza az bo'rə gwans naa mariya hakei rəi haa sə gə reg reka naa ii. ³ Yeeso dosi re'sa pak gee. ⁴ Uza muzo iirə te' naka punaa mai zu' gbanaarə sə muzo naa yaa, daatək iya zu'narkə naa pittimuzo pai ne̱e̱ro səgə laatə ma'za yaaz haa sei na kintu a muzo ezi paya? ⁵ Na kintu ko'guttku bigarə naa yaksa zok. ⁶ Na zappu gwa, toogusuk doowiya ulləi naa iya ipu ullə pouroi, sə doosi gee; do'sinə yaksa zokrə, n kintə pu ma'za miirə yaa ezi! ⁷ N pu dooskəndə ri'eri zi bo'ok yaksa zok paari, nok maza naa hakei az muzo na pu'na' ar an mariya zu'naa komnai naa pitti muzopai, a i ii pu'ka na' pai. ⁸ Nee kitakiizi, naka punaa wessa suktunsas, sə muso naka yaasu, ka gaps fitila sə ka koo gwaag, səka laagu haa sei naka kinsu pu zanga pana? ⁹ Na kinsupu derk ungwaniya ulləi naa iya i gau ar mukoi, sə doosi nee do'osnə yaksa zokrə, nok weesa miirə yaas n kinsapu. ¹⁰ Ri'erizi n pu dooskəndə, ina yaksa zokrənni tombaiya Billəirə mu' maza na naa hakeiyaz na pu' na." ¹¹ Yeeso doosi gee, maz uza pii ura punaa yanga yaara mari ittəkə. ¹² Ura waiyaz doosə Daa gee, matəm ɓint, a esə mii n ka kinən zaudi a moozə te. ¹³ Ura waiyaz ezi, de' ru' i ar topa daks neta ullət, ri'gənəm but uta rə ar ye'na, aa eri wo'oto weesa ulləs, yibdin neta toopat naa bo;on ina wessan pa. ¹⁴ De' gbamz pu neta pisut yas, sə wodu keetə buttirəwessawe, una pisu pa. ¹⁵ Ree laatə toms maza buttirəzzə, sə i esu eska yewi rek. ¹⁶ Wodi annu gbam haa ii boka rege rekaa yewi rək i regək nok uza esu unaa rekan pa. ¹⁷ De zəngs getu di' sə doo bonge, səniya miirə Daa rəi rigazi ipu naa rek wessawe', ama mii aa n pu wərkrə na'rə wodu ro az. ¹⁸ N ruuk sə n gee mində Daa rə gwa, sə n doosu Daa n bo̱'sə pu ura paariz hakəi gə n sa'pu. ¹⁹ N too ara i derkənə waza mooz bən akpa. Ama yermə muzo diga səniya mooi r tə. ²⁰ Ruutə, zappu gwandə Daa rə, diga piti ar ye'na sei Daa ulləz ogu, sei yirku kamu sei nog rekarə ullə sə ree kuwu. ²¹ Waz doosə Daa ulləz gee, Daa n bo'sə pu ura paaz hakei, gə n sa'pu, n too ara i derkənə waza moozak pa. ²² Ama Daa ulləz doosə səniya ulləi gee, ina kamtə yaluwa ar ookapa ewi, ina te'su naa gbaku, gə ina te'su ma'az na'rə naa tag dentə. ²³ Sə ina kamtə negəza n maau gwa sə i suu az ina ɗe'su, ina bo'rə naas. ²⁴ Nok doo werapu ri'ak getəpu naa zengs, gəbən yaapu sə kin zok. Sei i ma' yaksa zok. ²⁵ Wakatiya ezirə, zəəzaz piti o'ka tomso, pu zakapurə sə gee do'kaa bigrimrək naa waag. ²⁶ Sei der sənza gwaagirəz muzo sə desu gee, anni pu bo'runkparə ya? ²⁷ Sənza rooz doosu gee, doowiya moozi zappu gwa, sə Daa mooz ɗe'susu negəza a nee zok gwa'rooz noka zannpu wessak. ²⁸ Ama waza rooz mu'us torka, gwa'roo nok suksa baar, Daa ulləz keetə sə ooru. ²⁹ Sə waza ullə gbi'za ezi doo bonge, gwenəm wi'a n bo'ri gənŋa naa mooi. N kam toms ni sənzak, a doosə una sə n mu'us bo'ka pa, naa riik koo de' muko a meɗe eskə koo waa berk sə n bo'on naas naa uri yangiya mii pa. ³⁰ Ama gwenəm waza mooz wo'oto wessa moos tarabantairə, zaa a ɗe'susu negəza a neeu gwa'az. ³¹ Sə Daa doosu gee, waz a punaa mii koo benaya, ina miin a mondənni. ³² Ama a tooton ara aka bo'on yaksa zok naa tingtəm ak, nok doomiya moorə az wer, sə ri'ak punaa zengs, yaa ama kinsa pu zok.