¹ Bo'rum ri' ublaa engəskəskəna ukarə, de' tor gwaaga doonza Farisaawai rəzzə uzarə, nok reka burodi, sei pi'su no'rə mis. ² Gwandə mu'ka boo, maz uza pii dent naa nat puurusapu. ³ Yeeso des biibai naa Farisaawai gee, go'gon ina bo'rə ringbukuka ublaa engəskarə ya, koo go'pa ya? ⁴ Ama i rees, sei Yeeso kamu sə go'su, sə faasu. ⁵ Sə doosi gee, iirə te'ka puna naa gumba gumsə koo woz sə naka kasə dullə ubla engəskarə səka keesu paya? ⁶ Ama i le' sə i bagu pakki rə paapa. ⁷ Sei Yeeso gweni ni iya i dooti naasai ni i teegən ar gapta gbi'ta tak, sei riisi pak gee. ⁸ Maz naa doosa naasa kiimrəs, ka gau naa ara daamrəkrə pa, nok leegə dooto pu ura naa diimaz. ⁹ Ura dootən in ittəkəz yasaz na rəktə, doosəka mona daasə urzi ar gapt moorə eti, sə geek ar gapt topattə naa deksa zur. ¹⁰ Ama ina doosən naas, rəm a gau ar gapta topattə, nok ura doosaz na zaa, leegə doosuka gee vere rəm a gau ar gapta gbi'tattə. Sə mariya i gau ar gaptə yammai yas i nooska. ¹¹ Nok koo neya noos zura gwandəl i gengkunu diiri, ama ura gən, zura gwandəl diiriz i noosku. ¹² Yeeso dosə maza dootu naasaz gee, derkən maz reka koo mona derk gini kaa der vereya mooi, koo ungwaniya nooi, koo zeewiya mooi, kura gwaagəiya moorə naa na'ai pa; nok iima noka i derkənak pa, nok gakp ni i toksa puk. ¹³ Ama mona derk mara gini derəm mariya naa zaamai naa iya i bərəi, naa lendi naa ruri. ¹⁴ I kink kən sə'səm de' ipu naa bilaa i toknak pa, noka riik i toka ton ubla dəl bamnarə. ¹⁵ De' muzo iya ipu gamnarə naa Yeeso tengtirə naa Yeesoirə te' gee neta eti, sei doosi gee, sə'səm gapsapu ura ri'gək gwanta Billət təzzə. ¹⁶ Ama Yeeso doosi gee, maz uzazi bo'rə naasa gbi'sas, sə doosə mari gənga. ¹⁷ Də' wakatiya naasəlləz rektə, sei tom seniya ulləi ina dootə mariya bo doosi naasai ina zaa,nok i gapsapu koo anya. ¹⁸ Sei gwani yas, i ma'tə kamrəka pakrəm. A seenzaz doo bonge, n kee yipk allə n rek sə n ree gaentə, useni doosum dangwanz kinsəkə reka naasərə pa. ¹⁹ Se maza muzəzboo doo bonge, n yapsapu ne̱giya baakrəi no̱' gbanaarə n ree gwenkirə kinsəkə reka naasirə pa. ²⁰ Uza boo doo bonge, " keek kamkp kiizə n le'ek zaka naasirə pa." ²¹ De' senza ezi zaa dosə Dangwanz ullə netti, sei baar sug Dangwanzzi sə doosə sənza ulləz gee, rem dera dərmiya gbi'kiyairə naa ye'niyai rə naa billəttə paa, a kam iya ipu naa gbam pai, naa bədi, naa ruri, naa lendi. ²² Sei senzi doo bonge, 'Dangwanz n ɓamsapu ina a doosən, ama haa ri'ak ar pii. ²³ Sei Dangwanzzi doosə sənza ulləz gee, rem bimittə bi' naa dərmiya ye'kiyairə, billəttə, a pa'rəttə mari ina toto nok sə gwaag na yi' ²⁴ N pu dooskəndə, mariya n se̱e̱ de̱rki airə te'sə i lellek rekki pa koo topa. ²⁵ Ri'ak bansa mari ipu gənga ipu ri'gəttə, naa ur, sei yere sə doosi gee, ²⁶ koo neya miirə sə mu'us Daa ulləz, naa kiiza ulləz, naa yangiya ulləi, naa a' ki'ai pat, haa naa zengsa ulləs pat le'ek kankpa kubrubaaza miiz pa. ²⁷ Koo neya pe' vaga rau sə duutə paz le'ek kankpa kubrubaaza miiz pa. ²⁸ Neezi iirə te'ka sə iisapu womkpa gwaak sə gagbəs wessa wo'səkaas diga ma'karə, koo le'ek len gbamsəkas paya? ²⁹ Nok na ma'sapu womr səna gbams pa, kooneya og womriz loduku lon. ³⁰ I dook gee, maza az ma'sapu womr ama gbamsəka le'eu pu gbamskarə. ³¹ Gəbən koo pe' gwanz uza rek ya'amrə naa gwanz uza. Diga ma'karə gakp sə wi'gəs koo ur naa soojai mu'komna le'ek len sə gwaa umkeeriya ullə pu kamtək ya'amrə naa soojai mu'zuraz ya? ³² Na meemen na le'ek pa, diga ura ezi piti ar ye'na rektitə denpa. Səna tom tombaaz na rəə laatə bila geekənkarək. ³³ Ri'eri bən kooneyamarkən naa ina pisun pat le'ek sə gau kubrubaaza miiz pa. ³⁴ Zing manda go'gon tingtum ulləm naa pii gə, ama tingtuma room na kee pu, ni bo̱'kən sə goon zingbak pii ya? ³⁵ Punaa tomspa, koo topa go̱'ok nok but pa, go̱'ok səksəs pa, noka riik kuusuk zok. Mari kamkpən to̱msa una pa, kuusuk zok sə mari sə digdəs. Ura na punaa to'a geekarə na gee.