¹ Mii naka pag naa me'teya marirəi haa naa a malaikairəi. Ama mina gbaa arpa, n gau puni kəng gbir a do'ollak koo ni googe a doozak. ² Mina puna meeka ina bo'rumkpan koo mina ka mee neta wessa sumsənrət naa meegəska, naa bən minaka puna eska timr wessa we' haa sə minaka doosək billə ina es ina dàà ara i pinnak, sə minaka punaa gbaaka pa mii una ni pa. ³ Ko mina ka esə ina pisen nok kamgbəka iya gbam piipai yas, ko mina ka esə zoka miik sə ina doos sə mina punaa gbaaka pa, n kinə ko una pa. ⁴ Gbaaka punaa ɓəska baar naa go'num.Gbaak punaa keerəz pa, punaa təka zur pa. Punaa ina go'pan pa, ⁵ təg zur pa. Ii zur pa. Koo baar sugu ya' pa, kam in timlə pa. ⁶ Gbaaka zok yagnu ina enkurən pa. Gobtəra ri'il, sei ina zəman. ⁷ Gbaaka punaa net yas esə timr nettə yas, puna eska timr nettə yas, sə ɓəs bar nettə yas. ⁸ Gaaka ɓampa koo bənaya. Anabchi na pii i assək an. Me'te i wo'ok won, me̱e̱gəskəna ark an. ⁹ A me̱e̱ kana ukarə neta bo'rumkpat kana ukarə. ¹⁰ Bəlla a wessan zaknak, a wessa pan assək. ¹¹ Zoora n pin waz waizizal, n pag ni waz waiyak, n sundə ni waz waiyak, n do̱o̱ ni waz waiyak, de n rəks maza doozaz, n dàà yangrəm. ¹² Ni a gwenən daarəngal ak sə a og təgra pa, ama a og muug naa muug. Ri'ak i mee pa pa ubla pu zakrə ara n me̱e̱gəskən wessa we'ek ni i meegəsne wessak. ¹³ Ama ri'ak seetəpu net taatə eska gonga, eska timr naa gbaaka, ama a gbi'na iirə te'en uni gbaaka.