¹ Esəka rumsəkrə, uriyangi n ii minge kai gau naa təgra pa. ² Ii me̱e̱men zoora ipun duukən langsi rəllə, i səərən sə i duu langsiya i le' pak pai, ɓapsin soou ni baar kweesuk. ³ Ri'ak i minge ika mee ura pag Rumsa Billəs səz səka doo bonge, "Yesso go'pa." Ri'eri bən maza ka doo bonge "Yesso Dangwanzi," sei naa gbi'kəma Rumsa Billəsəm. ⁴ Ri'ak esək pu soma so, ama Rums pu muso. ⁵ Ɓatə ipu soma so ama Dangwanz muzo; ⁶ tomte ipu soma so, Bil mulo uzi po' koo neeya sə bo'rə tomsa ulləz. ⁷ Koo neeya i esupu esəka Rumsək nok səna kamən toms tele. ⁸ Uza i esupu esəka Rumsə ɓe'kurək, naa me̱e̱gəskənaa Rumsək. ⁹ Uza i esupu esəka eska timlə Rumsək, uza i esu esəka rungɓuka marirək. ¹⁰ Uza boo tomteya mə'səm rəi, uza meeka ina bo'rumkpan. Uza esəka me̱e̱gəskəna rumsa wessas naa zaama go'pam, uza boo meeka pak naa me'te soma so' esəka gənkəna pakrək naa me'te soma so'. ¹¹ Neta eti yas Rumsa musəs sə kam toms, ni baar kweesuk. ¹² Zok pu muko ama punaa dalət, dalətta root bo a zoka mukok rətti, ri'zi boo naa Kweebaaz. ¹³ Aa yas i bo'saa batisma Rumsa musəssə zoka mukəkre, ko Yahudaawai koo menki, seni ko yangi aa yas bo a Rumsa musəssi. ¹⁴ Zok dalaa mukək kipa, punaa dalət genŋa. ¹⁵ Də' na doo bonge, ''Mii na' i pa, mii daala zokrək kipa,'' dooka ri'ik massuku naa gakkpa daala zokrək pa. ¹⁶ Bən tok na doo bonge, ''De mii nolli pa, mii daala zokrəkki pa,'' dookaa ri'ik massuku na gakkpa daala zokrək pa. ¹⁷ Zok yas na gau nolli, ika ge̱e̱n an pak ya? Zok yas naka tokki ika gbii in naa anya? ¹⁸ Ama Bil go'rə dalətta zokrət ni go'suk. ¹⁹ Zok yas naka daala mukokki, a seetək gə? ²⁰ Ama ri'ak dalət pu gənŋa zok bo mukə. ²¹ Nor kwe' doosəka na' bonge, ''N wina pa.'' Ko zur kwe' dooska də' bonge, ''Una kasse naa moo pa.'' ²² Ri'erizi pa, dalətta i og ni pu zukat uti wessa. ²³ Dalətta zokrə i og inge tomsa ullət pu topat uti a i esu gbi'kəmat. ²⁴ Dalətta aarət pu ookapa una pii sə a bo'oski pa, ama Bil daks zok muko sə esə dalaa kin oompak gbi'kəm. ²⁵ Bo'rə ri'eri nok markənka kana pii zokrə pa, no̱k sə dalətti na gbaakən gbaakənka mukək. ²⁶ Ri'erizi dalaa muko na kunə dalət yas gau ni kunsapuk. Ri'eri zi bən ina zan dala uka dalətti yas uti geek yaksa zok na ur. ²⁷ Ii zoka Kweebaazəkki koo neeya bən dalaa ulləkki ²⁸ Mariya i esə timr Billəirə te' Bil tos uri ina gau manzani ma'karə, ettəz anabawai, taaz mariya i kubrusənai sei iya i bo'rə neta mə'səmrəttai, naa iya na esəka rungbuka marirəi, naa iya i po' marii, na iya duu iya i esə timr Billəi, naa iya i pag naa me'te soma so'oi ²⁹ Iya yas manzaniyi ya? I yas anabawaiyi ya? I yas iya i kubrusənaiyi ya? Koo i yas i bo'rə bon neta mə'səmrət ya? ³⁰ Ii yas zi i punaa esəka rumgbukarək ya? Koo ii yas i pag pan naa me'te soma so' ya? Koo ii yas i le'len gənkəna pangna me'te soma so'oi ya?́ ³¹ Laan esəka oomik naa warkiis. N geeskəngen bilətta wessawet.