¹ Ama a wọ, gẹgẹ ẹkẹna nẹnẹ ma ana wọ ogigule ọma ga siye na. ² Te iforo isuda ka bi su ọfọlọn siye, bisu odi kuru nọ, idin nẹga, bi su ọnawọ ogigule, bisu unini, aka ọfọ ẹpan ta siye. ³ Ọrẹ oyẹrẹ ọnẹbẹ te iyaro isuda abẹ ka ibu su ekuru nọ ibo sisiye bima da owurun fọ owo be ero ẹka fuwa, bi ma da ọvan nẹ adẹ ete ero ekẹna nẹ rọn na, ⁴ bi wọ nẹbẹ gan da ọfọrẹ yẹn iyaro ikirisa abẹ ka bi di su bi iforo unini aka ka bi ni be gben nẹ ga. ⁵ Bẹ da odin ẹdayẹn osiye ọsẹrẹ iguru ubowo iboro, aka kq bẹ da ẹbẹrẹpan ne bi iforo ẹbẹka. Osibina ẹga aka ods ọfọ owo ta fuwa. ⁶ Pẹrẹgan, ki gbe egben ikirisa bẹ uloko ka bi su iroro oboro nẹnẹ gule na. ⁷ Ọrẹ fẹyaan, fọ wiwu yẹn aka utun oboro abalẹ siye na. Iwo otite, fọ ijọmọ wi wu ka, osere osisiye, ⁸ aka ẹga ọsẹrẹ nẹnẹ sun ọsẹn nebe na usi edi sẹ ero obwe nẹnẹ ama na wẹka wọna ubaka bi me su odudu gan sẹtọ. ⁹ Te ẹvan abẹ ka bisu ẹpan ọbẹbẹrẹ ne enaanẹ bibana ẹpẹn fẹyaan, bẹ fọ bibe kẹ rọn bima ke ma ba yan nowo, ¹⁰ bi me ki yire ba oyiri, kaa kọ nẹbẹ be fọ ọnawọ oboro kẹ yẹn ubaka ọrẹ fẹyaan bidi fọ ekuru bile kẹ nẹ Osibina tọ ọnafsn otite. ¹¹ aka Osibina ese fọ iwu yẹn nẹ ero fẹyaan ona fan. ¹² Etetu akọ teke siye yuru Osibina iyuru din aka ẹrọ nẹ ẹwọnsẹn ọsẹsen aka ka tisu iwa ọsẹ jọwọn ọsẹ ẹrẹ osisiye aka ọfọ iwu gben Osibina emisa ẹrọ ọnẹ. ¹³ Ako ti siye fayẹn wọrẹ nẹ ka tẹnan ọfanyẹnyẹrẹ nẹnẹ su ekuru bile, ugbigbodi ọfọyẹn nẹ wa tọ Osibina aka ọnafan Ijesus Ekraist. ¹⁴ Ijesus fọ yọ iwu nẹtọ ubaka edi fo tu na pila fura imesu ubu buru fẹeyan aka ka asẹ sina ọwọnwọn nẹ yiwu erobwe ofiluba tie ẹnanẹ awọn miwu ka bi siye utun tiye mi iboro na ¹⁵ Ga ẹga ẹnanẹ gbe ero uloko ka bidi ki siye aka ka ọfọ omasiye fọ ọrẹ kẹ yẹn ba ume ya ka koro kọ ọyẹrẹ afọ ayẹn wan wọ