¹ Yẹn ba ka bẹbẹrẹpan ibin, kẹnẹ aka ẹkẹkaro, bi kuru kẹ nẹba, bẹ kwẹsa ki siye utun mi boro. ² Bi me won koro kọ ọyẹrẹ bima sana kẹ fwẹ ẹfa, aka ka bẹ kẹ sọlọn bẹ fọ iwu ọbẹrẹ fẹnyan kẹ yẹn ero fẹnyan. ³ Ubaka atọ ẹbẹba wo urunṣa, ti iroro eme gule aka ka ta ma wọ ọtọn. Bi duduna to ọrẹ be sẹ tọ ṣin na ovaan nẹ ẹsẹn aka ẹrọn mọtọn idudu. Ta ma odudu osisiye aka ero ọgbẹrẹ odudu ogbe.Te we su ọbalẹ aka ka ti di ne goli aben. ⁴ Ama a ọma nẹnẹ Osibina ogube to ọnafsn aka yu unini nẹ ẹrọro egben fọ iwu yẹn na, ⁵ ama wa osẹ ẹrẹ osisie utun nẹnẹ ti sie na ama dakayeyi nẹnẹ a natọ fan wo ọfọba ẹfọrawọn aka sina owowo ẹfuwẹnfuwẹn ọwọnwọn. ⁶ Nẹnẹ Osibina guma ri itu ọkẹkẹrẹ itọ onafan Ijesus Ekraist iyin na. ⁷ Ka akọ esiye fọ eyi unini sẹn tọ ese sẹ tọ ṣina egben na nigori nẹnẹ su ayen ẹyẹrẹ sina ama ọkogun aka ẹro nẹnẹ eme su ọta na. ⁸ Utun mo fifile nẹnẹ su ọfayẹn yẹrẹ. I nii ka ọfọ owo yẹrẹ ẹpẹn enanẹ erigan ẹna nẹ na Osibina wọ na bidi bese bẹsẹ iwu fọ ọlọn ki siye utun miboro. Ẹpẹn ẹnanẹ rọn bidi su afa nẹ ero feyan. ⁹ Àmá mon nẹ abẹẹyẹ ọsankata aka ubanẹ ogarẹ ga ọta, aka ẹfa ọfẹfwẹ aka ibuburu ẹyankata otitie. Ẹpẹn ẹnabẹ eme su ẹkẹrẹ ba ma ron muro. ¹⁰ Yuru órokóro nẹnẹ apan mẹfa iniwu na ọrẹ don buba, urunba nẹnẹ ọpẹrẹ ba isi oṣoro aka isi ọbẹbọrẹ rọ na. ¹¹ Din ka oro ọpẹgan duduna fura ọrẹ nẹ ṣẹrẹ na emi ne luwe, asẹn yiwu ebe. ¹² Ọgba nẹnẹ me file Atemas abarẹ Taikikos na nẹ o na, fura kaara sa tomu Inikopolis, ẹfẹna nẹnẹ ẹfọ ayẹn sẹ ka ma ka man siye ifu ogba na. ¹³ Siye ẹpẹn fẹyan nẹnẹ udiye siye na ogbaka ufile ka Zenas ọnẹkarẹ aka Apollọs, bile biwu gbẹka kẹnakide ama ron na bayẹn. ¹⁴ Tee ro bi su oboro ọfọ iwu piya siye ka bi din kẹ bẹẹsẹ ẹpẹn iboro elakata ẹka nẹnẹ bọwọ to na kisu, ọnẹbẹ uba, bime yuru mun nilukutu . ¹⁵ ero fẹyan nẹnẹ ti bile wo ẹẹkọkọnẹ na agan nọ fẹyan gan anawo ro ẹnanẹ nitu na. Osi eyi ayẹn ama anọ fẹyan ma.