nbtt-oks_tit_text

Epan 1

¹ Ẹpọl, Osibina okotoro aka Ijisu Ekrist Apostoli nẹ Osibina anawọro ne bi file uba tiye na, anaawo aka ikuwa odindin nẹnẹ ma Osibina Ogbigben siye na, ² aka ọfayenyẹrẹ ẹrọ nemesu ọta na, nẹnẹ Osibina na asiṣoma, narọn mowo yẹẹrẹn nẹ ọmaa fẹyan ofoyaan ọfọkpa na. ³ Ọgba nẹnẹ bọwọ nạ afọ yẹga igbẹn yẹn iwasun nẹnẹ aa dọn mọ uba na pẹnẹpẹnẹ aka Osibina tọ ọnafan ìburu ma na. ⁴ Nẹ Etayitọs mo ogbẹn oboro ito obile nawọ. Osi ese aka abẹriwu nẹnẹ wo Osibina Ẹdẹda aka Ijesus Ekarist tọ ọnafan. ⁵ Ọnẹ uba iteyi wu wo ikrete na udisẹ ẹpẹn ibuba fẹyan nẹnẹ tẹmemi sẹpan na wo ọsẹrẹ aka esiye bọwọ na, udina fọ isudaje uwuru fẹyaan aka isiye fọ ọrẹ yẹn we wije na. ⁶ Osuda nẹnẹ aka da ẹfẹ naanẹ eeke su osẹn nẹbẹ, nẹnẹ wa oworo, ọyẹrẹ oforo na aka egen ẹ nanẹ su ọnawạ nẹnẹ ero ama fọ owota be siye gbagba na aka ka bama wọ ọtoṇ na. ⁷ Ẹ boọwọ ya nẹ ẹfẹna aka da ẹrẹn rọ, na afọ ẹfẹna anẹ eme su ọfọ owo ta na. Egbadọ ada osu ọkẹkẹrẹ, ọsana kan niwu ama da ade, ikolo, ojẹga, aka ama da osẹ ọlarẹ ⁸ Ka akọnẹbẹ, ada ọkwọ ero file iwu aka ẹpẹn iboro ọrẹ. Ada odin iroro, osiye ọsẹrẹ, ọwọn aka ọfọ iwu na ro. ⁹ Ada ore nẹnẹ sẹ ẹga ikuwa ẹka ne bi tẹẹ na file iwu gerigeri edi ki gbe ero ẹyẹ otite nẹ sẹrẹna edine di kitin ero nẹnẹ ama nan yẹka na iyin. ¹⁰ Ubaka ọyọyọ sina imanan ẹkan ro, ẹfọgọlọ da, aka awọrẹ ro kẹẹ kẹyẹ ẹfwẹseda abẹ. ¹¹ Abọ ọwọ ka bẹ sẹ ba jọmọn. Bẹ sẹ ukuubade ikumikun a lọgọsẹ aka udi otite nẹnẹ eme su ekẹrẹ nẹnẹ ama bọwọ ka bi ete ero na. ¹² Abẹ ẹbẹba ọgẹsẹ obẹn gẹẹ ka "ikre te ro isọmaro bẹ wa opin ọọrẹ ẹnẹn midudu, efwọ ọlẹ ilon mibe." ¹³ Ikuwa ẹka ega onẹ wa nẹ. Ọnẹbẹ uba, pẹrẹba ayẹn nẹ bọbọ bi idi su ọna wọ nẹ fọsẹn si ije na, ¹⁴ Bi me piya iju ro ijeda isọma amaga ọgarẹga kọ yẹrẹ aka e ro obwe nẹ fọ ẹrọro ibiburu duduna. fura ikuwa na. ¹⁵ Nẹ ọsẹrẹ ro, ẹpẹn fẹyan asẹrẹ. Ama nẹ obwe nenẹ esiye irekureku nẹnẹ eme di nesu ọnawọ na, kenakide eme wo ọsẹre ubaka ka biibe aka ẹyẹ uudedin wo irekureku osisiye. ¹⁶ Be siye aka ẹnaanẹ din Osibina na, ama be fọ bo osisiye yuru odin ya. Ba bẹyẹ oro, ba ma wọ ọtọn, ba ma rọn nẹ utun oboro kọ ọyẹrẹ osisiye.