¹ E gẹ, Osibina yuru yero họn? Ẹgbado ada ẹgan. Ka amẹ Israel ro ayẹ wa, Abraham yọ ubanẹ ayẹ wa, nẹnẹ wọ Egbajemen ẹlarẹ na. ² Osibina eme yuru yọ ero, nẹnẹ atayi din na. Uwe me din ẹkẹna Osibina ẹga ga sọ Elijah na? Akọ e siye tẹyẹ Osibina ekwin nọ Isreal ro na? ³ "Idu, bẹ wan wọ ẹsẹro abẹ, bi pẹn wọ akpasẹ. Ama yẹrẹ eku, aka bi di ye nimu ọwan." ⁴ Ama, gana Osibina siye gun nẹ yo wa? "Iguru su iforo aṣẹn ufọn ubọrẹ nẹnẹ eme gu me ⁵ ẹkurẹn nọ ọ Ẹbaal na." Kẹgan kẹga, ṣa re ọgbọnẹ, e diye ki ku uba ka ese wamọ. ⁶ Ama adaka ese uba ya, eme pila wọ utun. Kama da ẹgan ese éke pila wọ ese. ⁷ Ẹna wa? Ẹkẹna Isreal be ni na, bama gbẹ na, ama ẹnanẹ bi tiye na, gbe na, abẹ ibu ba mi su iluko oṣiṣilẹ. ⁸ Eki we akọ bi siye wọrẹ na. "Osibina fọ ẹfunẹnfunwẹn okpe ẹka, anyẹn nẹ be ke di ya gbije na, aka ọtọn nẹ bà kà wọ na, kene ṣa re amọnẹ." ⁹ Ogba ọnẹbẹ Idavid gẹ ka, "Jọmọ bọ ọkparẹ e ṣinọ agẹ aka ẹtakute, ọrẹ ojuju aka ebe oṣẹnṣẹn nẹba. ¹⁰ Jọmọ bayẹn atọ esiri, bi me di gbayẹn, diye de bọ abarẹ kẹ ẹ yọ." ¹¹ Imi gẹ ka, "Ibi pila ido ubaka bi di falẹ họn?" Ẹgbadọ a dẹgan. Akakọ ọnẹbẹ ọnafan ṣa nọ ikuwero abẹ, edi wọ rẹ ba kanọ iwu fo mọ ọgbẹrẹ ogbigbe. ¹² Akana ọnẹ, adaka bọ iṣumọgbẹn aya wọ ikiba osu ẹro nẹ, aka adaka ọnẹnẹ fuwa aya yọ ikiba oṣuṣu nẹ wọ ikuwero abẹ ẹka na, gana bọ emi sie eke, siye gnodi ta? ¹³ Akana ọnẹ, anọ ikuwero abẹ amaa gẹga, akọ e siye gbe ka Apostu ẹwa nọ ikuwero abẹ na, ẹfoọ uba atọ iloko imọ utun. ¹⁴ Ẹsosiye, ini nowo rọ ọ ọgbẹrẹ ogbigbe ánọ̀ nẹ wa mọ iwukpe na. Esosiye ka ta ka nọ ẹbẹn fan. ¹⁵ Adaka bọ oyuru awọ ọ igurume ẹrọ fenyan na, ẹnane be nawo na aka da, ama ẹrọ furọ ọ ufo? ¹⁶ Adaka ilukutu iṣoro wọn, ega ne siye wọ ẹsan. Adaka ẹnyẹn wọn, ẹgan ka yọ ẹba eke siye wọn nẹ. ¹⁷ Ama adaka uba ẹbẹn ṣẹn fura, adaka awọ, nẹ wọ ọdan olivi uba na, bẹ ṣẹn wọn do bi wu, adaka ȯmaba ruwa olivi oti ẹnyẹn nẹnẹ su ikiba na, ¹⁸ uma kọ agunmabọ yẹrẹ uba abẹ ẹpan. Ama wa ko agunmabọ, ama wọ awọ afọ iwu gbeli ẹnyẹn, ama ẹnyẹn aya fọ iwu gbeli wu. ¹⁹ Wa ka ge ka, "Ibẹ kọrọ ẹbabẹ fura bi di ṣẹn mọ do fọn." ²⁰ Ikuwa ya. Ubaka, be me su ọnawọ, ayẹ bẹ kọrọ ba fura, ama awọ u jọmọ oboro ubaka ọna wọ. Umà fọ wọ iwu kpọ, ama sọn mọ rọrẹ. ²¹ Adaka ka Osibina eme tẹbi ẹba ẹnanẹ wọ ọma na, ékè tebi kawọ. ²² Balẹ ya, Osibina yo eyi aka yọ odudodudu: odudodudu ṣa nȯ Ijiwu abẹ nėonẹ falẹ na, ama Osibina yọ eyi ṣa nẹwọ, ada ka wa ka kẹ́ yọ iyọ eyi na. Ama dẹ gan, iba ka ṣẹn kawọ fura. ²³ Aka ka bẹ, adaka ba ma yọ ọrẹ na ma wọ ọnawọ na, maka ṣen ba do fan. Ubaka Osibina di diya ṣẹn be do afọn. ²⁴ Adaka bẹ ṣẹn wọ fura ẹkẹna wọ ọma ọdan olivi oti aka eme wo ọṣẹrẹ ka bọ ijije, be ṣẹn wọ fọn olivi oti nẹnẹ rọn muro na, gana ẹba nẹnẹ wo ka ba ijije ṣa na, ba ka ṣen ba pila fọn bọ olivi oti? ²⁵ Ubaka, ime ni ka nẹda aka ina ma wọ na, mẹ ẹda abẹ, ẹpẹn oji norowo fuwa, ubaka uma dọ ogben nayẹn iwọ iroro: Ọ́sàrẹ ọkan mo ṣiṣile ṣatọ Isreal titi re ọgba nẹnẹ ikuwero abẹ aka fọn ṣa na. ²⁶ Israel ro fẹyan aka gba ọnafan, akọnẹ bi siye wọrẹ na. Ẹzion iwu ẹfẹna ta tọra oro ki wije na ekewe ṣa. Eke ti ye ọna ma wọ Osibina ẹka na furọ ọ Ijakob, ²⁷ ọnẹ aka da akà ọkpa ojije aka abẹ, ọgbọna ma ka kọ bọ ikuwe fura na." ²⁸ Akọ nẹnẹ epepan noboro siye wa na, ébè ro bẹ wa iwo ore. Ama akọ otiye ero siye wa na, unini ro bẹ wa uba be wọ ẹba ẹpan ẹka. ²⁹ Osibina yọ ọva aka yọ oyiye eme su obila. ³⁰ Akọ nẹnẹ u siye tayi ṣi ọtọn nọ Osibina na, akana nẹ gba eyi na, nẹ nọ ọtọn mo ṣiṣi. ³¹ Ọrẹ ọnẹbẹ, Ijuw ẹnanẹ bi ṣi ọtọn. Yọ ọsẹ pan awa ka wọọ eyi nẹnẹ bẹ sọn na, ka bẹ aka gbọ eyi na. ³² Ubaka Osibina ji abẹ fenyan nọ ọtọn moṣiṣi ubaka edi sọn ero fenyan ẹ eyi. ³³ Oh, ikiba osusu yọ olilon aka ayẹn ogbigben aka odindin Osibina ẹka! Gana be diya gba yọ ẹkarẹ ọṣẹnṣẹn igben, ka yọ orikpokpo eme su odindin! ³⁴ "Ẹra edin Idu yọ ibe á, ẹra eṣinọ ẹfẹna da ke kpẹrẹ ya na? ³⁵ Sa ẹra arayẹ fọ ẹpẹn nọ Osibina, aka Osibina eke gbadọ du nẹ ya yẹ? ³⁶ Ubaka wọ iyọ uba ṣa, yọ yọrẹ ṣun diya nẹ ya, aya wọ ọ ẹpẹn fenyan. Nẹ yan awọ ọ ugbugbodi otunrunmotun. Aamin.